الموضوع: جميع مستفبلى الاخطارات مشغولون يرجى الانتظار

هذا جزء من الرد الالى على 122 نجده او ما فى معناه
اخوانى واحبتى اعضاء نايل موتورز
كنا فى الماضى القريب اى قبل الثورة نشتكى من خدمة النجدة وانهم يقومون بالوصول بعد ساعة او ساعتين من الاتصال اى بعد خراب مالطه ويا ليتها دامت
اليوم عند الاتصال بالنجدة تجد الرسالة الالية التى تفيد بان جميع الذين يتلقون البلاغات مشغولون وانهم سوف يردون فى اقرب وقت ممكن ويوم الخميس الماضى فى حدود السابعة والنصف مساء وعلى مدى اكثر من 10 دقائق ما تزال هذه الاجابه تتكرر دون رد ثم ما لبث ان تم تحويل الخط الى احد العاملين حتى تم غلق الهاتف وتك ذلك مع بعض الذين شهدوا الحادث وحاولوا الاتصال بالنجده دون مجيب
كان ذلك يوم الخميس اى قبل الامس وعند تواجدى بسيارتى اعلى الدائرى وتحديدا بين منزل دار السلام والمنيب وكالعاده الطريق يسير بسرعة الزحلفاء واذا بى اشعر بمن يصدمنى من الخلف واذا به يصدمنى ثانية فانطر فى المرأه فاجد تريلا عملاقه ثم تكرر الصدمه تلو الصدمه وليس امامى اى متسع لان امامى تريلا اخرى وبالطبع اشاور بيدى من الشياك واضغط بالاخرى على الكلاكس لعله يشعر بما يفعل وهو مكمل رجرجه كأنه يقوم بفصل القشده عن اللبن وطبعا بالسياره والدتى وزوجتى فى قمة الهلع والصراخ من هول ما يحدث ولا استطيع ان اتوقف حتى لا يهرس السياره واحاول ان اضغط بنزين ثم فرامل حتى انبعد عمه ولا اصطدم بالتريلا التى امامى حتى يمكنتن من الخروج من بينهم واذا به يكمل سير
طبعا جن جنونى واذا بى اقفز من السياره واجرى خلفه فسرعته ليست كبيره واتسلق الباب الذى يجاوره فاذا به مغلق والزجاج مغلق جلست اضرب الزجاج كالمجنون واطلب منه الوقوف وهو مكمل وشطله عريب كانه بدوى فحطمت زجاج المرأه حتى يقف ونزلت واذا يه بنزل ويقول ليش تكسر المرايا فعرفت انه ليبى
مسكت فيه وانه لازم يصلح الاكصدام اللى بهدله بكل برود رد بانه ما سوى شىء طبعا زى المجنون جريت على العربيا وخرجت قفل الدركسيون وكان الشر كله فى عينى وفكيته حتتين مسكته ونغزته بيهم مع بعض فى اكتافه لقيت بتاع 3 اريلات وراه وقفه ونزل منهم بشر كانهم من اهل الكهف لابسين جلاليب صوف او فرو حاجه كده وهوا جرى جاب حديده فقلتله المرد دى هتبقى موتك مش ضربك طبعا مسكوه وحلوه يطلع بالعربيه ويسيبنى جريت خدت العربيه وغرز لحد ما وقفت قصاده وقفلت الطريق بالعرض
نزل الناس اللى معاه وايش يا شيخ بدك وهو ما يقصد وكلام من ده وطبعا عفاريت الدنيا بتنطط قدامى جريت ناحية عربيته ابطلها واخد المفتاح جرى ورايا وسك هدومى وقالى افعل بى ما تشاؤ لكن السيارة بععد طبعا مسكتع وليسته فى عربيته وقلتله للمره الاخيره لو مسبتش هدوك هجيب راسك فى حته ورقيتك فى الحته التانيه وفعلا كان الشيطان بيقولى اقطم رقبته اسنعذت بالله وسبته والناس اتلمت ونظام حصل خير والحمد لله انها جت على اد كده وانا بصرخ يعنى ايه الكلام الفارغ ده واحد واخدنى قدامه هبد ورزع وتقولى لى مش شايقك والحمد لله وكمان بيجرى قالولى منت كسرت له المرايا طيعا الدم جرى فى عروقى وتلفظت لالفاظ زفت وقلتلهم خلاص خليكوا واقفين وحاولت اتصل بالنجده ولا مجيب ولا كأنى بتصل بكريازى او يونيفرسال وكام واحد ولاد حلال وقفوا منهم اللى بيتصل ومنهم اللى بيسعى بالخير -قالولى طلباتك ايه قولت مش هقوول بغيير الاكصدام بس يرشه واتصلت بمهندس فى التوكيل ومشكورا اتصل بمختص الدهانات وانصل بيا وقالى 300 دوكو ومن الى فك وتركيب طبعا الناس اتخانقت معايا وبدأ تعاطف المصرييت يقل لحد ما بعضهم كان عايز يشاكلنى اتصلت بضابط صحبى وقلتله يبعتلى النجده يمعرفته والناس مش مبطله كلام واللى يقولى عيب عليك انت ملتحى بتاخد عوض واللى يقولى دول ضيوف كان لو مصرى عمل كده فى ليبيا او السعوديه كان فضل عايش واللى جننى واحد لبقول انه سمكرى قالى ليه 300 جنيه دى تتعمل ب 50 جنيه والناس تقولى اقسم اليلد نصين كأنى بشحت او باخد صدقه والناس شايفه العربيه لسه زيرو ومعندهمش دم ومنهم اللى قالهم امشوا ولو اتعرض ليكوا احنا معاكم -طبعا ونعم النخوة ونعم الجدعنه
المهم قعدت قدان التريلا على الارض وبدأ الفصال من 200 الى 300 ثك 400 وحاول واحد يجب ال50 الباقيه المصريين منعوه وخدوها منه وقالوله كفايه عليه كده وطبعا من المصريين من بهدىء فى ويتحايل عليا انى امشى واقفل الموضوع ومصورش نمر العربيات وكلام نظام علشان خاطرنا وكبرنا ومعلش والمسامح كريم واتصلت بصاحبى قالى انه وثلهم وكانوا عايزين البيان التفصيلى للواقعه -طبعا طحت فيه وقلتله مش عيب ان النجده اللى هيا الملاذ الاخير للمواطن يبقى ده موقفها يعنى لو انا معرفش خد يجيبهم يبقى شكرا -قالى اصلهم بيخدكوا 16 مليون ويوم الخميس كان عليهم ضغط قلت ده موبينيل وفودافون مينفعش عميل يعدى دقيقه او 2 مش فاكر على الانتظار يبقى النجده 10 دقايق واغلاق خط وعد من الاول-بجد حرام
المغزى من الموضوع واللى خلانى اكتبه بعد اعصابى مهديت شويه عدة نقاط:
1-ما معنى شرطة النجدة وما هو دورها فى المجتمع ومتى نصل الى مستوى دوله كالسعوديه ولن اقول امريكا او كندا بحيث يتم الاتصال برقم معين عند حدوث حادث ليصل اليك موتسيكل فى خلال 5 دقائق ويقوم بمعاينة الموقع ويكتب نقرير مبدأى و التقاط بعض الصور وفى الشرطه يتم عمل تقرير فتى بالحادث ونسب تحمل الضرر ولا يمكن لمركز اصلاح اينما مان ان بصلح سياره الا بعد اذن من الشرطه وبعد ان يتم التصالح او دفع العقوبه /الغرامة
2-هل معنى ان الانسان ملتحى ان بترك حقه دائما ولا اصبح ابن .................
3-هل معنى الكرم ان يكرم الغريب من جيب غيرك ولما لا يقوم المتعاطف مع المخطىء بتحمل الضرر على عايقه ولو تحت باب الغارمين
4-لماذا الشعب المصرى الا ما رحم ربى اسود على بعض نعاج امام الاخرين تجد المصرى فى الدول العربيه عصفوره لصاحب المؤسسه على اخوانه المصريين ولو بالكذب وتراه اشد ضراوة على من تحته من المصرييتن متملقا لاهل البلد
وليس ببعيد ما حدث عند طوخ من اسبوعين من تعطيل الطريق لاكثر من 5 ساعات وحرق تريلات بسبب مقتل اناس فى حادث على الطريق
لماذا لم يتم التعاطف مع المصرى صاحب الحق فى بلده امام اغراب وبالحق ولا اقول بالباطل ولكن بالحق الا النذر اليسير
لماذ من يتبرع يتبرع من جيب غيره ومن لا يقبل العفو يصبح مارق من الدين بالرغم من ان الله لم بكلفنا بذلك وانما حفزنا الى ذلك بعظم اجر الفاعلين
ونجد من يقول لمن يطالب بحقه -هوا ده الديييييييييين ويمكها اوى كانه بيسب ال.......
وتلاقى اللى بيتهمك بالتعسف -طب لو انا متعسف كنت قلت عايز عربيه تانيه عامله 2000 كيلو مرشتش خالص انا وانا بسارى كان قدامى فى تفس المعرض عربيه زيرو ولون انا عايزه ورشه اكصدام اتخدش وهيا نازله من المركب وفيها 1500 او 2000 فرق ومرضتش يعنى انا خسرت على الاقل 4000او 3000 فى رش الاكصدام عند البيع
نفسى اعرف امتى هنعرف حقوقنا وواجبتنا وبكون هناك اليه لاخذ الحق غير الدراع؟؟؟؟؟؟