الموضوع: مشكلة فى الفتيس الاتوماتيك بتاع النوبيرا

باشا نص كلامك حروفه طايره مش فاهمه ياريت تعيده تاني انا معايا نوبيرا 2002 اوتوماتيك و مغير فتيس

و الله انا عندي نفس المشكلة و مش عارف اعمل ايه

انا لسة شارى العربية من شهر 3 اللى فات المهم كانت ماشية معايا زى الفل هى على فكرة نوبيرا 2 موديل 2004 وعاملة 36000 الف كيلو فجاة لقيت الفتيس بيون فضلت ماشي بيها لحد ما عرفت ان سبب الونة مية الردياتير دخلت على الفتيس المهم صلحتها وبقى كل تمام روحت بعد كدة دهنها ولما جبتها الونة رجعت تانى ابص فى المية بتاعتها وزيت الفتيس كل سليم فضلت ماشي بيها لحد ما وقفت بيا واحد قالى افصل البطارية عشر دقائق وهتلاقيها ترجع زى الاول وفعلا عملت كدة واشتغلت عادى خالص ومفهاش اى مشاكل بس هى فى حاجة اخيرة الغيار الرابع لما بيجى بيعض مش بيجى زى الاول ولا التانى والتالت تحس زى ما يكون الغيار مش بيقلط على طول دا يبقى سببه ايه ناس قالتلى غير فلتر الفتيس وناس قالتلى حطه على الجهاز انتم ايه رايكم يا جماعة انا محتار ومش عارف اعمل ايه علما ان العربية سحبها زى الفل ومفهوش اى مشاكل بس هو الغيار الرابع مستنى ردودكم ........

معلش كانت الكايبورد عندى بايظة

انا معايا نوبيرا اتومياتيك 2006 وحصل معايا نفس المشكله بتاعت حضرتك لما زيت الفتيس كان زياده عن الطبيعى بحوالى كيلو رحت للميكانيكى ونزلت الزيت كله وحطيت ال 5 كيلو مظبوطين العيب راح تماما والعربيه رجعت زى الاول

وكان عندك الغيار الاخير بيعض بردوة

بالظبط كده كان الغيار الاخير بس وباقى الغيارات كانت شغاله كويس بس ياريت لو تكشف على الزيت بسرعه علشان ميحصلش مشاكل فى الفتيس بتاعك وابقى طمنى عملت ايه

تسلم يا باشا انا هاغير زيت وفلتر وهاقولك على اللى حصل