كان يوم جامد كان نفسي يتكرر والله بس جت ظروف سفر كدة بس تتعوض ان شاء الله.
ااااااااااااااااه الترامادول. هههههههههههههههههه ماتقولو يارجالة ترامادول ولا تامول ده الاسم الشيعبي لزباينه.
عرض للطباعة
كان يوم جامد كان نفسي يتكرر والله بس جت ظروف سفر كدة بس تتعوض ان شاء الله.
ااااااااااااااااه الترامادول. هههههههههههههههههه ماتقولو يارجالة ترامادول ولا تامول ده الاسم الشيعبي لزباينه.
يا د أحمد عمرك ما هتندم إن صفحة تاريخك بينك وبين نفسك تفضل بيضاء
مكسب خمسة وللا مية وللا ألف وللا أكتر ما يساويش أى إحساس بالخجل والحسرة فى الدنيا أو فى الآخرة
استمسك بالصح واصبر عليه
الحياة اختبار مش هزار
بعيدا عن الموضوع اللي مالوش تعليق حلينا في حتة تقلت عليكو ده انا بستنا مواضيعك بقيت مدمن ههههههههههه
انت بتحط فيها نسبة تامول ولا اية لما مبلاقيش مواضيع بدور في القديم يمكن اكون سقطت حاجه ولا نزلت وانا مش موجود
كنت مستني حضرتك والله يادكتور.أحمد
الفكرة إيه؟
لما راجل كبير ييجي يسألني وأقوله مفيش .. عادي ولاكأن فيه حاجة
لكن لما يدخل عليا عياااااااااااااال صغيرة وتطلب البتاع ده .. ربنا يعلم بيتحرق دمي أد إيه
فلما ألاقي صيدلي جمبي..أو كل الصيادلة جمبي علشان أرياف وبعيد عن التفتيش .. يبيعوا الحاجات دي للعيال الصغيرة
الوضع بيبقا صعب ومقرف
بأي شكل وبأي دم .. صيدلي دكتور يقوم من على الكرسي .. ويقطع قرصين مخدرات لطفل .. وياخد منه فلوس
ايه الفرق بينه وبقا وبين طوارق الليل والهوام من التجار و.....و........
لاحول ولاقوة إلا بالله
دكتور أحمد .. أنا فكرت كتير في إعتزال المهنة نفسها من أساسها
فكرت في كام مشروع تاني .... وكمان فكرت في صيدلية في مكان تاني
المهنة بقت مقرفة .. ومهينة ..
حضرتك ماتتخيلش الأشكال بتاعت كل يوم .. أخر مرة لما رقصولي على كبوت العربية
علي فكرة انا عايز اقولك علي حاجه بسيطه
انت ليه مبصيتلهاش من وجهه نظر تانيه
انه جيلك بيحاول يجيب رجلك ؟
انا حاسس بصراحه ان تصرفه ده غير طبيعي وهو ليه يدخل عليه بالبجاحه دي ومعاه طفل ويطلب منك عادي جدا اولا معتقدش انه يطلب حاجه زي دي قدام ابنه
اكيد ده حد عايز يجيب رجلك او يجيبلك وانت تبيع والله العالم ايه السر ورا تصرفه ده غريب بصراحه
هتابع معاك الموضوع لاني متوقع انه يجيلك تاني او مواقف التامول دي مش هتخلص وانا متابع سبحان الله مواضيعك دي فالفترة الاخيرة وملاحظ انها كترت اوي
انت اديتني احساس جامد ان ناس كتيييييييير جدا ف البلد عارفينه وبياخدوة عادي هو في ايه
انا احتكيت بناس واخداه وعايشه احساسه المؤقت بصراحه البرشام اوسخ دماغ او حاله مؤقته انا شفت فيها بني ادم في حياتي علشان الناس الي متخيله ان الموضوع كوميديي او هزار بنضحك من همنا :(
أنا مقدر موقفك والله يا أخى
لكن ماتفتكرش إن فيه أى مهنة مافيهاش صدمات قريبة من دى
لازم هتلاقى نفسك فى وش قرف وفساد وانحلال من صغير لكبير
ودى همتك بقى يابطل إنك تظهر لربنا ثم لنفسك إنك قدها لإن "لا يكلف الله نفسا إلا وسعها"
وزى ما قلت لك الدنيا اختبار مش هزار يعنى الواحد هينول حظه من الفتن بالطول والعرض لازم يعنى لازم ، حتى لو اشتغلت فى شغلانه فى القطب الشمالى لوحدك برضه هتلاقى فيها اختبارات...
اللى أنصح أخويا بيه التمسك بمبادئك للنهاية مهما كان اللى حواليك وأجرك هتلاقيه فى الدنيا والآخرة
ربنا يكرمك يابوحميد
مش محتاج يجيب رجلي
انا فعلا كنت عارف مسبقا ان الكل بيبيع عادي لأي حد
والراجل ده انا عارفه من زمان .. من زباين الصيدلية المعتادين....لكن أول مرة كان يطلب مني كده
علشان هو (مدرس) ويمكن كان شايف انها عيب قبل كده
الموضوع عادي بأمانة
يعني كل الفئات بتاخده.. مأذون البلد+ مدرسين+ طلاب جامعة+ حرفيين وصنايعية + عمال + موظفين+أمناء شرطة + ظباط+ حتى بعد الأطباء
كل الفئات دي طلبته مني بالإسم قبل كده
المحزن يادكتور هو الأطفال
يعني أنا عمري ماتخيل نفسي مهما كنت شخص سئ .. إني أدي طفل مخدرات وأخد منه فلوس بإيدي
فى يوم من الايام
كان عندنا صب سقف مسلح بس كان متاخر شغل يومين
فا السهر كانت صباحى
الصبح و العمال بيتفطر لقتهم عايزين نص يوميتهم قبل ميشتغلو قلت غريبه دى
اتارى هو الترامادول
وهما بيفطرو جالهم واحد بموتسكل و اداهم شرطين و كل واحد بلبلع مع كوبيه الشاى
و انا مذهول 13 عامل و كلهم خادو نفس البرشام
و المشكله ال زهلنى اكتر انوهم اشتغلو من 9 الصبح لى 11 بليل و مفيش واحد فيهم كح و شغل الصب ده متعب جدااااااااااااااا
هل الترمادول بيقدهم القدره على التعب و الاحساس و هل هو ادمان نفسى افهم
و سوال كمان ياعنى ايه ابتريل ؟