لو 2000 سي سي هتبق ضريبتها 450 جنية علي ما اتذكر وبردو الناس تقولك
لو 2000 سي سي هتبق ضريبتها 450 جنية علي ما اتذكر وبردو الناس تقولك
الضريبة بتاعت أي عربية فوق 2030 CC بتكون 2% من سعر العربية زيرو ، وبتقل كل سنة بنسبة 5% (مش متأكد 5% ولا بقت 10% بس أنا هفترض انها 5% وهحسب على كدة ) من القيمة دي ، يعني لو موديل العربية فات عليه سنة يبقى هتدفع 2% من تمنها زيرو وتشيل 5% خصم من القيمة دي ، ولو بقاله 10 سنين يبقى تدفع 2% من تمنها زيرو وتشيل من القيمة دي 50% .
لكن في حد أدنى ماينفعش تقل عنه ، يعني ماينفعش ال-2% بعد 30 سنة مثلاً تشيل منه خصم (5% * 30 سنة ) 150% تقوم ما تدفعش أو يدولك فلوس :)
الحد الادنى دة ألف جنيه .
في حالة ال-e36 موديل 1994 هتدفع الحد الادنى لأن الموديل قديم وبالتالي تدفع ألف جنيه .
في حالة ال-e60 موديل 2006 هتدفع 2% من تمنها زيرو ناقص 25% خصم .
نفس الكلام على فكرة في ال-2000cc (أي موتور من 1630 إلى 2030 CC ) ، بس الفرق إن القيمة الأصلية مش 2% دي ثابتة على 1000 جنيه ، يعني الزيرو يدفع 1000 جنيه ، وكل ما تقدم سنة تقل 5% ، لحد ما يبقى الحد الأدنى .
والحد الأدنى في الحالة دي حوالي 300 جنيه .
ياعم هات عربية موتورها 2000 وبعدين ركبلها تيربو ياريس وعيش حياتك التيربو هيخليهالك كانها 3000 مش 2500 بس
وكمان ملوش رسوم في المرور وهتتعامل علي انك 2000 وهتدفع ضريبة وتامين 450 جنية وفل علي كدا
الف شكر ياكبير..هو التناقص 10%..انا مع تجديد الرخصه السنه اللى فاتت شفت الجدول مع الموظف بنفسى..الضريبه للزيرو كانت 10600 وتنزل 1060 كل سنه..وانا دفعت 5300 عشان كان عمرها 5 سنين...بس خبر كويس ان الحد الادنى الف بس..كنت فاكره الفين...بس عقبال ما اوصله هاكون دافع 14840 بسسس :) الحمد لله....غلطت عمرى بس قدر ولطف
مش فاهم اوى
اللى انا فهمته ان بى ام 318 e46 مو 2000 مثلاً هدفع له 1000 جنيه ضريبة بس دا غير 500 جنيه تأمين
ضريبة حضرتك للعربية ال 2500 سي سي موديل 96
1300 ج