صوت مش عارف اوصفه ناتج من الجزء الامامى للسيارة ( صني )

سلام عليكم اولاً .. كان عندى استفسار بسيط بخصوص حاجة فى عربيتي
هى موديل 2010 عاملة 35 الف كيلو
كنت بعمل صياناتها فى التوكيل انا من اسكندريه و كنت بروح توكيل مودرن .. لحد ما جا الوقت اللى قررت انى ماروحش اصلا ولا توكيل ولا يحزنون .. مش عشان الفلوس او خلافة بس المشكله فى المواعيد و هما مابيحترموش العميل على الاطلاق و نظراً لانى صغير فى متوسط الاعمار اللى هما بيتعاملو معاها ( 22 سنه ) لاحظت ان الاولويه عندهم للي اكبر فى السن و دى سياسة عقيمة .. انا مش بحترمها .. نرجع للموضوع و سيبنا من الرغي
الصوت انا بحس بيه لما اكون لسه طالع بعربيتي من الجراج .. بعد التسخين علي طول ( انا بتحرك اول ما امبير الحراره يبتدي يسيب حرف ال C ) كلام جميل لو اخدت مطب او عديت على حته مش متساويه او فيها نقر .. اسمع صوت اكنه رزع فى المساعدين الاماميين .... و اعتقد انه جلب المقصات و كنت حابب اتأكد منكم قبل ما افكر اغير اى شئ .. القصة و مافيها انى كنت فى السويس مره و حصل ان كاوتشتين اللى ورا اتخرمو .. لحمتهم عند واحد ابن حلال .. و كان صنايعي على قده حبيتين .. ملا الكاوتش هوا على نيتروجين و العافشة كانت زى الزفت معايا .. و اعتقد ده أثر عليها بالسلب بس ماكنش بايدي حاجه اعملها لما رجعت اسكندريه بعديها بأسبوع ظبطها .. بس كنت بتحرك بالعربيه كتير تفتكرو ده يكون كان السبب فى تآكل جلب المقصات .. خاصة انى مش مبسوط بسبب حكاية كده سمعتها انى عشان اغير جلب المقصات فى التوكيل لازم اغير المقصين مع بعض .. ياريت الافادة فى الموضوع ده و شكرا مقدما:majd(4):

المفروض ماكنتش سيبت التوكيل باى وضع عشان الضمان .الاحتمال الكبير محتاج ينعمل رجلاش على علبة الدركسيون والافضل برضه تعملها فى التوكيل حتى لو خرجت من الضمان وممكن تحتاج تظبيط عفشه مش اكتر وانصحك ب اوتو ايجيبت

شكرا جداً لرد حضرتك .. هو مش قصة انى خرجت العربيه بره الضمان .. ابداً .. هى لسه فى الضمان .. و انا من ساعة ما الموضوع ده حصل .. و المواعيد اللي زى الطين سوري فى اللفظ ... بقيت اروح اشتري قطع الغيار اللى عاوزها و ااغيرها بنفسي .. بس كلها حاجات اعتياديه فيلتر زيت .. مش عارف ايه كلام من ده ... هحاول اتصل ب أوتو ايجيبت اشوف ايه الدنيا بس ربنا يصلح حال الجو شوية :( يعنى الموضوع مش موضوع جلب مقصات

على قكره احجز عند اوتو ايجيبت ومواعيدهم زى الساعه وشغلهم نضيف ورقمهم 16666
وان شاء الله خير وعلى فكره بالنسبه لك تاخد الصحراوى لنهايته وتعمل تيرن من تحت المحور وترجع تانى تلاقى مدخل صغير على ايدك اليمين وعليه يافطه كبيره مكتوب عليها اوتو ايجيبت والافضل يكون معاك استيكر المنتدى بيفيدك فى التخغيض والاهتمام بيك

فعلا خليك فى التوكيل اضمن علشان العربيه تفضل ماسكه نفسها على طول وده الفرق بين بره التوكيل و جواه لانك بره بيحاولوا يصلحولك العيب ووارد قوى يصلحوه لكن يبوظوا حاجه تانيه و شويه و تبدا تظهر مشاكل مزمنه فى العربيه و تضطر تطنش لكن فى التوكيل بتستفيد من الضمان حلو قوى و لو حاجه بايظه بيغيروها على حسابهم و ده حقك يعنى ده حتى العربيات الخليجى بقوا بيشترولها ضمان تقوم انت تسيبه و تصلح مع نفسك و تقع تحت رحمه الصنايعيه اللى بيفتوا و لا بينصبوا؟ و بعدين ده مشوار كل ١٠ الاف كيلو اتوكل على الله و اعمله و روح زى ما الباشا قاللك

بصراحة مفيش كلام يتقال بعد كلام الرجالة ..

بس احب أؤكد بس متسبش التوكيل ابدا مهما كان

هايحلوهالك في أوتو إيجبت إن شاء الله

اقتباس:

---

المشاركة الأصلية كتبت بواسطة bassol2000

هى موديل 2010 عاملة 35 الف كيلو
الصوت انا بحس بيه لما اكون لسه طالع بعربيتي من الجراج .. لو اخدت مطب او عديت على حته مش متساويه او فيها نقر .. اسمع صوت اكنه رزع فى المساعدين الاماميين .... و اعتقد انه جلب المقصات و كنت حابب اتأكد منكم قبل ما افكر اغير اى شئ ..
القصة و مافيها انى كنت فى السويس مره و حصل ان كاوتشتين اللى ورا اتخرمو .. لحمتهم عند واحد ابن حلال .. و كان صنايعي على قده حبيتين .. ملا الكاوتش هوا على نيتروجين و العافشة كانت زى الزفت معايا .. و اعتقد ده أثر عليها بالسلب بس ماكنش بايدي حاجه اعملها لما رجعت اسكندريه بعديها بأسبوع ظبطها .. بس كنت بتحرك بالعربيه كتير تفتكرو ده يكون كان السبب فى تآكل جلب المقصات .. خاصة انى مش مبسوط بسبب حكاية كده سمعتها انى عشان اغير جلب المقصات فى التوكيل لازم اغير المقصين مع بعض .. ياريت الافادة فى الموضوع ده و شكرا مقدما:majd(4):

---

اهلا بيك يا فندم ..
اولا: مش معنى انك اتعاملت مع مودرن الحضرة او حتى ابو رواش ولقيتهم مش كويسين معاك لأنك صغير فى السن زى ما قولت .. يبقى كل مراكز خدمة نيسان سيئة وان كان ع السفر حضرتك بتسافر مسافات طويلة بالعربية زى السويس .. يبقى ايه المانع تروح مركز خدمة تانى فى القاهرة زى السبع - المعادى او اوتوايجيبت ابو رواش (لسه فاتح جديد) او حتى كنت جربت الهندسية (فى مرغم بالاسكندرية) !!!
ثانيا: بالنسبة لتفسير حضرتك بالربط بين لحام الكاوتشتين اللى ورا وخلط النيتروجين بالهواء وتأثيرهم على جلب المقصات الامامية !! .. انا مش شايف له علاقة ببعض لأن الخلط مالوش تأثير ع العفشة الا لو كان الضغط اكبر او اقل من المنصوص عليه وهو 29 ورا فى حالتك او 33 فى حال موديلات 2011-2012 مثلا
ثالثا: انا عندى فى عربيتى ex مو2010 مانيوال وعاملة 60 الف كم جلب مقصات امامية عاوزة تتغير والشمال بالذات مهترئة تماما وكل اللى باسمعه فى النقر والحفر تزييقة بسيطة باسمعها لو ركزت بس .. وهى فعلا بتتغير المقصات على بعضها مش جلب بس وتمن المقص الواحد 600ج بس انا باشوف حد يعملهالى برة التوكيل كحل مؤقت
وفى صيانة ال40 الف غيرت كاوتشات المساعدين الاماميين بسبب المطبات وخلافه لأنهم كانوا مقطوعين تماما وعشان تتأكد انهم السبب بيبانوا اكتر فى المطبات المرتفعة وانت داخل عليها بتسمع صوت (فسسسسست) زى تفريغ الهوا كده وثمن تغيير الواحدة 150ج فى التوكيل
رابعا: لتحديد السبب الرئيسى .. نصيحة ما تروحش لأى حد برة لأنهم بيفتوا وممكن تصرف فلوسك على حاجة مش محتاجة تغيير اصلا وعربيتك لسة جديدة وفى الضمان يبقى ايه المانع انك فى يوم اجازة تحجز وتروح بيها لتوكيل محترم يكشفلك عليها ويقولك ع اللازم .. وبالتوفيق ابقى طمنا

اقتباس:

---

المشاركة الأصلية كتبت بواسطة y2y1500

اهلا بيك يا فندم ..
اولا: مش معنى انك اتعاملت مع مودرن الحضرة او حتى ابو رواش ولقيتهم مش كويسين معاك لأنك صغير فى السن زى ما قولت .. يبقى كل مراكز خدمة نيسان سيئة وان كان ع السفر حضرتك بتسافر مسافات طويلة بالعربية زى السويس .. يبقى ايه المانع تروح مركز خدمة تانى فى القاهرة زى السبع - المعادى او اوتوايجيبت ابو رواش (لسه فاتح جديد) او حتى كنت جربت الهندسية (فى مرغم بالاسكندرية) !!!
ثانيا: بالنسبة لتفسير حضرتك بالربط بين لحام الكاوتشتين اللى ورا وخلط النيتروجين بالهواء وتأثيرهم على جلب المقصات الامامية !! .. انا مش شايف له علاقة ببعض لأن الخلط مالوش تأثير ع العفشة الا لو كان الضغط اكبر او اقل من المنصوص عليه وهو 29 ورا فى حالتك او 33 فى حال موديلات 2011-2012 مثلا
ثالثا: انا عندى فى عربيتى ex مو2010 مانيوال وعاملة 60 الف كم جلب مقصات امامية عاوزة تتغير والشمال بالذات مهترئة تماما وكل اللى باسمعه فى النقر والحفر تزييقة بسيطة باسمعها لو ركزت بس .. وهى فعلا بتتغير المقصات على بعضها مش جلب بس وتمن المقص الواحد 600ج بس انا باشوف حد يعملهالى برة التوكيل كحل مؤقت
وفى صيانة ال40 الف غيرت كاوتشات المساعدين الاماميين بسبب المطبات وخلافه لأنهم كانوا مقطوعين تماما وعشان تتأكد انهم السبب بيبانوا اكتر فى المطبات المرتفعة وانت داخل عليها بتسمع صوت (فسسسسست) زى تفريغ الهوا كده وثمن تغيير الواحدة 150ج فى التوكيل
رابعا: لتحديد السبب الرئيسى .. نصيحة ما تروحش لأى حد برة لأنهم بيفتوا وممكن تصرف فلوسك على حاجة مش محتاجة تغيير اصلا وعربيتك لسة جديدة وفى الضمان يبقى ايه المانع انك فى يوم اجازة تحجز وتروح بيها لتوكيل محترم يكشفلك عليها ويقولك ع اللازم .. وبالتوفيق ابقى طمنا

---

بالظبط كده +111111111111111111111111

روح حضرتك اقرب توكيل ليك هنا في مصر من اسكندريه بعد البوابه اوتو ايجبت بيربطوا العفشه زي الكتالوج بمفاتيح عزم و قولهم يراجعولك على رجلاش علبة الدركسيون و كمان راجع على ضغوط الكاوتش و خليه 32 امامي و 29 خلفي

انت في الضمااااااااااااااااااااا ااااااااااااااااااااااااا ااااااااااااااااااااااااا ااااااااااان .. نصيحة اطلع علي اوتوايجيبت و كله هيبقي في التمام ان شاء الله

اقتباس:

---

المشاركة الأصلية كتبت بواسطة fbiahmed

روح حضرتك اقرب توكيل ليك هنا في مصر من اسكندريه بعد البوابه اوتو ايجبت بيربطوا العفشه زي الكتالوج بمفاتيح عزم و قولهم يراجعولك على رجلاش علبة الدركسيون و كمان راجع على ضغوط الكاوتش و خليه 32 امامي و 29 خلفي

---

:verygood::verygood:

اقتباس:

---

المشاركة الأصلية كتبت بواسطة fbiahmed

روح حضرتك اقرب توكيل ليك هنا في مصر من اسكندريه بعد البوابه اوتو ايجبت بيربطوا العفشه زي الكتالوج بمفاتيح عزم و قولهم يراجعولك على رجلاش علبة الدركسيون و كمان راجع على ضغوط الكاوتش و خليه 32 امامي و 29 خلفي

---

مش المفروض 36 قدام و 33 ورا !!!!!!!!

اقتباس:

---

المشاركة الأصلية كتبت بواسطة fbiahmed

روح حضرتك اقرب توكيل ليك هنا في مصر من اسكندريه بعد البوابه اوتو ايجبت بيربطوا العفشه زي الكتالوج بمفاتيح عزم و قولهم يراجعولك على رجلاش علبة الدركسيون و كمان راجع على ضغوط الكاوتش و خليه 32 امامي و 29 خلفي

---

:verygood::verygood:

اقتباس:

---

المشاركة الأصلية كتبت بواسطة ahmazong

مش المفروض 36 قدام و 33 ورا !!!!!!!!

---

خليهم 32-29 هتلاقي العربيه انعم و الدريكسيون مش هايقعد ينط منك على كل نقره و لا حته عاليه لو ماشي بسرعه على الطريق الدائري مثلا و لازم و العربيه بارده الضغط ده يتزبط

اقتباس:

---

المشاركة الأصلية كتبت بواسطة m.nabeeh

:verygood::verygood:

---

:36_2_33:

اقتباس:

---

المشاركة الأصلية كتبت بواسطة fbiahmed

خليهم 32-29 هتلاقي العربيه انعم و الدريكسيون مش هايقعد ينط منك على كل نقره و لا حته عاليه لو ماشي بسرعه على الطريق الدائري مثلا و لازم و العربيه بارده الضغط ده يتزبط

---

طب و سحب البنزين و تاكل الكاوتش ؟؟؟؟؟؟؟؟

اقتباس:

---

المشاركة الأصلية كتبت بواسطة ahmazong

طب و سحب البنزين و تاكل الكاوتش ؟؟؟؟؟؟؟؟

---

طب سؤال الموديل السابق مش نفس الكاوتش مبيحصلوش ليه طيب تاكل في الكاوتش في البنزين انا معاك طبعا بس بص انا عندي الثبات على الطرق السريعه اهم انا سرعاتي كلها فوق 140 و انت طالع و لو الطريق مثلا زي الدائري مش مزبوط هيبقى الموضوع مؤرف جدا

اقتباس:

---

المشاركة الأصلية كتبت بواسطة fbiahmed

طب سؤال الموديل السابق مش نفس الكاوتش مبيحصلوش ليه طيب تاكل في الكاوتش في البنزين انا معاك طبعا بس بص انا عندي الثبات على الطرق السريعه اهم انا سرعاتي كلها فوق 140 و انت طالع و لو الطريق مثلا زي الدائري مش مزبوط هيبقى الموضوع مؤرف جدا

---

هو 32 و 29 كان من أول موديل كام و اخره كام ؟

اقتباس:

---

المشاركة الأصلية كتبت بواسطة Ahmazong

طب و سحب البنزين و تاكل الكاوتش ؟؟؟؟؟؟؟؟

---

:banzai: يا ابو حميد سحب ايه وتآكل ايه بس !!!
الفرق يكاد لا يُذكر اصلا :nemoflow:
انا من اول ما استلمت العربية فى 6-2010 وانا مش باعمل ضغط الكاوتش غير 32-29
ومغير اول كاوتش للعربية الاصلى على 50.000 كم
وتقرير استهلاك البنزين والارقام اللى فيه بنفس الضغط 32-29
وضغط ال36-33 اتطبق من اول 6-2010 او بعدها لأن نص العربيات اللى مع اصحابى فى الشركة 32-29 والنص التانى 36-33 والاستلام كان بين 5-2010 و7-2010

اقتباس:

---

المشاركة الأصلية كتبت بواسطة y2y1500

:banzai: يا ابو حميد سحب ايه وتآكل ايه بس !!!
الفرق يكاد لا يُذكر اصلا :nemoflow:
انا من اول ما استلمت العربية فى 6-2010 وانا مش باعمل ضغط الكاوتش غير 32-29
ومغير اول كاوتش للعربية الاصلى على 50.000 كم
وتقرير استهلاك البنزين والارقام اللى فيه بنفس الضغط 32-29
وضغط ال36-33 اتطبق من اول 6-2010 او بعدها لأن نص العربيات اللى مع اصحابى فى الشركة 32-29 والنص التانى 36-33 والاستلام كان بين 5-2010 و7-2010

---

يا عم متذوقش طيب هههههههههه ..

طب ليه غيروا للمقاس الجديد ؟؟؟؟؟؟؟؟؟؟

اقتباس:

---

المشاركة الأصلية كتبت بواسطة Ahmazong

يا عم متذوقش طيب هههههههههه ..

طب ليه غيروا للمقاس الجديد ؟؟؟؟؟؟؟؟؟؟

---

عشان يخففوا الباور اللى الناس اشتكت منه انه تقيل
ويحسنوا سحب العربية للناس اللى اشتكت انها بطة بلدى وفرخة بيضا
وبالتالى يقللوا استهلاك البنزين خاصة ان اغلب ركاب الصنى بيقضوها جوة البلد فى الزحمة والاشارات :nemoflow:
لمزيد من الاستفسارات اتصل بالخط الساخن 16244 او قم بزيارة اقرب فرع لمركز خدمة معتمد من نيسان وهاتسمع احلى فتى :36_2_33:

اقتباس:

---

المشاركة الأصلية كتبت بواسطة y2y1500

عشان يخففوا الباور اللى الناس اشتكت منه انه تقيل
ويحسنوا سحب العربية للناس اللى اشتكت انها بطة بلدى وفرخة بيضا
وبالتالى يقللوا استهلاك البنزين خاصة ان اغلب ركاب الصنى بيقضوها جوة البلد فى الزحمة والاشارات :nemoflow:
لمزيد من الاستفسارات اتصل بالخط الساخن 16244 او قم بزيارة اقرب فرع لمركز خدمة معتمد من نيسان وهاتسمع احلى فتى :36_2_33:

---

:verygood::verygood::verygood::verygood::verygood: :verygood:

اقتباس:

---

المشاركة الأصلية كتبت بواسطة y2y1500

عشان يخففوا الباور اللى الناس اشتكت منه انه تقيل
ويحسنوا سحب العربية للناس اللى اشتكت انها بطة بلدى وفرخة بيضا
وبالتالى يقللوا استهلاك البنزين خاصة ان اغلب ركاب الصنى بيقضوها جوة البلد فى الزحمة والاشارات :nemoflow:
لمزيد من الاستفسارات اتصل بالخط الساخن 16244 او قم بزيارة اقرب فرع لمركز خدمة معتمد من نيسان وهاتسمع احلى فتى :36_2_33:

---

كل ده علي حساب العفشه!!!

اقتباس:

---

المشاركة الأصلية كتبت بواسطة y2y1500

عشان يخففوا الباور اللى الناس اشتكت منه انه تقيل
ويحسنوا سحب العربية للناس اللى اشتكت انها بطة بلدى وفرخة بيضا
وبالتالى يقللوا استهلاك البنزين خاصة ان اغلب ركاب الصنى بيقضوها جوة البلد فى الزحمة والاشارات :nemoflow:
لمزيد من الاستفسارات اتصل بالخط الساخن 16244 او قم بزيارة اقرب فرع لمركز خدمة معتمد من نيسان وهاتسمع احلى فتى :36_2_33:

---

علي فكره مالهم البط البلدي أحلي ماشيه كفايه البطه محدش أقدر يكلمها

:inlove::inlove:

اقتباس:

---

المشاركة الأصلية كتبت بواسطة fbiahmed

روح حضرتك اقرب توكيل ليك هنا في مصر من اسكندريه بعد البوابه اوتو ايجبت بيربطوا العفشه زي الكتالوج بمفاتيح عزم و قولهم يراجعولك على رجلاش علبة الدركسيون و كمان راجع على ضغوط الكاوتش و خليه 32 امامي و 29 خلفي

---

احسن حل

شكرا جدا على التعاون الرائع اللى قل ما وجد فى منتدي فى يوم من الايام دى
ملحوظه احب اضيفها .. انا فى الشتا بظبط قدام 29 و ورا 28 نيتروجين وانا مرتاح كده و موضوع البنزين مش بيشغلني المهم ابقي راكب عربيتي مرتاح فيها و احس انها ناعمه .. و الا بقي اقلب عفشة stiff و اظبط كاوتش low-profile بس ده مش اهتمامى دى عربيه سيدان .. بتاعة مشاوير مش سباقات .. و فى الشتا 32 قدام 29 ورا حلو اوى ... و فعلا زى ما قال M.Nabeeh كل ده فى النهايه على حساب العفشة .. طيب علي ايه .. شكرا جدا مره تانيه و باذن الله هبقي اروح فى يوم اوتو ايجيبت .. اللى للاسف بعيد بس على كلام الاخوه الاعضاء الافاضل المشوار يستاهل .. شكرا مره تالته . فى رعاية الله

أنا إن شاء الله هاظبط 32 قدام و 29 ورا بعد كده

اقتباس:

---

المشاركة الأصلية كتبت بواسطة bassol2000

شكرا جدا على التعاون الرائع اللى قل ما وجد فى منتدي فى يوم من الايام دى
ملحوظه احب اضيفها .. انا فى الشتا بظبط قدام 29 و ورا 28 نيتروجين وانا مرتاح كده و موضوع البنزين مش بيشغلني المهم ابقي راكب عربيتي مرتاح فيها و احس انها ناعمه .. و الا بقي اقلب عفشة stiff و اظبط كاوتش low-profile بس ده مش اهتمامى دى عربيه سيدان .. بتاعة مشاوير مش سباقات .. و فى الشتا 32 قدام 29 ورا حلو اوى:what: ... و فعلا زى ما قال m.nabeeh كل ده فى النهايه على حساب العفشة .. طيب علي ايه .. شكرا جدا مره تانيه و باذن الله هبقي اروح فى يوم اوتو ايجيبت .. اللى للاسف بعيد بس على كلام الاخوه الاعضاء الافاضل المشوار يستاهل .. شكرا مره تالته . فى رعاية الله

---

سوري عشان عندى برد و مهيس شوية .. 32 قدام و 29 ورا صيفي

صيف شتا مش فارق