بس ياسيدي وراح قاطع الطريق
الزمان: النهاردة الساعه 1 ونص
المكان: ونا جية من الفيوم عند مدخل أكتوبر بظبط
الحدث كالتالي:
انا جية وماشية علي يمين الطريق 120 وعلي شمالي بظبط ميكروباص ماشي بنفس السرعة بظبط يادوب الطريق حارتين
وورايا بظبط عربية نص نقل لازق ف العربية وماشي بنفس السرعة بردو
وإذ فجأة.. عربية كبيرة نقل جية من الصحرا فليمين تروح قاطعه الطريق بالعرض بمنتهي الهدوء وتنزل بوشها ف الجزيرة اللي ف النص هي تقريبا بتحمل رملة
لان دا مكنش مكان يو تيرن
وكانت المسافة بيننا تقريبا متكملش 50 او 60 متر
حدث ولا حرج بقي.. انا والميكروباص عصرنا الفرامل ونا عيني علنص نقل اللي ورايا لاني متأكدة انه مش هيلحق يقف
ولانا حتي هلحق ولا الميكروباص خصوصا ان النقل دي طولها بعرض الطريق بالظبط
وسبحان الله ف اخر لحظة لقيت مكان عليمين متر ونص يادوب رحت دخلت فيه كانت نص العربية اليمين ف الرمل تقريبا لحد ملميت نفسي ورفاديت النقل ف اخر لحظة
اما النص نقل اللي ورايا ملحقش يقف برده ونزل ف نص الرمل ف اليمين والعربية لفت حوالين نفسها ووقف
أما الميكروباص بقي كان بيحاول يعدي قبل متقفل عليه النقل الطريق وملحقش
فنزل شمال فلجزيرة الرملية فلنص زرع بصل
أنا لحد دلوقتي بفتكر اللي حصل كأنه مشهد سينمائي