المشاركة الأصلية كتبت بواسطة husseinsalah
والله ما كنت عاوز ارد بس هحكى تجربتى انا كمان....
شهر 1/2012 رحت علشان اظبط الكربراتير لاىى حسيت بزيادة الاستهلاك (200 ك فى الصفيحة) مع انى كنت بعمل على الاقل 260 ك المهم بعت العربية مع اخو المدام علشان يحجز بدرى وبالمناسبة شغلى تقريبا جنب المركز دة ....المهم العربية اتحجزت تانى يوم وتانى يوم اخو المدام اتصل بيهم فاقاللوا معلش سنتر العربية قفل بالغلط بس هنحاول نفتحها علشان نكمل الشغل فاتصل بى وقالى الكلام دة وكنت ساعتها خارج من الشغل فاقلتة اكد عليهم مايحاولوش يفتحوا العربية لانى مركب السنتر والانذار بنفسى وعارف ان مفيش طريقة يقدرو يفتحوا العربية و انا معايا مفتاح استبن دايما علشان ظرف زى دة وبالكتير نص ساعة هكون عندهم
رحت لقيت العربية ماتفتحتش قولت الحمد لله لكن لاحظت التالى:
اولا الكارتيرة الشمال مفكوكة ياعنى حاولوا بردو يفتحوها قلت مش مهم اركبها تانى
ثانيا لقيت الفبرة اللى بتكون على حافة الازاز بتاع الباب مكسورة ومرمية على الارض:i_angr1[1]:
محاولة فاشلة لفتح الباب مع انى مأكد عليهم انى جاى ومعايا المفاتح وطبعا قعد اهاتى ومين اللى عمل كدة وكل واحد فيهم عمل نفسة من بنها الصنايعى والمشرف والحجج ان دة اكيد مش مننا......... فعلا عند حق يمكن الفبرة كسرت نفسها والكرتيرة بردة كانت متخانقة مع العجل ففكت نفسها .... وفى الاخر الرد احنا كنا عاوزين ننجز و بسيطة بسيطة هنلحمهالك (تييييييييت)كتر خيركم بصراحة راح جاب انبوبة امير ولحمها وطبعا اللحام فك بعد فترة وعملتها بنفسى لان الطرف المكسور دة اصلا بيتربط بمسمار فى الباب وماكلفوش نفسهم ان يربطوة بمسمار.... ماشى اما اشوف اخرتها
الصنايعى كان بيقفل العربية ولاحظت ان فية افيز سوستة بتاع خرطوم فايص الريداتير مش موجود فلما ركب الخرطوم بقولة فين الافيز اللى كان هنا قعد يدور وفى الاخر راح المخزن جاب واحد زى بتاع خرطوم الانبوبة وركبة وكمان غير البوجهات مع انى كنت مغيرها من اسبوعين فاقلى علشنا اتفحمت ولازم تتغير وحوارات ....ماشى علشان ماتكنش هى دى الحجة....
الفاتورة كانت بـ 265 جنية ( تصليح سخان - تنظيف - خرط مكان الطبة - طبة - افيز - امير )
رحت متنرفز جاااااامد عليهم ياعنى تكسرولى الفبرة وتضيعولى الافيز وفى الاخر تحسبوة على مع ان تمنهم كلام فاضى لكن حركة تشللللللللللللل وقلت بقى حرقة دم بحرقة دم انا عاوز اغير الفبرة كلها ............ مش زنبى انكم كسرتوها وكان الرد طب خلاص هنشيل الافيز والامير من الفاتورة وبا استاذ فلان اخصم تمن الفبرة على الصنيعى فلان بطريقة كدة توحيلك انك فى الاخر هتظلم عامل غلبان يا ظالم يا مفترى..:copy of majd(4):
فانا ساعتها معرفش بقى سزاجة ولا طيبة قلت خلاص مش لازم فبرة جديدة :048[1]:
المهم اخو المدام استلم العربية وكان السحب مش عاجبنى وكمان اخو المدام لاحظ ان الفرق اسوا ورجعله 3 مرات وكل مرة يعلى مسمار الضبط وجبهالى وروحت بيها وتانى يوم الصبح ادورها حلفت ماهى دايرة ورحت الشغل متأخر وتانى يوم نفس الحكاية مع انى قبل ماوديها كانت بتدور من اول تكة رغم انى بخرج بعد الفجر وما بسخنش العربية لانى مستعجل وبما انى فاهم فى الميكانيكا لجظت ان السخان مش شغال لكن دة مش عيب ان العربية ما تدورش واخد اجازة من شغلى وفكيت الكربراتير ولقيت مجمع الكربراتير غرقان بنزين نشفتة مع شوية تظبيطات دااااااااااارت لكن بنفس العيب ياعنى لازم ادوس سنة بنزين ولو بطلت استنى شويا وحوارات غريبة ... المهم طيران عليهم تانى مع انى ساكن بعد حلوان وباتت تانى عندهم وعملوها مع شوية اعتذارات وجزينا العامل اللى عمل كدة ......الخ
ولاحظت الاتى:
*السخان ماشتغلش وسحب زفت ومية خارجة من الشكمان لان جوان السخان بيسرب مية للكربراتير واللى المفروض يتغير بعد فكة لكن محصلش وصلحتة بنفسى (لى موضوع فى فكرة عمل السخان)
*لحد دلوقتى لازم ادوس سنة بنزين قبل ما دور قررت انى مارحش فى اى حتة اعملة ولا ارجعلهم تانى ولا حتى اتعامل مع اى صنايعى....... واعلمها بنفسى احسن مليوووووون مرة