دخان طالع من التابلوه

**zomzom11** · 16-01-2012 10:55 AM

شكرا يا طارق باشا طب ومين يلغيها وممكن اعملها بنفسى ولا اروح لبتاع رادياتير ولا لمين كهربائى ولا تكييفات؟

**MMamdouh** · 16-01-2012 11:34 AM

دى عايزة ميكانيكى

MMamdouh

**tarek_2005** · 17-01-2012 11:18 AM

ممكن تلغيها بنفسك عن طريق مسمارين 17 مم وتلف عليهم تيفلون من عند بتاع ادوات السباكة وكوليه بلاستيك والخرطومين بتوع سربنتينة السخن في منتصف اسفل سدر السيارة من عند الحوض بتفك الخرطومين وتضع المسمارين بهما وتقفل عليهم بكوليهات الخراطيم وتثبت الخرطومين مع بعض في المواسير بالكوليه البلاستيك علشان متسمعش احلي اصوات وانتا ماشي

**tarek_2005** · 18-01-2012 11:22 AM

المشاركة الأصلية كتبت بواسطة ahmedezzat78

انا راى انه بلاش يطبب الخرطومين و لكن الأفضل انه يعمل bybass او كوبرى بانه يوصل الخرطومين ببعض عن طريق ماصوره الومونيوم او نحاس مثلا (ممكن تدور عند الميكانيكى فى الكراكيب) و يتربط طرفى الخرطومين على الماصوره بقفزان برضو و بكده نضمن سريان المياه فى الدائره بالكامل كما لو ان السربنتينه مش ملغيه

السبب
1-هو عدم وجود dead end او نهايه ميته فى شبكة المياه ما يبقاش فيها تقليب مياه نتيجة ركودها فى هذا الجزء
2-ممكن خرطوم التغذيه ينتفخ ثم يتلف نتيجه الضغط
3- طبه الراجع لو مش محكمة الدايره تاخد هواء

دي طريقة ثانية وممتاذة بس هوا كان عايز يعملها بنفسه علشان كده سهلتهاله بالطريقة السهلة

ثانياً ليا تعقيب صغير علي الاسباب الي اعترضت عليه

النهاية الميته لن تؤثر في شيئ
خرطوم التغزية لن يزيد فيه الضغط ابداً لانه قبل طرمبة المياه وهي السئولة عن زيادة الضغط بجانب الحرارة طبعاً

الراجع لن يدخل هواء لو احكم سدده ثانياً الراجع ليس به ضغط قليل للسحب من الخارج لان الدورة بها ضغط عالي ولو فكيت المسمار منه والعربية سواء دائرة او مطفيه سيخرج مياه التبريد

**zomzom11** · 19-01-2012 09:55 AM

اولا شكرا لكل الاخوه الى شاركو وساهمو بالردود معايا
ثانيا اسف عالتاخير نظرا لان اللاب توب الى حيلتى باظ وجهاز العبال بردو باظ فالنت بالنسبه لى بقى محدود جدا ومش متوفر
ثالثا انا كنت مرعوب لان شكى كان رايح فى السلك الى ورا التابلوه وقلت موضوع كبير ولازم حد فاهم مش اى صنايعى هامنله لكن ردرو الناس هنا وضحتى لى ان المشكله مش عويصه وحدد اتجاه العيب وده الى خلانى اصبر لغاية ما اروح للميكانيكى بتاعى والحمد لله اتحلت
فى خرطومين للسخن شال واحده وركب التانيه فى مكان الاولى والحمد لله
شكرا لكل الاعضاء