طلب اعادة فحص فني
عرض للطباعة
ان شاء الله نويت اشترى سيارة ريتمو موديل 84 بس رخصتها منتهية من كام يوم يعنى المفروض اشتريها واخدها ارخصها ليا ولا لازم صاحبها يرخصها الاول وبعدين اخدها منه ولا ايه .
يا ريت لو الاخ صاحب الموضوع يوضحلى ايه ترتيب الخطوات اللى هاعملها بالظبط عشان ما يحصلش اى غلط ووجع دماغ عشان انا مش باطيق التعامل فى المرور والمصالح الحكومية والحاجات دى واكون شاكر ليك جدا
كمان يا جماعه بعد اذنكم هو صحيح ان قانون المرور الجديد هيحدد عمر للعربيات الملاكى برده ,,, انا خايف اجيب العربية وبعد كده يقولوا لا دى خلاص مش هيتجددلها تانى بعد كذا مثلا ولا حاجة
اصل البلد دى مافيش حاجة فيها مضمونة
كل دة تمام اوى
انا لسة شارى العربيه و الرخصة فاضلها شهر و تنتهى وانا معايا توكيل عام
وهنقل من مرور البساتين لمرور حلوان
سؤالى بقى
انه لما يرفع البصمات هيقولى ارجع للمرور القديم اطابق البصمات؟؟
وهل هيستنى لما ملف العربيه ييجى من المرور القديم للمرور الجديد ولا هاخد الرخصة فى نفس اليوم
ويا ترى هتبقى رخصة ولا تصريح مؤقت؟
شكرا ليكم