هي صوتها هادي ... زي الأول ... بيبان مع القرص شوية صوت حلو مش غشامة
أصل انا ممكن أنقل عند 6000 rpm :)
بس الصوت مش وحش خالص
طبعا الكلام ده قبل العلبة ما تشخلل وتتبهدل
عرض للطباعة
طالما كدة هجرب موضوع الماسورة ان شاء الله قريب
براحة على المكنة شوية ياباشا
انا عارف ان سحبها خرافى على اربى ام عالى والصراحة صوت المكنة بيبقى مغرى
كنت زيك الاول بس خفيت عاليها دلوقتى اعلى اربى ام 4.5 هههههههههههه
العربية الصراحة بتبقى عايزة عناية خاصة جدا غيار زيوت بدرى بدرى وفلاتر وو دة كلة كوم
والبنزييييييين كوم تانى خالص بتبقى غول غول بس على طريق مفتوح الاستهلاك يبقى عنب العنب
بس حاليا العربية سحبها مش عجبنى اوى عشان موضوع الرشاشات (قريب هفوقها كويس )
مش عارف ليه عايز أقولك بلاش .... حاسس ان مفيش فرق بين الأتنين !
انا الحقيقة بفتري عالعربية كتير :)
بس انا بظبطها فلاتر ومتابع عشان مفيش حاجة تبقي بايظة
البنزين انا شايفها مش وحشة الحقيقة .... مش زي ما سمعت من الناس خالص
يعني في الغالب لو ماشي كويس وبحرق بس مش كتير بيبقي 200 في الصفيحة جوة البلد
سفر بعدي ال 300
ربنا يباركلك فيها بس بردو واحدة واحدة الطرق بقت زى الزفت ومتساعدش
بس عموما العربية دى المكنة لما تكون مظبوطة استهلاكها بيبقى جميل واحلى من النوبيرا1600
انا عندى الاستهلاك بعد ما الرشاشات سيلت تدهور عن الاول
طيب وبعدين فى الحيرة دى
يعنى قصدك اسيبة زى ماهو ولا اصلا العيب مش منها
بس انا متأكد ان العلبة دى اللى مبوظة صوت الجكمان اخر مرة مركب السوستة الراجل كشفلى على الجكمان وقالى تمام
بس شايف حتى لو ركبت ماسورة والصوت متغيرش مش هتبقى مكلفة لو حبيت الغيها مثلا
الحمد لله غيرت العلبة النهاردة
جبت علبة أبو اليزيد
التركيب بالعلبة بالمصنعية بكل حاجة ب 190
هو علبة النوبيرا 1 تختلف عن ال 2 ؟
الحمد لله السحب بقي تمااااااااام
مفيش صوت خالص غير مع القرص الشديد
مبروك ياجيو ربنا يباركلك فيها ويسترلك طريقك
حضرتك غيرت العلبة الخلفية صح جبتها المجلفنة ولا العادية
انا فعلا بحس ان شكلها مختلف عن النوبير2 بس دة
النهاردة الصبح كنت فى مشوار واخويا اللى كان سايق وانا كنت قاعد ورا فى الشمال
العلبة الخلفية كان صوتها واضح مش عارف دة الطبيعى ولا اية كان الصوت عامل كدة فووووو والنغمة بتتغير مع الاربى ام
مش عارف بقى اية النظام هو لو مثلا العلبة الرنان هيا اللى معلية الصوت هتأثر على صوت باقى العلب ولا لأ
على العموم انا قدامى موال وافضى للشكمان
لسة واخد الاكصدامات والكبوت وش نظافة الكبوت مقطورة مرسيدس راكنة قصادى وهو طالع ملحقش يشحن الهوا كويس وكاسر وبيطلع من عربيتى قرب قوى من الكبوت بيفرمل ملقاش فرامل قام مطبق الكبوت من بعد الفانوس الشمال وبوظ السوكة بالكيرف بتاع الشبكة (كنت ظبطها وكانت واخدة فيلر)
http://img04.arabsh.com/uploads/imag...31424e64f2.jpg
ولسة 4فرد كاوتش والاسعار فوق
وعايز طقم رشاشات بى ام
وجلب المقصات الكبيرة بدأت تخف شوية (لسة بفكر اجيب مقصات ولا جلب نوع اية )على فكرة الاسبانى اللى راكب واهو ركبين من الصيف وملحقوش مش عارف انضحك على اللى اشتراهم ليا من القاهرة ولا اية
طقم فلاتر وبوجيهات بسلوكهم
ومصاريف الفحص والتجديد
بعدين ابقى افضااااا للشكمان بروقان
ربنا معاك
بالنسبة للعلبة .... خليك فاكر ان النوبيرا ليها نعرة مميز .... عشان ممكن من كتر الشك تفتكر ان الصوت اللي عندك مشكلة
بالنسبة للخبطة .... ربنا يكون في عونك ! .... انا شفت الصورة .... انت صحيح فكيت الفانوس ورشيت الجزء الأسود اللي جوة ده ؟ ... ولا انت شاريه كدة ؟
جرب تتجيب جلب مقصات فيرنا أو كورولا 97 وتخرطهم
انا جي أسكندرية الأسبوع الجي عشان رخصة العربية هتنتهي خلاص وعايز أجدد ... بيقولولي الجو رهيب :)
الله يخليك
فعلا النوبيرا ليها نعرة مميزة بتحسسك بقوة المتور بس عندى زيادة عن اللزوم
الخبطة الحمد لله اتظبطت ورشيت الكبوت بالاقصدامين نظافة ولسة جاى من عند البويجى شغال تلميع فى العربية
بالنسبة للفوانيس انا فكيتها بسشوار وبعدين هتلاقى الجزء اللى هيترش متثبت بمسامير رفيعة هتحلهم هيطلع معاك
بس اهم حاجة بعد ماتقفل الفوانيس تانى تجيب انبوبة سيليكون حرارى وتعمل طبقة تانية فوق القديم ........ عشان ميبخرش معاك بعد كدة .......
انا جربت حاجات كتير بصراحة وكلة تعبان ومرة حطيت جلب تويوتا عيون بس العفشجى هو اللى كبسهم بنفسة وقشط منهم جزء انا عرفت بعد كدة انهم بيتعملوا فى مخرطة عشان يتخرطوا صح
انا فعلا فى دماغى ادور على جلب جى ام اصلى لاول سمعت انهم حلوين مكنش هشوف الحوارين اللى قولت عليهم الفيرنا والتويوتا
الاسكندرية هتنور ياجيو والله عربيتك ملاكى الاسكندرية ولا اية وتبع مرور اية لو محتاجنى معاك فى اى حاجة يوم الترخيص قولى اجى معاك على الاقل اخد بحسك اليوم دة
انت هتبات ولا جى سد رد المهم اعمل حسابك اننا نتقابل ياكبيير
وبعدين مش هلاقى حد يعفرتلى العربية غيرك وانت فاهمها ههههههه
بالنسبة للجو فهو اتعدل شوية بس بردو بيستهبل وفاكر نفسة فى اوروبا خصوصا بالليل والله انبارح حوالى الساعة 2صباحا مطقتش اقف فى البلكونة كان البرد قارس بس متقلقش هيا غيتها اكلة مشطشطة هتظبت الكلام