نداء ( عودي يا نونيتا عودي يا نونيتا )

**Donzi** · 13-01-2012 10:44 PM

السلام عليكم يا اهالي المنتدى الكرام

يا جماعة لينا زميلة محترمة جدا في المنتدى اسمها نونيتا بقالها فترة غايبة عن المنتدى و عن المشاركة و بعد الفحص و البحث و التمحيص عرفت منها انها تعرضت لبعض الساخافات على الخاص برسايل من بعض الاشخاص ال %*&)(*&)*^*&%&^%&^)* و دا خلاها تبتعد عن المنتدى و عن المشاركة

و للعلم ان العضوة المحترمة السيدة نونيتا شخصية في قمة الاحترام و الادب مع كل الناس و ليها مشاركات و اراء قيمة جدا في المنتدى الاجتماعي و غيرو من الاقسام و انا من مكاني هذا بقولها ماتخليش اي حد غير محترم يخسرك منتدى بيحبك و ناس بتحترميهم و بيحترموكي و بيقدروكي

و ياريت يا استاذة نونيتا تكوني ايجابية و تبلغي عن الادارة عن اي سخافات تعرضتي ليها من اي حد مايعرفش كويس يعني ايه اسرة نايل موتورز عشان الاشخاص دول مالهمش مكان بيننا و انا متأكدة ان الادارة هايكون ليها رد فعل حازم بخصوص الساخافات دي

و عاوزة كل الاعضاء المحترمين يشاركو معايا في النداء و يهتفوا ورايا بقلب جامد

عودي يا بلية عودي يا بلية

يووووووووووووه قصدي يا استاذة نونيتا

**mr_vampire** · 13-01-2012 10:58 PM

لو الواحد مشي ورا السخافات مش بس هيخرج من المنتدي لا ده هيربط في رجله حجر وينط بيه فالنيل عشان ميطلعش تاني.

مستنيينك يانونيتا ترجعي وياريت ماتسبيناش نقف فالبرد كتير.

**ahmed_mido1889** · 13-01-2012 10:59 PM

الله ينور يا انسه دونزي

في ناس كتير بتعمل حركات سخافه ودول مكانهم مش وسطنا

ويا ريت اي حد اتعرض لسخافه او مضايقه من حد ممكن يبعت تقرير من الرسايل الخاصه
والاداره بتتصرف

والحمدلله الاداره بتحافظ علي كرامه الاعضاء

يعني لو حد شتم حد في المنتدي او اعضاءه بيتم طرده

وانا بضم صوتي لانسه دونزي

عودي يا نونيتا

**SheNo0o** · 13-01-2012 11:11 PM

انا كمان بضم صوتي لصوت اخت دونزي
وبقول لاختنا نونيتا انت ليكي كل الاحترام والتقدير وفعلا وجودك ف المنتدي ليه تاثيرة ومينفعش انك تسيبي حقك وتسمحي لحد بسخافته انه يمنعك من الدخول للمنتدي تبلغي عنه ويروح ورا الشمس والادارة اكييييد هتجيبلك حقك انا متاكد

وانا بكرر الندااااااء الي الاخت نونيتا القاطنه بدير :d
الدواء فيه سم قاتل
يارب يكون هيوصل

**eng.m7md.ali** · 13-01-2012 11:15 PM

احسن حاجة في المنتدى ده ان كل الاعضاء محترمين سواء سيدات او رجالة ... الا طبعا الناس اللي بتموت في دباديب المخلوع دول بحس انهم كارهين كل الناس

بالنسبة بقى للسيدة نونيتا انا كنت لسة شايف ليها موضوع اسمه تقريبا ( احب رسول الله . ولكن ) .. اعتقد لسة من كام يوم بس