تجربة مركز الصفا و بجد ناس غالية اوي ياريت تسالو الاول

انا انهردة روحت المركز عشان كان عندي الابترا بتاكل بنزين جامد المهم روحت و كشف علي العادم و طلع ان حساس الشكمان بايظ المهم روحت جبت حساس بعد لف كتير في الحرفين لان الفني كان عاوزو جديد انا قلت مش مشكلة اجيبو جديد بس فضلت ادور كتير المهم اتصل بي قولتلو اجيبو استيراد لان مكانش في جديد قالي طيب انا هتصرف في القديم و هعملو المهم انا مكنتش عاوز اركب القديم تاني لانو قالي ده بايظ طيب منين بايظ و منين هتصلحة و لو هيتصلح مقولتش لية من الاول و انا هناك كلمتو تاني قولتلو نظف البوابة قالي تمام هعملها و انا كان معايا الاسبراي في العربية بعد منظفها و خلص انا روحت ركبنا الحساس الجديد و كلو تمام و هو كان عاوز ياخد الحساس القديم الهم دخلت احاسب بس طلبت منو الحساس القديم اول مدخلت احاسب قالي 150 جنية قوقتلو لية يعني ده نظف البوابة و ركب حساس والتنظيف من عندي انا الاسبراي يعني دخل المهندس اللي كان عاوز ياخد الحساس قالي لا 175 والحساس اهو يعني هو كان عاوز ياخد الحساس ب 25 جنية مع العلم اني مشترية ب 625 جديد طيب لية الاشتغالات دي وفعلا انا دفعت الحساب كلو ومنصحش بجد حد يروح هناك لان فعلا مفيش مكان في مصر بيحترم العميل ابدا يعني انا انظف بوابة واركب حساس ادفع 175 يرضي ربنا ده و لما سالت المدير قالي ده مصنعيات بس و لما اطلب الحساس القديم بتاعي يدفعني 25 جنية تاني
مس هقول غير حسب الله و نعم الوكيل
بس ليا طلب هنا من المنتدي بجد انا اتعودت اننا كلنا بنخدم بعد ياريت منحطش اعلان لمكان و نشكر في اوي كدة غير لما نتاكد معلش متزعلوش مني بس بجد انا متنرفز اوي و مش عارف انا دفعت الفلوس ازاي شكرا

موضوعين فى يوم واحد ؟؟


http://www.nilemotors.net/Nile/266475-a.html

عشان كل اللي بيكلم مركز الصفا يحجز يقولو تعالي يوم الجمعة بدري عشان نعرف نجرب العربية فاكيد الاستاز اللي كاتب الموضوع التاني كان معايا انهردة انا معايا اوبترا سودة

اقتباس:

---

المشاركة الأصلية كتبت بواسطة نينو

عشان كل اللي بيكلم مركز الصفا يحجز يقولو تعالي يوم الجمعة بدري عشان نعرف نجرب العربية فاكيد الاستاز اللي كاتب الموضوع التاني كان معايا انهردة انا معايا اوبترا سودة

---

منا قولت كده برضه انهارده يوم الجمعه يوم الصيانه العالمى :)

بس انا مستغرب ان الموضوع مش فردى فكده اكيد فيه تقصير من المركذ مش من العميل طالما الشكوى اتكررت وفى نفس اليوم

متابع

كده المروض يكون فيه تحذير من التعامل مع المركز ده

لا انا بس عاوز المنتدي يتاكد من اي ورشة او مركز وميعملوش اعلان فعلا غير لما يتاكد من مصداقيتو مع الناس
انا ركبت الحساس ونظف البوابة ب 175 وكل ده عشان قولتلو عاوز الحساس القديم بعد مدفعت 150 قالي لا حسابنا 175 قولتلو لية يعني قالي مهو ده مصنعية بس قولتلو مصنعية اية انت ركبت الحساس وده صمولة اتربطت بس و نظفت البوابة والاسبراي كمان من عندي كان في العربية قالي هو نظامنا كدة قولتلو شكرا و دفعت الفلوس غصب عني

دى المشاركة بتاعتى في الموضوع
(http://www.nilemotors.net/Nile/266475-a.html)
بس الموضوع ده تقريبا أول يناير وأنا ما كنتش ناوى اكتب حاجة عن الموضوع ده بس علشان انا من وقتها وقلقان اروح اكشف كبس موتور عند اى حد تانى لحسن يحصل معايا زى اللى حصل في مركز الصفا وخصوصا ان لى تجربة قديمة من سنيين رحت اضبط عربيتى بالجهاز بتاع العادم أو ما ظهر في مصر ولما المهندس فشل ضبط العربية يدوى بحجة ان العربية مش مضبوطة .... يعنى الموضوع عقدة نفسية .... فقلت أخرج من العقدة دى انى أطرح الموضوع يمكن أصعب على حد فينصحنى بمكان محترم وناس عندها ضمير وبتفهم يكشفوا لى على السيارة وأكون زبون دائم عندهم .... بس هى دى الحكاية صدفة فقط.

وأنا أضم صوتى للأستاذ نينو ان الموضوع الإعلانى بيوقع أعضاء المنتدى ضحية عمليات غير شريفة ... ممكن المنتدى يكتفى بالإعلان فقط ولا داعى للموضوعات الإعلانية في المنتدى العام.

دى مشاركات في نفس الموضوع
(http://www.nilemotors.net/Nile/263341-a.html)

بس للأسف مفيش عظة من غير تجربة

السلام عليكم

الرجاء الاطلاع على تجربتى مع مركز الصفا
http://www.nilemotors.net/Nile/288669-a.html

اقتباس:

---

المشاركة الأصلية كتبت بواسطة نينو

انا انهردة روحت المركز عشان كان عندي الابترا بتاكل بنزين جامد المهم روحت و كشف علي العادم و طلع ان حساس الشكمان بايظ المهم روحت جبت حساس بعد لف كتير في الحرفين لان الفني كان عاوزو جديد انا قلت مش مشكلة اجيبو جديد بس فضلت ادور كتير المهم اتصل بي قولتلو اجيبو استيراد لان مكانش في جديد قالي طيب انا هتصرف في القديم و هعملو المهم انا مكنتش عاوز اركب القديم تاني لانو قالي ده بايظ طيب منين بايظ و منين هتصلحة و لو هيتصلح مقولتش لية من الاول و انا هناك كلمتو تاني قولتلو نظف البوابة قالي تمام هعملها و انا كان معايا الاسبراي في العربية بعد منظفها و خلص انا روحت ركبنا الحساس الجديد و كلو تمام و هو كان عاوز ياخد الحساس القديم الهم دخلت احاسب بس طلبت منو الحساس القديم اول مدخلت احاسب قالي 150 جنية قوقتلو لية يعني ده نظف البوابة و ركب حساس والتنظيف من عندي انا الاسبراي يعني دخل المهندس اللي كان عاوز ياخد الحساس قالي لا 175 والحساس اهو يعني هو كان عاوز ياخد الحساس ب 25 جنية مع العلم اني مشترية ب 625 جديد طيب لية الاشتغالات دي وفعلا انا دفعت الحساب كلو ومنصحش بجد حد يروح هناك لان فعلا مفيش مكان في مصر بيحترم العميل ابدا يعني انا انظف بوابة واركب حساس ادفع 175 يرضي ربنا ده و لما سالت المدير قالي ده مصنعيات بس و لما اطلب الحساس القديم بتاعي يدفعني 25 جنية تاني
مس هقول غير حسب الله و نعم الوكيل
بس ليا طلب هنا من المنتدي بجد انا اتعودت اننا كلنا بنخدم بعد ياريت منحطش اعلان لمكان و نشكر في اوي كدة غير لما نتاكد معلش متزعلوش مني بس بجد انا متنرفز اوي و مش عارف انا دفعت الفلوس ازاي شكرا

---

بسم الله الرحمن الرحيم
إلى صاحب الرسالة وإسمه / أحمد شرف
وصاحب السيارة ماروتي رقم / ف ج ي 128
وعملائنا الكرام و من يهمه الأمر
نوضح للسادة العملاء أن صاحب السيارة لديه مشكلة خاصة به وحده وموضح في الشكوى أنه قد تم أخذ الخدمة على أكمل وجه وقد تمت معالجة عيوب السيارة ولكن مشكلة الاسعار والطريق وخطأ المساعد في عدم تركيب جوان العمة فإنه من حق كل عميل مراجعتنا في حال أخطأ أحد الفنيين أو المساعدين ، ويتم معالجة أى خطأ وارد من المركز ، مع العلم أنه لايوجد مركز ليس به بعض الأخطاء ، ولا يمكن أن يتفق جميع الناس على تقييم شيء معين برأى واحد ، فمنهم من يتفق معه ومنهم دون ذلك .
أما الأمور الفنية برجاء من السادة العملاء عدم الإقرار بالإخطاء الفنية قبل الإطلاع على فنيات السيارة مثل الكهرباء وتحليل ومعالجة العوادم والكشف بالإجهزة على شبكة المعلومات - قال تعالى {فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ} [النحل: 43]
ويتضح أيضاً أن كل الشكاوى التى أرفقها برسالته تدور في مجال الأسعار مع أنه لم يتم العمل في أى سيارة إلا بعد الإتفاق على السعر ومن حق العميل الرفض أو القبول
ونحن نوضح لكم أسعار المركز لعام 2012 وإمكانيات المركز

http://i1308.photobucket.com/albums/...ps44d86fac.jpg

و أخيراً لا نقول حسبنا الله ونعم الوكيل لصاحب الرسالة
بل نقول إنا لله وإنا إليه راجعون
ونلتقي يوم الحق ويأخذ كل ذي حق حقه
والسلام عليكم ورحمة الله وبركاته

http://www.nilemotors.net/Nile/336519-a.html

كل الردود بتدور حول ..دي اسعارنا والزبون هو اللي اختار ماحدش ضربه علي ايده..
الحل بقي ايه ؟؟؟ انت شايف ان ده منطق للتعامل ؟؟ ما زهقتش من نفس الرد علي كل واحد بيشتكي ؟؟
ماشفتش حد بيشكر في المركز ده..اصل انت مش بتسحر واللي بتعمله غيرك بيعمله
وارخص , ولا كلمه (مركز) دي بتدي برستيج للمكان وسعر للشغل؟؟
وعلي ايه تحسبن علينا كده ؟؟ مش مستاهله يا عم رزقك علي الله مش علينا
ربنا هيكرمك ان شاء الله


يا جماعه كل واحد بقي ادري بمصلحطه والراجل مشكور حط لسته اسعار السنه اللي فاتت للعبره والعظه
اللي يضايق بعد كده ما يلومش الا نفسه ,وحسبنا الله ونعم الوكيل في الاستغلال والنصب

ليه قائمة الأسعار معموله بالشكل ده
يعنى تنظيف الرشاشات ب100ج والفك والتركيب ب50ج ؟؟؟؟
وسعر أصلاح الكربراتير غير سعر ظبطه عالعربية ؟؟؟
الأسعار مش بتتحسب كده
اللى أنا شايفه ان حضرتك مخلي كل حاجه فى الكربراتير ليها سعر مصنعيه و تنظيف وأختبار وفك وتركيب وعمليات أصلاح أضافيه ليه كل ده ؟

متابع و مندهش

انا لي تجربة سابقة معاهم من ساعة لما كان عندهم المركز اللي في الشيراتون خلف بنزينة الغاز
وبعدين الفرع اللي في اول شارع المصانع
وبعدين الفرع الجديد الحالي (من ساعة لما فتح بقى في كروته وغلو مصنعيات وتاخير ومشاكل اكتر)

اول مرة في الفرع القديم وكان قنة الالتزام والاحترام والاسعار معتدلة
وتاني تجربة في الفرع بتاع المصانع رجعتلهم بالعربية 3 مرات بنفس المشكلة وكل مرة بقطع ومصنعية مختلفة
وثالث مرة كان في الفرع الحالي (استراحة عملاء واحلى جو) ودي رحت اول مرة ماظبتش وقبل ميعاد المراجعة كنت بايع العربية
وكان معايا عربيتين لادا بتاعة والدي والتانية بتاعة صاحبي
بتاعة والدي كبر الدنيا وعقدني ودخل في حوار كبير
وفي الاخر رحت لميكانيكي وطلع ظبط هواء ومسامير في الكرابيتير وتغيير بوجيهات

الكلام ده من اكتر من 3 سنين
ومن ساعتها وانا مقاطع المكان ده وما بنصحش اي حد بيه لو طلب نصيحتي

اقتباس:

---

المشاركة الأصلية كتبت بواسطة ahmed_h_g

ليه قائمة الأسعار معموله بالشكل ده
يعنى تنظيف الرشاشات ب100ج والفك والتركيب ب50ج ؟؟؟؟
وسعر أصلاح الكربراتير غير سعر ظبطه عالعربية ؟؟؟
الأسعار مش بتتحسب كده
اللى أنا شايفه ان حضرتك مخلي كل حاجه فى الكربراتير ليها سعر مصنعيه و تنظيف وأختبار وفك وتركيب وعمليات أصلاح أضافيه ليه كل ده ؟

---

هههههههههههههه
حضرتك فكرتنى بفيلم نجيب الريحانى اللى كان بينصب فيه هو ومدير الدايرة اللص (عباس فارس):
((حبل ومخلة وجردل لزوم أكل الخروف ، حلاق لزوم قص شعر الخروف )) يعنى العملية بيفصصوها حتت علشان يكتروا المصنعيات .
فك كذا ، تنظيف كذا ، إختبار كذا ، تركيب كذا وهى كلها على بعضها فى الأول وفى الآخر عملية واحدة .

اقتباس:

---

المشاركة الأصلية كتبت بواسطة mesaharaty

هههههههههههههه
حضرتك فكرتنى بفيلم نجيب الريحانى اللى كان بينصب فيه هو ومدير الدايرة اللص (عباس فارس):
((حبل ومخلة وجردل لزوم أكل الخروف ، حلاق لزوم قص شعر الخروف )) يعنى العملية بيفصصوها حتت علشان يكتروا المصنعيات .
فك كذا ، تنظيف كذا ، إختبار كذا ، تركيب كذا وهى كلها على بعضها فى الأول وفى الآخر عملية واحدة .

---

أنا كنت داخل أكتب نفس الكلام بالظبط ... أنا كان ليا موقف زبالة جدا الصراحة و من ساعتها حرمت و حذرت كل اللى أعرفهم من التعامل معاهم

ربنا هيكرمهم اخر كرم ان شاء الله ..