السلام عليكم
ياريت لو حد اتعامل مع حد بتاع كرانيش ونقاش يقولى المصنعيه بتبقى كام بالظبط عشان أنا سمعت أسعار عاليه اوى مع انى كنت فاكر ان الموضوع مش غالى اوى كده.
عرض للطباعة
السلام عليكم
ياريت لو حد اتعامل مع حد بتاع كرانيش ونقاش يقولى المصنعيه بتبقى كام بالظبط عشان أنا سمعت أسعار عاليه اوى مع انى كنت فاكر ان الموضوع مش غالى اوى كده.
الكرانيش
شوف انت هتشتغلها ازاي :
1. في جاهز صيني (رائع مركبه في شقة في اسكندرية) سعر المتر بتاعه تقريبا 12 ج وبيكلف تركيب 7 ج للمتر شامل الخامات
2. لو حد هييجي ويصب على الحيطة عندك الافضل تلف على محلات الجبس اللي منتشرة في كل حتة وهتلاقيه معلق فارمات كتيرة جدا شوف اللي تعجبك وهو بيبقى محدد سعر المتر كام شامل النقل والمصنعية والمشال والخامات ودي بتبدا من 10 - 40 ج على حسب الفرمة وهجيب برضه من عنده الاطباق وهو هيركبيها
يعني اتفق معاه في محله مش في الشقة
بالنسبة للنقاش
ده بالذات انت وظروف الشغل عندك
بس اعتقد متوسط سعر المتر 15-20 ج
وفي نقاشين بيتفقوا المقاولة كلها على بعض وده افضل بس الاول تكون متفق معاه انت هتعمل ايه بالظبط وتشوف الخامات قبل ما تتفق معاه
الكرانيش المتر من 15 ل 20 المصيص ميزدش عن 10
النقاشه بالمقاوله احسن ..يعني كلها علي بعض 6 الاف لشقه 160 متر حلو جدا جدا
على فكرة
حوار المصيص ده فاشل
الافضل دهانات على طول ملوش اي لازمة المصيص
هاتعمله وبعدين ترجع تمعجنه وتدهنة
تكلفة ضايعة على الفاضي
الافضل الشقف ياخد طبقة معجون من نوع كويس ويتدهن عادي باي لون
المصيص بيبقى نتيجة إن الأسقف بتكون متخربشه.ولازم تاخد الطبقه دي الأول
الكرانيش الفيوتك بتكون عامله من أول 7 جنيه لحد 42 جنيه (دي الجاهزه)
أما الفرم الجبس اللي بتطلعلك كورنيشه جبس بتكون من 15 لحد 25 جنيه.
متر المصيص من أول 7 لحد 15 جنيه.
متر النقاشه أنا عامله ب 10 جنيه.بس عشان الأخ حللني في حاجات كتير قبل كده.
اياك تحاسب بلمتر فى التقاشه حتلاقى رقم خيالى فى الاخر
خليها مقاوله على بعضها احسن......
المصيص ضرورى علشان شدة السقف يتكوت نعبانه والخرسانه زباله وبعد المحاره برده بيكون مطبل ومحربش فلازم مصيص والسعر 5:7 للمتر والكرانيش من اول 14 للمتروالدهانات ممكن من 10 للمتر كدهان عادى لكن الماستيك والسبونج والجرانيتا والطباعة بنظام الاسطمبه ليها اسعار خاصه والمتوسك الحائط ب100 جنيه
والشقه ال 130 متر بتعمل حولى 8500 جنيه لو فيها كام جنب معمولين الوان يوتن والباقى سايبس والاخشاب رش او مغسول
جزاكم الله جميعا خيرا على ردودكم
لو انته فى القاهره انا اعرف نقاش كويس جدا من هنا لبعد بكره
عارف الشغل اللى بتشوفه فى الافلام والتليفزيون هتحس انك قاعد فى استديو ديكور فى بيتك
وسعره بالمقارنه بشغله لا يوجد مقارنه لو عايز ابعتلى تليفونك على الخاص واقولك تتعامل معاه ازاى