الموضوع: انا بعت الاكورد يا عصابه

مبدئيا انا فى حاله نفسيه سيئه جدا
مش مصدق انى بعت الاكورد !!!!
اول عربيه هوندا فى حياتى تبقى بتاعتى !
ليها طعم مختلف تماما عن كل الهوندات اللى كانوا موجودين قبل كده
على قد م كانت حاله الصالون و التابلوه و و جسم العربيه من الداخل و الخارج بحاله المصنع فعلا
على قد م كانت كل يوم الصبح ادور تطلعلى مشكله ... مره فرامل .. مره ميكانيكا .. كهرباء .. عفشه
و كل يوم عيب مختلف عن اللى قبله :)

و على قد كل العيوب اللى كانت فى العربيه دى بس كنت بحبها
و كان شكلها مميز جدا .. مفيش منها ماشى فى الشارع غيرى
الناس كلها بتتفرج على العربيه و فى 3 والله كانوا بيبقوا ماشيين جامبى و فجاه تلاقيه نزل ازازه و يقولى تبيع ؟

موتورها كان زفت ... و مقفل ال 200 مرتين !!
لحد ما جه اليوم اللى مابقتش قادر استحمل مشاكلها و كميه الفلوس اللى بتتصرف عليها سواء صيانه او بنزين و انا مش متعود على كده من هوندا ... فاخدت القرار انى ابيعها :(
تصوروا كانت فى الصفيحه بتعمل 40 كيلو !!!!
نهار اسووود
عرضتها للبيع
و هى ما صدقت و حلفت م هى دايره تانى ابدا

جابت وش سليندر فجاه و لوحدها و بدون اى مقدمات
غير يا عم و اخرط و صلح و قفل
اطلع جرب يا بيه
طلعت جربت تمام و زى الفل بس اول م اخد ملف ناشف او غرزه ضيقه او مطب العربيه تبطل و الفرامل تحجر و الدركسيون يتقل او يسوجر

و خبطت عربيه بسبب الحركه دى بس الحمد لله محصلش حاجه
رجعتله.. قاللى علبه الفيوزات كلها وحشه و عايزه تتغير لان العلبه بتتهز فبتبطل العربيه
... غير :(

و بعد كده بقيت اجى ادور الصبح الاقى العربيه مبرجله
كان عندى فى التابلوه طقم بوجيهات لسه جديد كنت شايله احتياطى
فك و ركب و كله تمام و جى بطلع بالعربيه
و اسمع الصوت ده تكتكتكتكتكتكتكتكتكتكتكت
و راحت العربيه فاصله
.
.
.
كبالن :(
هات 2 و غير
.
.
و الحمد لله لحد كده بعد م البيعه اتاجلت اسبوعين جه تعيس الحظ و اتدبس و اشتره
امبارح
بس العربيه واحشااااااااااانى :(
و فى الاخر احب اقول لعربيتى الغاليه على قلبى
انى عرفت معنى يعنى ايه ثبات و انا بلف ملف 130 و مبفكرش حتى انى المس االفرامل
وواحد صاحبى ماشى جانبى بعربيته ( بدون ذكر انواع ) داخله على 90 و رجله على الفرامل

عرفت يعنى ايه تسارع و تجميع خرافى مع ان العربيه مش مظبوته و الموتور فى حاله يرثى لها
و مع ذلك غوول على الطريق و ياما زعلت عربيات بيها

عشت فيها انا و صحابى اجمل ايام عمرى و كانت بتشيل بال 12 واحد و عمرها م قالت لا

فيها مساعد بحاله بايظ و بالرغم من كده المدينه كلها مكسره لسه و مفيش مره نزلت فى مطب و حسيت ان العربيه هبدت او ضهرى وجعنى

ده حتى السماعااااات راكبين فيها بقالهم 20 سنه و صوتها و ضربه ال bass ولا كانها سماعه راكبه بقالها يومين :)

بجد شكرا هوندا
و هتوحشينى يا اكورد