عرض للطباعة
السلام عليكم
انا محتاج اعمل جواز سفر وسالت ناس على الاوراق المطلوبه وسمعت كلام كتير فقلت اخد راى اعضاء المنتدى
3 صور خلفيه بيضاء
شهاده الجيش ( انا معايا اعفاء نهائى الحمد لله )
شهاده التخرج
صوره البطاقه
واروح الجوازات واشترى الورق وبس كدا هل فى حاجه ناقصه فى الورق كدا ولا كدا صح
ثانيا :- انا البطاقه عنوانها فى الهرم هل انا تابع لجوازات العجوزه ولا اروح مجمع التحرير وهل مجمع التحرير يوجد فيه كل الجوازات يعنى كل مصر هناك ذى ما بسمع وبيكون اسرع فى الاجرائات والوقت ولا كله ذى بعضه
كدة تمام بس أعتقد انهم محتاجين 4 صور مش 3 , بالنسبة للمجمع ممكن فعلا أى واحد يطلع الجواز من هناك بس اعتقد انه زحمة جدا .
المجمع مش لأي حد
المجمع لمواطنو أقسام شرطة قصر النيل – عابدين – المنيل – مصر القديمة – السيدة زينب – المعادي .
أرامل السادة الوزراء والسفراء السابقين
بالنسبة لحضرتك تروح :
قسم جوازات الجيزة : قسم شرطة الجيزة بشارع البحر الأعظم
ومقرة مجمع المصالح الحكومية بالجيزة ويختص بمواطني أقسام شرطة الجيزة ـ بولاق الدكرورـ الأهرام ـ الواحات البحرية ـ العمرانية .
بالنسبة للاوراق ممكن تقول لي مسماك الوظيفي في البطاقة ايه عشان اقدر اساعدك و ده اول جواز و لا لأ؟
بس مبدئيا انت محتاج اصل و صورة البطاقة و تكون سارية ... 3 صور بخلفية بيضاء 4 في 6 .... اصل و صورة شهادة الجيش ...... لو فيه جواز سابق ساري او منتهي محتاج اصله و صورة منه (صورة من اول صفحة لو كان مميكن و صورة من صفحة 2 لصفحة 9 لو كان يدوي) ....
اقتباس:
المشاركة الأصلية كتبت بواسطة alaasaid
يبق ان شاء الله هروح الاول العجوزه اشوف ايه الوضع وان شاء الله ميكنش زحمه ان شاء الله
حضرتك تبع الجيزة مش العجوزةاقتباس:
المشاركة الأصلية كتبت بواسطة احمد المصرى
انا اسف شفت الرد متاخر
مكتوب فى البطاقه محاسب فى شركه كذا وعملت حسابى فى كل الورق ال حضرتك قلت عليه وكمان شهاده التخرج وصوره منها
بالنسبه للجيزه او العجوزه انا سامع ان الجيزه اتحرق وحاليا بنعمل فى العجوزه واعرف ناس لسه رايحه الحج السنه ال فاتت عاملاه فى العجوزه والله اعلم
وجزاك الله كل خير على المساعده
بالمناسبة مفيش ورق بيتباع لان نموذج الجوازات مجانا
الف شكر ليكم بجد بس هو مجانى بس بتدفع 130 جنيه اى حاجه بس اهم حاجه انه مجانى ههههههههههههههههه
135 مش 130
جزاك الله خيرا يا ا/ أحمد كمال على تفصيل المعلومات
السلام عليكم
هل ممكن الجواز يصدر فى نفس اليوم ؟؟؟
لو عندك واسطة في المجمع ممكن
لان اصلا المصنع في المجمع
غير كده انسى
أنا أسف يا ا/ أحمد , بس أنا من العباسية و البطاقة على العباسية هل ينفع اصلا أروح المجمع ؟ جزاك الله خيرا
العباسية يبقى لازم البعوث في شارع الفردوساقتباس:
المشاركة الأصلية كتبت بواسطة alaasaid
بس برضه لو عندك واسطة في المجمع ممكن :)
جزاك الله خيرا
جزاكم الله خيرا
بس سؤال كدا على الماشي
هل لازم تكون حالق دقنك في الصوره ولا العاده دي بطلوها .......
عشان شفتهم بيرخموا على حاجات زي كدا بس دا من فتره طويله ......
وللمعلومه الاستلام يكون بعد 4 ايام
انا قدمت السبت خدته الاتنين من حوالي شهرين تقريبا
و بالنسبة للدقن لا مفيش الكلام الفارغ ده بس الصورة تكون عالوضع الحالي يعني ما ينفعش تبقى ملتحي وتجيب صورة حالق و لا تكون حالق و تجيب صورة بلحية يعني الصورة تدل على وضعك الحالي و انا شايف ده مش تعنت و لا حاجة هو عايز صورتك دلوقتي :)
ف الجيزة محروق..هتروح العجوزة
وخد بالك من المسمي الوظيفي فلبطاقية لو مكتوب حاصل علي ..خلاص
لو مش مكتوب او مكتوب وظيفة..هتحتاج شهادة التخرج وجواب من مكان العمل
دا غير ان شهادة الجيش عوزين الاصل _للاطلاع فقط_
مين قال؟ انا كتبوا لي المهنة من غير حاجة ......اقتباس:
المشاركة الأصلية كتبت بواسطة icehearted girl
عادي جدا ...... و ما خدوش و لا جواب من العمل و لا شهادة تخرج و اعتدوا بالمهنة في البطاقة
و فعلا شهادة الجيش للاطلاع فقط
يبقي هي قرف بقي.انا طول عمري عارفة اني نحس ف المصالح الحكومية
مش عايز احكيلك بقى عني ...... بقالي اربع شهور باطلع بطاقة و لسه طالعة و امبارح في المرور بانقل الرخص قالوا لي الكمبيوتر بتاع رخص القيادة عطلان بقاله ست شهور و خد تصريح كرتون حاجة جميلة جدااقتباس:
المشاركة الأصلية كتبت بواسطة icehearted girl
انا رحت انبارح الصبح ركنت العرلابيه فى الجراج ال جنب القسم وقلت للراجل 10 دقائق وجى على طول فاكر نفسى رايح اتفسح مثلا مش عارف وكمان واخد معايا ابنى ومراتى على اساس انى اخرجهم بعد المشوار على اساس ان المشوار هياخد 10 دقائق بالعدد المهم طلعت لقيت تقريبا مصر كلها ناويه تسيب البلد وكل الناس ارفانه من البلد وكله عايز يسافر وقفت طابور طويل علشان اجيب استماره وبعد كدا تكتب بياناتك فى الاستماره وتروح تاخد رقم الشباك من امين شرطه ويكتبه على الاستماره وبعد كدا تدخل على الشباك وانت ونصيبك ساعه او 2 او اكتر مش مشكله اهم حاجه تخليج راجل وتستحمل الوقفه الحمد لله خلصت على خير بعد عذاب وهستلمه يوم السبت ان شاء الله
الورق المطلوب
3 صور خلفيه بيضاء 4*6
شهاده الجيش الاصل + صوره
البطاقه الاصل + صوره
وكان معايا شهاده التخرج بس الراجل قالى شيلها انا مشفتهاش علشان متدفعش دمغه على الفاضى بس تقريبا هو محتجهاش علشان انا كاتب فى البطاقه محاسب فى شركه كذا
واستماره مجانيه وخلى بالك من مجانيه دى بس بتدفع 135 جنيه + 1 جنيه طابع دا اول مره
التجديد وبدل فاقد تقريبا واحد فيهم 172 وواحد 184 جنيه بس فاكر ايهم ب 172 و 184
وهروح ان شاء الله اجيبه يوم السبت وربنا يستر
طيب كويس مطلعش العيب منني بقي...انا كل مروح اي مصلحة حكومية
علي العكس بحس ان التكنولوجيا هناك بقت عائق ضد مصلحة المواطن لانها ديما عطلانة
كنت بعمل حوالة فلبريد الموظفة قعدت عشر دقايق بتكتب اسمي علكيبورد بصباع واحد السبابة اخر مزهقت قلتلها ممكن ادخل اكتبهولك؟؟؟
كتبت اسمي بصتلي بمنتهي العجب وكاني طلعتلها ارانب ملكيبورد مثلا
ههههههههههههههههههههههههه ههههههههههههههههههاقتباس:
المشاركة الأصلية كتبت بواسطة icehearted girl
طيب يا جماعة بالنسبة للتصريح الى بيطلع من الجيش عشان السفر محدش يعرف خطواتة ؟
انا وحيد بس والدى معداش ال 60 اعفاء مؤقت يعنى
؟؟؟؟؟؟؟؟؟؟؟؟؟