علشان كده أنا بأقترح أننا في مقابلة هيونداي القادمة أن شاء الله نناقش فكرة أنشاء رابطة لمالكي هيونداي بحيث نصبح قوة ضغط فعلية علي الوكيل و الموزعيين و مراكز الخدمة
عرض للطباعة
يا جماعه ضروري عاوز اعرف لو ركبت الشاشه دي على الالنترا بتاعني تخرج بره الضمان وله لا وهل في تركيب شاشة جي بي اس في الوكيل ??
غاليه جدا بس جميله برضوا
الف مبروك علي الشاشة
ولك الله يا مصر
في السعودية اغلي شاشة للالنترا 1800 ريال شامل التركيب والضمان لمدة سنة
مع العلم ان الشاشة بتيجي بالمواصفات الكاملة واضاءة نفس اضاءة التابلوة مع ربطها بأزرار المالتي فنكشن للطارة
ماهو الشاشة هنا برضه عليها ضمان سنة و بنفس لون التابلوه و بيتم تعريفها علي مفاتيح الطارة
multi - function و كمان فيها ميزة أنك تقدر تغير الاضائة و الخلفيات الخاصة بها و تتحكم في درجة سطوعها منها مباشرة أو من خلال مفتاح الديمر اللي في التابلوه
و هيا هيا نفس الشاشة اللي في السعودية و ثمنها نزل علي فكرة و أصبح بحوالي 2600 جنيه و الميزة أن لو جبتها من السعودية مالهاش ضمان هنا يعني لو حصل فيها حاجة هاتصلحها علي حسابك
يا جماعة كنت عايز اسال عن التليفزيون هل بيشتغل كويس وانت ماشى ولا بيبقى مشوش وما بيتشفش
كمان عايز اسال عن رايكم فى نوع من الشاشات دى قيه انترنت عن طريق يو اس بى مودم بتاع موبينيل او اى شركه تانيه بس النوع ده مافيهوش تليفزيون
اللى كنت عايز اسال عليه هو موضوع الانترنت ده لو حد جرب موضوع الانترنت ده
على فكرة النوع ده تمنه 3150
التليفون كويس جدا و أنا بأستخدمه علي طول خاصة في وسط المدينة
أما موضوع الانترنت أنا مش شايف أن له لازمة أوي
طب ايه رايكم فى دى عشان بفكر اجيبها
In Dash 8"Car DVD Player Fast Pure Android 3G WIFI GPS Fit 2012 Hyundai Elantra | eBay
مبارك عليك يا بشمهندس
الجهاز في حد ذاته ما يخرجش العربيه من الضمان عشان بياخد كل التوصيلات من فيش الفابريقه زي الاصلي
التلكيكه هتبقى في الكاميرا عشان هيحصل تقشير في سلك لمبه المارشيدير و لازم التقشير يتعمل بحرص بدون قطع للسلك و يقوم لافف عليه سلك الكاميرا و لفه شيكرتون
انا الفني اللي ركب لي جه يقشر السلك راح قاطعه رغم انه اللي بيركب الجهاز في التوكيل بس الحمد لله بقاله سنتين شغال زي الفل
نقطه تانيه متفرحوش ان الجهاز رخيص اي نعم كله صيني بس اللي عندي برقبة الفابريقه من ناحية كواليتي الصوت و احسن صوت سمعته لحد دلوقت في كل العربيات اللي جبتها
فعلا يا أستاذ هاني عندك حق في كل اللي قلته
هيا تلاكيك من التوكيل بالرغم من أن الجهاز راكب عندي علي فيش و المفاجأة بقي أن وصلات الشاشة موجودة أصلا في التابلوه لما فكينا الجهاز الاصلي
أما موضوع نقاء الصوت و الصورة و جودة الجهاز فعلا بيعتمد علي نوعه
لكن بشكل عام الاجهزة دي بدأت اسعارها تنزل في مصر بعد أن اصبح هناك أكثر من مستورد و بكميات كبيرة نظرا لقبال الناس عليها
استاذ سمير
معاك طبعا ان الاجهزه رخصت و الدليل ان الجهاز بتاعي كان يوم ما جيبته كان ب ٥٢٥٠ جنيه و كان التوكيل عارضه ب ٦٧٠٠ جنيه و حاليا اكيد نزل عن ال ٤٠٠٠ جنيه
اللي عايز اقوله ان يفضل ماركه متجربه زي الفلاي اوديو او الكاسكا و على فكره لو جبت الفلاي اوديو في الالنترا هتلقاه هو بتاع الهوندا الفرق في الشكل الخارجي فقط عشان بيعشق في التابلوه
وبالمناسبه الفلاي اوديو صيني متجمع في مصنع في مدينة العبور بس برقبة جهاز الفابريقه بتاع الباسات كجمال الصوت
فخلوا بالكم المستوردين بيلعبوا على حتة ان المصريين بيحبوا الحاجه الرخيصه و بيستوردوا اقل كواليتي
استاذ / هاني
كلامك صح جدا و أنا موافقك 100%
فعلا أنا لما جيت أركب الجهاز عندي في العربية لاقيت كذا نوع و كلهم بمواصفات مختلفة و بسوفت وير مختلف و فعلا كله صيني و البعض بيتم تجميعه هنا في مصر و الجهاز اللي عندي من ضمن هذه الاجهزة التي يتم تجميعها هنا لكن صوته فعلا مماثل لنفس صوت الجهاز الاصلي اللي كان راكب في العربية
اللي عايزين نقوله يا جماعة انا و الاستاذ هاني :
ماتفرحوش بأن الجهاز سعره منخفض و الاوبشن فيه كتير , المهم جودته و وجود ضمان معاه يغطي أي أعطال أو مشاكل مستقبلية و في الاخر كلهم صناعة صينية
شكرا لحضرتك على التقرير و يا ريت حضرتك تقولنا اخر سعر للجهاز حاليا
سؤال بعد أذنكم
هل الشاشه ديه ممكن تركب على موديل 2010 القديم
ولا فيه موديل تانى هو اللى يركب عندى - وثمنه كام تقريبا - وأحسن مكان اركبها عنده فين؟
طيب ونبي حد ممكن يقلنا في كمان للاكسنت ار بي
واحسن نوعيه ايه وبكام
طبعا فيه للأكسنت أر بي
و تقريبا قريب جدا من نفس شكل الالنترا و هو نفس الجهاز مع أختلاف الوش اللي بيركب فقط
سعره هايكون في حدود 2500 جنيه يطلع أو ينزل شوية
و برضه في نفس الاماكن اللي قولت عليها قبل كده
- السجان مصر الجديدة (شارع دمشق)
- كلاريون مصر الجديدة (ميدان الحجاز)
- كلاريون المهندسين
- كلاريون الاسكندرية (سموحة)
الف مبروك يا بشمهندس سمير و عقبالنا :)
الف مليون مبروك يا بشمهندس سمير وربنا يديك خيرها ويكفيك شرها وشر طريقها
شكرا جزيلا للاستاذ هانى
اتصلت باحمد الفى واخدت منه رقم تانى للاستاذ ايمن وكلمته قال لى ان الفلاى اوديو مش موجود بسفى نوع كويس اسمه وانكا وده ب 3800 وفى نوع تانى بيحاول يشفهولى 8 بوصه وميزته انه بيحمل الفون بوك كامل من الموبايل على شان يظهر الاسم على الشاشة لما حد يتصل
كمان سالته فى موضضوع الانترنت ده قالى انه مش كويس قوى لانه بس براوزينج يعنى ما يينفعش تشغل مثلا يو تيوب من عليه لان البروسيسور بتاعه مش بالقوه الكافيه انه يعمل اكتر من كده
لذلك قررت انى اركب النوع اللى من غير انترنت و فيه تليفزيون لان على فكره اللى فيه انترنت ما فيهوش انترنت والعكس كمان صحيح
وانا الان فى انتظار تليفون من الاستاذ ايمن لما يلاقى النوع ال 8 بوصة اللى بيقول عليه كويس وهروحله اركبه والتليفون بتاع الاستاذ ايمن الجديد 01114302899
مره تانيه شكرا جزيلا للاستاذ هانى
يا جماعة كلمت دلوقتى كلاريون المهندسين قالولى ان عندهم جهاز اسمه rr وقاظلولى انه صينى تجميع مصرى وتمنه بالكاميرا 2600 جنيه وباليل هروح اشوفه
بصراحه يا جماعة انا خلاص هتجنن 50 نوع و50 سعر و 100 اوبشن وضمان هيسقط بسبب الكاميرا حاجه تجنن والله
يا استاذ هانى صباح الفل وسامحنا على اننا تعبينك بس ما فيش غيرك ركب الجهاز (تلاقيك يا ريتنى ماركبته اللى جابلى وجع الدماغ) :E_braces[1]:
ايه هى الاكتنشنز (صيغ) الفيديو اللى بيشغلها الكاسيت من على الفلاشه (3gp - mp4 - avi - .....)
كمان يا ريت تفيدنا عن جودة استقبال التليفزيون وحضرتك ماشى بالعربية سمعت انه بيبقى زى قلته ومشوش جدا
الفلاي اوديو اللي معايا مفيهوش تليفزيون و بما انك هتركب وانكا ممكن تسال على نوع الفيديوهات و كده كده اي حاجه بيتعملها تحويل و بتشتغل في الاخر
هو احسن حاجه بصراحه البلوتوث و الكاميرا هتخليك ما تعرفش تركن اي عربيه تاني بسهوله زائد صوت الجهاز نقي جدا جدا و ياريت تتاءكد من فيرجين البلوتوث يكون فيه امكانية تشغيل الاغاني من الموبيل بالبلوتوث عشان لو ركب معاك حد و عايز تسمع حاجه من عنده