الموضوع: نقل ملكية من مرور لاخر

المشاركة الأصلية كتبت بواسطة Akram

نسيت أقول انك لازم يكون معاك شهادة براءة ذمة يعني ميكونش عليك مخالفات و دي بيديهالك الراجل اللي باع ليك العربية و تاريخها ميكونش عدى عليه شهر , و لو عدي عليه شهر لازم تروح لنيابة المرور التايع ليه العربية و تجيب الشهادة دي منه .
و إذا كان فيه مخالفات فحاول إنك تتظلم فيها لأن الموضوع تقديري بيختلف من وكيل نيابة لآخر .

أيوة كدة افتكرت :)
انا رحت معاه بقى وهو بيجيب شهادة المخالفات دي واتأكدت إنه دفعها قدامي
حاجة تانية عشان متتعطلش زي مانا اتعطلت
بعد ما يدفعها لازم تروح في الدور الأرضي في مرور محرم بك الأرشيف تخليهم يسجلوا براءة الذمة من المخالفات
وبعدها بقى تبتدي رحلتك في مرور طوسون

في موضوعين ,
أولاً لا لو اللي معاك رخصة مش تصريح و سارية يبقى مش محتاج تروح للمرور اللي العربية تبعه و تجيب شهادة مخالفات أو مطابقة بصمة ,
أما موضوع شهادة المخالفات لو معداش على تاريخها شهر فمفيش مشكلة لكن لو اكتر من شهر يبقى انت محتاج تستخرجها مرة تانية من نيابة وحدة المرور اللي العربية تبعه .

يبقى لازم تروح تجيبها من نيابة المرور اللي العربية تبعه و لو مفيش مخالفات هيدوهالك على طول و طبعاً بتكون مختومة , و لو فيه مخالفات يبقى زي ما قلتلك حاول إنك تخفضها و لو تاريخها قبل إستلامك للعربية يبقى المفروض إن البائع هو اللي يتحملها ,,,,

(شهادة مخالفات) => عادي , لازم تكون موجودة و ميكونش عدى على تاريخها شهر ,
(شهادة بيانات + مطابقة بصمة) => يبقى ده معناه إن الرخصة منتهية ,
(تعديل تأمين للنمرة الجديدة) => انت قايل السبب (كان مفيش مكتب لشركة التامين القديمة فى المرور الجديد).