عاوز تفسير لنقص الميه المفاجىء ده ؟
عربيتى دايو لانوس 1 موديل 2000 ولله الحمد مفيهاش مشاكل
حصلت حاجه غريبة جدا جدا اول مرة تحصل معايا
هو انى كنت طالع فرح لواحد صحبى بالعربية وبعد ما روحت البيت وبطفى العربية لقيت المراوح شغاله ودورت العربية تانى وبصيت على امبير الحرارة لقيته قبل النص بحاجه بسيطه يعنى فى العادى ، واطفى الاقى بردوه المراوح شغاله ، ففتحت الكبوت لقيت ريحه شياط بسيطه ولقيت قربه الميه فاضيه خالص علما بانى باصص عليها قبل ما اطلع الفرح كانت مليانه وتمام جدا
المهم فتحت القربه بالراحه جدا وعلى فترات علشان ما تضربش فى وشى سمعت دربكه فى الردياتير ودورة التبريد زى صوت الميه لما تيجى على المكوه
المهم دورت العربيه وانا فاتح القربه و المراوح طبعا شغاله وبدات املاء الميه وهيا بتبلع فى الميه زى ما يكون ما فيهاش نقطه ميه وانا بملى الميه المراوح طفت
المهم قفلت القربه وقفلت العربية وقولت هبقى الشوفها الصبح
صحيت الصبح فتحت القربة ودورت العربية ومليت القربه لحد ما وصلت للحد المسموح به وبعدين قفلت القربة
لكنى لاحظت ان كوع الشكمان معرق بسيط وبيدخن فتوقع ان الموتور معرق زيت ونزل نقطه زيت على الكوع وهو ده سبب الريحه والدخان البسيط
سؤالى هنا ايه سبب نقص الميه المفاجىء ده علما بان الردياتير سليم وزى الفل والخراطيم تمام والقربه مقفوله كويس وبصيت تحت العربية ملقيتش نقطه ميه والنهارده طول اليوم الميه فى نفس مستواها ومنقصتش
بس انا امبارح قرصت على الغيارات والميكانيكى قالى ممكن لما قرصت عليها خليت البلف بتاع الغطا هرب الميه الى فى القربه فهل الكلام ده صحيح ولا ايه تفسير حضراتكم ؟؟؟؟؟