90,000كم محتاج ميكانيكي شاطر

**mksaa** · 14-01-2012 12:14 AM

السلام عليكم يا شباب
انا عربيتي 2010وعدادي 88ألف وداخل على ال90 ألف وانا خارج الضمان أساسي لأني آخر مره رحت كان عال30الف وبعمل صيانه مع نفسي
المهم العربيه دلوقتي فيها الآتي
1-وانا ماشي مع المطبات الخفيفه في صوت طالع من المساعدين الي ورا او من حاجه ناحيتهم لسا مش عارف
2-طرمبة المساحات مش شغالة
3-اقل rbm والسيارة واقفه بيكون على 1ونص ...(المشكلة انو العيب دا ظهر لما رحت فرنش موتورز عشان ينضفو البوابة بتاعت الانجكشن )فقالولي دا سلك الاكسبيراتير عايز يتغير)!!!!طيب ماكان شغال كويس قبل ما اديهالكو؟!!!
4-تكتكة في الطابلوه داخل السياره
المهم اذا كان في حد يساعدني في اي معلومه عن المشاكل دي او اسعار قطع غيارها أو ميكانيكي شاطر في القاهرة اروحلو
بس حاب اطمنكم ان العربيه مع كتر سفري ومشاويري الكثير انها من أفضل السيارات في تحمل الطرق والمطبات والحفر والبهدله ...يعني من الآخر انا لو كان معايا عربيه تانيه أتوقع ما كانتش استحملت لحد دلوقتي ...وشكرا جزيلا لكم

**akerima** · 15-01-2012 09:08 AM

http://www.nilemotors.net/Nile/227646-a.html

اولا جرب الحل دا في الاصوات بتاعة العافشة - وانا للاسف مش حعرف افيدك في موضوع الميكانيكي لاني من الاسكندرية ومعرف حد في القاهرة بالنسبة لطرمبة المساحات انت ممكن تروح لاي كهربائي يفكلك الماتور ويشوفة شغال ولا لا وممكن يكون فية شوية تراب هما اللي موقفينة واتاكد ان القربة فيها مية الاول

**zemoss** · 15-01-2012 05:36 PM

السلام عليكم

ممكن تروح للعنوان التالي هتلاقي صنايعيه للرينو كتير جدا

الشارع اللي قبل صقر قريش - المعادي من ناحية الاوتوستراد

**Safroot77** · 15-01-2012 07:18 PM

المشاركة الأصلية كتبت بواسطة zemoss

السلام عليكم

ممكن تروح للعنوان التالي هتلاقي صنايعيه للرينو كتير جدا

الشارع اللي قبل صقر قريش - المعادي من ناحية الاوتوستراد

المكان ده فيه الصنايعية بتوع التوكيل بس روح يوم جمعة او سبت علشان باقى الاسبوع همه شغالين فى التوكيل

**The_School** · 15-01-2012 11:23 PM

ممكن اى حد يوضح المكان بالضبط على جوجل ماب ويحط الاحداثيات

**mksaa** · 18-01-2012 02:39 PM

شكرا جزاك الله كل خير
بس بالنسبه للطرمبه انا فكيتها ولقيتها مش شغاله خالص وسألت عليها في فرينش موورز قالي ب550 جنيه ومكتوب عليها انها مصنوعه في الصين !!!

**mksaa** · 18-01-2012 02:46 PM

شكرا يا شباب على المشاركه
بس يا ريت توضيح اكتر لمكان الميكانيكي الي في المعادي دا أو رقم موبايو مثلا

**zemoss** · 19-01-2012 02:03 PM

انت بس روح هناك واسال في المنطقة على ميكانيكية رينو ... هتلاقيهم كتير .. بس أنا لسه مجربتش حد منهم

العنوان سهل ... الاوتوستراد هتلاقي كوبري مشاة صقر قريش وقبليه دخله يمين ... روح هناك واسأل .. المنطقة كلها صنايعية

**mksaa** · 19-01-2012 03:42 PM

ان شاء الله..............شكرا يا غالي

**zemoss** · 22-01-2012 09:33 AM

العفو يا أخي

الموضوع: 90,000كم محتاج ميكانيكي شاطر

LinkBack

أدوات الموضوع

عرض

-

المواضيع المتشابهه

ميكانيكي شاطر اواي في الستيروين

ميكانيكي شاطر للفليشيا

ميكانيكي وكهربائي شاطر فى الاسكندرية.

عاوز ميكانيكي شاطر

ميكانيكي شاطر جدا للحلوة 132

الكلمات الدلالية لهذا الموضوع

المفضلات

المفضلات

ضوابط المشاركة