حد عنده فكرة عن مطار ينبع ؟

**mesaharaty** · 15-01-2012 11:56 AM

السلام عليكم جميعا

دلوقتى أنا عرفت إن فيه رحلات عمرة بتطلع على خطوط طيران جديدة وهى : ناس ، النيل
بس الجديد فيهم بقى إن الرحلات دى بتكون على مطار ينبع
فكنت عاوز أى حد عنده خبرة بالموضوع ده أو جربه أو طلع عن طريق مطار ينبع قبل كده يدينا فكرة عن مطار ينبع ده والدنيا عاملة إزاى وهل فيه أى مشاكل أو لخبطة أو مفاجآت غير سارة والمسافات بين ينبع والمدينة وينبع ومكة وكده ولا أى معلومة عن الموضوع ينوبكم ثوابب فينا علشان أنا عرض العمرة بتاعى خط طيرانه : النيل ، ناس
والموضوع مبهم عن مطار ينبع

فالرجاء المساعدة

مع جزيل الشكر

**نور القمر** · 15-01-2012 02:31 PM

ماما سافرت الحج السنة دي على ينبع
مقالتش اي ملحوظة سيئة عليه وبتقول المسافة من ينبع لجدة 3 ساعات بالعربية ومن جدة لمكة ساعة
الطريق من ينبع لجدة طرق على جبال زي نظام نويبع عندنا ده على حسب مافهمت من كلامها

**ahmedfd** · 15-01-2012 02:43 PM

أنا كنت في شغل في ينبع من كام شهر و نزلت يوم عملت عمرة و رجعت في نفس اليوم.
هي البلد صغيرة هادية و مطارها صغير جداً بس نضيف و منظم.
المهم من ينبع أنا أخدت عربية لجدة كانت بـ 60 ريال تقريباً و هي عربيات ملاكي و أصحابها بيشغلوها بالنفر كدة بس عربيات كويسة يعني أنا رايح في ميركري جراند ماركيز و راجع في كامري و المسافة حوالي 3 ساعات.
المهم من جدة أخدت عربية تانية لمكة بحوالي 10 أو 15 ريال مش فاكر.
طبعاً إنت تبع شركة سياحة مفيش الكلام ده بس حبيت أنقل لك تجربتي و ربنا يتقبل منك العمرة.

**aif** · 15-01-2012 03:39 PM

ينبع مدينة جميلة صغيرة تقع على ساحل البحر الاحمر وتبعد 200 كم غرب المدينة المنورة و 370 كم شمال جدة
الطرق البرية عموما في السعودية رائعة وآمنة وافضل 100 مرة من اي طريق في مصر
...
الشركات الجديدة بتاعت الطيران بتعاني من مشكلة انها لا تملك تراخيص خطوط ملاحية للمدن الكبرى
الله اعلم هل ده نتيجة ازدحام الخطوط الملاحية ام انه نتيجة ضغوط من الشركات الكبري مثل السعودية ومصر للطيران ... لأن اسعارهم بتكون اقل كتير من الشركات الكبيرة وده بيأثر بالسلب على مبيعات الشركات الكبرى وبالتالي بيحاربوهم بشراسة ...
المهم انهم مش عندعم خطوط مثلا لجدة القاهرة ..... تلاقيهم بيعملو جدة الاسكندرية .... او اسيوط .... او مدينة تانية غير جدة ....زي ينبع كدة
اعتقد ان الموضوع مطمئن خاصة ان المسافة ليس كبيرة وان المسافة الى جدة اقرب من المدينة جدة .....
عمرة مقبولة ان شاء الله