الموضوع: خبر حصرى وأكيد .... شيفروليه كروز بالموتور الجديد

المشاركة الأصلية كتبت بواسطة mido

سؤال محيرني..ليه الكروز مفيش فيها خليجي زي باقي العربيات ؟ منصور مسيطر ؟

حتى لو مش مسيطر , مفيش فى الخليج 1600 كلو 1800 , الدوله الوحيده اللى فيها 1600 هى العراق تقريبا

المشاركة الأصلية كتبت بواسطة ahmedaglan

الموضوع كلة ان منصور حس ان الكروز ماتت اول مالانترا الجديد نزلت لا واية بالنفس السعر تقريبا فالطبيعى ان الناس كانت تتوجة لشكل جديد بموتور اقوى
فكان لازم علي منصور ينزل الكروز بموتور اقوى وكماليات اعلي وبسعر منافس علشان ترجع مبيعات الكروز تعلي تانى في ظل منافسة قوية مع الالنترا

ممكن

المشاركة الأصلية كتبت بواسطة CryptonX

مش حتنافس اي حاجة في اي حتة .. انا كنت معجب بالكروز بصراحة قبل ماجيب الانترا ... و فكرت فيها جديا ..

رحت لقيت اول موديل اوتو .. ب 131 الف و تقريبا مفيهوش اي حاجة غير القزاز الكهرباء ! غير موضوع المحرك القديم و الي 2 زمايلي في الشغل الي معاهم كروز بيشتكوا من المحرك فعلا و بعض اعمال منصور الجميلة ...

فلما تيجي كمان بمحرك جديد ماشي حليت مشكلة .. حتبقى اول فئة بكام بقى ؟ 136 ؟؟؟ و كدة ولا كدة في facelift قريبا ليها يعني حيغلوها تاني !!

لو الانترا ثبتت على سعرها .. اعتقد ان تاني فئة في الانترا (الي فيها abs و airbag واحدة) برقبة الكروز تماما !!

ده غير طبعا الفلوانس .. للي غاوي اوروبي .

ليه بس ياباشا , قبل اى حاجه انت عارف حبى للهيونداى كيا عموما :)

الكروز كعربيه بالنسبه لى مكنش ينقصها غير الموتور اللى منصور ضحك علينا فيه , لكن كتصميم وتكنولوجى وعفشه وثبات ( كوبى من الاسترا ) واختبار ال EuroNcap اللى بهرنى وبهر العالم , يخليها كعربيه ( بالموتور الجديد ) احسن من اى عربيه تانيه فى فئتها مش بس الالنترا والسيراتو لأ احسن من اى حاجه لحد الباسات والجيتا التربو ام فتيس DSG بيبوظ :)

كون ان منصور مبالغ فى سعرها ومقلل فى كمالياتها دى قصه تانيه , الفلوونس ( من وجهة نظرى برضه ) ماتزيدش عن الكروز فى حاجه حتى بالموتور الحالى لان الفلونس 105 حصان وفتيس 4 سرعات اقل من كروز وعفشه Torsion-Beam يعنى زى بعض اللى يفرق ان الفلوونس اللى ب 132 فيها Abs AirBags الكروز 131,500 مافيهاش

وعموما هى وجهات نظر

المشاركة الأصلية كتبت بواسطة mido

الكروز حتي بالموتور الجديد مش هتنافس الالنترا او السيراتو دي حاجه و دي حاجه دى شكل رياضى و بتاعة جري و عفشه المفروض رياضيه و التانيه عربيه كلاسيكيه مفيهاش لعب جامد و عفشه مريحه بس مش بتاعة جري و شد وده اللي قافل الناس منها
الكروز سعرها مش هينزل علشان منصور نزلها علشان تكون بدل الفيكترا بس طبعا منجحش في ده

ممكن تكون مش بنفس سرعتهم لكن الموتور الجديد هايحسن اداءها كتير مش لازم تبقى صاروخ بس مايتقالش عليها بطه

المشاركة الأصلية كتبت بواسطة ahmed elsherif

سألت انهارده واحد ماسك منصب جوا منصور
قالي انهم كانوا بيفكروا انها تنزل بماتور الاسترا ال 115 حصان
بس للاسف لغوا الفكره لان السعر كان هيغلي جامد
وموديلات 2012 بنفس الموتور القديم

المشاركة الأصلية كتبت بواسطة hossam_elwani

معقول فيه فيس لفت تانى للكوز قريب....... الناس دى حتجننا

هو مش فيس ليفت اوى , ولسه مش رسمى

المشاركة الأصلية كتبت بواسطة yyy

اللانسر نزلت بموتور جديد و سعرها تقريبا زي ماهوا

تمام بس الفرق ان اللانسر اصلا كانت مايفك 1500 بقت مايفك 1600 الاتنين مايفك تكنولوجى واحده فممكن مايبقاش فى فرق

لكن فى حالة الكروز فى فرق بين موتور E-Tec II بقاله 8 - 10 سنين وموتور ECOTEC بينزل فى اوبل تكنولوجى 2010 , فكدا فى مبرر انها تغلى

بس المشكله مش انها هاتغلى , المشكله انها متسعره غلط من الاول