اكتشاف لذيذ فى الجيتز

**dooody_2007** · 27-05-2008 03:51 PM

السلام عليكم ورحمة الله وبركاته

يا جماعه الحوار ده انا عرفته بالصدفه فى الجيتز مش عارف بقى باقى الهيونداى كده ولا لا
كل اللى معاه جيتز وغالبا ماتريكس والنترا اول لما بيدور العربيه السنتر بيقفل بعدها بمده وميفتحش غير ياما حضرتك تفتحه بايدك (وانا عندى المسوجرات تقيله اوى) ياما تبطل العربيه يقوم فاتح تانى
فى الجيتز بقى فى درج كده بيتفتح تحت الدركسيون على الشمال فى حته ممكن تتفك من التابلوه وتلاقى تحتها اسلاك كده فى وسط الاسلاك دى زرار عليه بلاستيكه حمرا كده خليك دايس على الزرار ده ودور العربيه السنتر مش حيقفل شيل ايدك حيقفل على طول
ولا سحر ولا شعوزه

**ahmedfd** · 27-05-2008 04:00 PM

وصلتلها إزاي دي؟؟:)
أنا و الله مش فاكر أصلاً في الإلنترا في حاجة زي كدة ولا لأ... حبقى أبص.
بس هوا لزمتها إيه إن في أصلاً زرار في الباب جنبك ممكن منه تفتح السنتر للأبواب كلها في أي وقت.

طب خد دي بقى عندك (هي في الإلنترا و غالباً في الجيتز بس مش متأكد).
إنت لما تنزل تجيب حاجة على السريع و إنت منور النور الصغير بالليل و عايز تسيبه منور... لما تشيل المفتاح أول ما تفتح الباب النور هيفصل أوتوماتيك... تعمل إيه بقى يا باشا تقوم لافف الدراع علشان تقفله و تفتحه تاني... هوب هيفضل منور حتى حتى لو فتحت الباب...
:embarrassed2:

**bassam nagy** · 27-05-2008 06:00 PM

بالفعل موضوع السنتر دة موجود فى الماتريكس بيقفل بعد 30 ثانية من فتح الكونتكت

بس اول مرة اعرف موضوع النور الية بيطفى لوحدة فى الانترا بس ميزة حلوة

**dooody_2007** · 27-05-2008 06:10 PM

اه فعلا جامد حوار النور ده بس مش موجود فى الجيتز
انت على كده مش ممكن تنسى النور منور بالليل وتطلع ابدا زى ماحصلى 3 مرات قبل كده وبطارية العربيه فضيت فى كل مره

**Ah.Farid** · 29-05-2008 03:44 PM

فى الماتركيس بردة مفيش كدة
النور مش بطفى لازم انت تلف الدراع

**Hesham A.Megid** · 29-05-2008 07:10 PM

المشاركة الأصلية كتبت بواسطة ahmedfd

بس هوا لزمتها إيه إن في أصلاً زرار في الباب جنبك ممكن منه تفتح السنتر للأبواب كلها في أي وقت.

الزرار ده مش متوفر في الجيتز الاسف.

المشاركة الأصلية كتبت بواسطة ahmedfd

طب خد دي بقى عندك (هي في الإلنترا و غالباً في الجيتز بس مش متأكد).
إنت لما تنزل تجيب حاجة على السريع و إنت منور النور الصغير بالليل و عايز تسيبه منور... لما تشيل المفتاح أول ما تفتح الباب النور هيفصل أوتوماتيك... تعمل إيه بقى يا باشا تقوم لافف الدراع علشان تقفله و تفتحه تاني... هوب هيفضل منور حتى حتى لو فتحت الباب...

موضوع النور ده موجود في الجيتز بس مش اللي بتنزل في مصر!!

لو بصيتوا في ال owners manual هتلاقوه. و موجود كمان في الميتركس و الفرنا ال GLS.

**fahd_628** · 30-05-2008 12:29 AM

الجيتز السنتر بتاعها بيقفل اوتوماتيك اول ما تدوس فرامل من بعد فتحك لآ باب ب 30 ثانية تقريبا و لو مدستش فرامل السنتر م حيقفل لازم لما تدوس فرامل

**dooody_2007** · 31-05-2008 11:12 PM

فرامل ايه اللى بتدوس عليها انا عندى بتقفل بعد لما بتدور العربيه وشرط كمان تكون قافل الباب وانت بتدور غير كده مش بيقفل ولما بيقفل وبفتحه تانى بايدى مش بيقفل حتى لو دوست على قطه مش على الفرامل:]:]:]

**mohamed ibiza** · 31-05-2008 11:15 PM

حلو الاكتشاف ده برضه:)

**Abdo_Eldesokey** · 31-05-2008 11:25 PM

موجودة في اليارس الكاملة بردوا .:. آخر فئة .. وأنا لما شفت الموضوع ده اتبسطت منه أوي

الموضوع: اكتشاف لذيذ فى الجيتز

LinkBack

أدوات الموضوع

عرض

اكتشاف لذيذ فى الجيتز - انشر الموضوع فى :

-

-

-

-

-

المواضيع المتشابهه

يوم لذيذ اتبهدلت فيه بس مبسوط

يوم لذيذ

اعلان لذيذ جدا لهامر h3

ملف word لذيذ جداً

فيديو لذيذ

الكلمات الدلالية لهذا الموضوع

المفضلات

المفضلات

ضوابط المشاركة