بداية العذاب مع غبور !

**zakiali** · 27-05-2008 06:35 PM

انا رحت صيانه غبور ال 5000 - ويارتني مرحت - وقلت للمهندس هناك عاوز احط زيت شيل هيلكس الترا 10000 راحح كاتبها في اوردر الصيانه ، وقالي هل ليك تعليق علي العربيه قلتله مفيش بس صوت الموتور عالي شويه .. راح كاتبها في الملاحظات قلت تمام لما نشوف ايه اللي هيحصل . و بعد ما استلمت العربيه بعد 5 ساعات بالضبط لقيت الاتي :

1- حاطين في الأوراق ان الزيت هو شيل هيلكس بلس ! رجعت للمنهدس وقلتله احنا متفقناش علي كده قالي اصل هو ده اللي موجود دلوقتي !!

2- لقيت أن سائل التبريد بعد ما كان اخضر بأه شفاف ؟ اظاهر حطوله مية حنفية ؟ وزايد عن الحد المفروض F

3- لما روحت وشديت الهاند بريك لقيتها تقيله فحت ومش بتوصل للأخر .

4- العربيه مليانه شحم وفي أرضيه السواق طفي سجاير .

5 - أول ما شغلت الكونتاكت لقيت التكييف اشتغل لوحده ! يعني الظريف اللي كان بيستحمي جوه ده مهنش عليه يقفل التكييف قبل الكونتاكت . والمصيبه اني لقيت التكييف بعد كده فاتح علي الرجلين والجريلات اللي تحت مش عاوزه تقفل في أي وضع !!

6- صوت الموتور علي أكتر من الأول .

يعني الواحد كان رايح بيها التوكيل سليمه تطلع بعاهات !

دلوني يا اهل الخير والثواب أعمل أيه في المشاكل دي ... ومحدش يقولي روح غبور تاني دانا اقطع من لحمي الحي وادفع برره أي فلوس ولا أرحش غبور تاني ..

انا عاوز حل دلوقتي

**joda75** · 27-05-2008 08:11 PM

بيع العربية و اسئال عن افضل توكيل فى مصر واشترى عربية من ماركتة بجد مش هزار والناس بتشكر جدا في توكيل كيا

**liquidator** · 27-05-2008 08:20 PM

الهاند بريك طبيعي انها تتقل بعد السيرفيس عشان بيرجلشو علي الفرامل الخلفيه .. دي ظاهره صحيه ماتقلقش ..
و بعدين ليه استلمت العربيه كده و سكت ... ليه مارحتش لمدير قسم الجوده الباشمهندس عماد و قلتله ؟
تحياتي لك .

**bassam nagy** · 27-05-2008 08:46 PM

ماكنتش استلمت العربية وكنت كلمت المهندس وتقولة على الية حصل

**Sharky** · 27-05-2008 08:47 PM

كالعادة غبور متألق فى تعذيب مالكى هيونداى
قدامك حل من إتنين إنك تكلم م/ عاطف مدير الصيانة على أمل إنه يحللك مشكلتك
أو إنك تبيع العربية و تريح نفسك و تروح تشترى أى عربية تانية بس ماتكونش هيونداى

**zakiali** · 28-05-2008 12:18 AM

المشاركة الأصلية كتبت بواسطة joda75

بيع العربية و اسئال عن افضل توكيل فى مصر واشترى عربية من ماركتة بجد مش هزار والناس بتشكر جدا في توكيل كيا

ده اسلم حل ، والله المستعان .

**timo_crosswind** · 28-05-2008 01:04 AM

مع احترامي لاراء الاخوه الاعزاء عربيه ايه اللي هبيعها وهي لسه عامله 5000 كم عشان التوكيل وحش انا ضد الكلام ده خالص ولو علي الصيانه في اماكن كتير بتعمل الصيانه للعربيات سواء كانت معتمده او غير .وبتكون علي درجه مريحه من الكفائه وخصوصا ان عربيتك هيونداي يعني في كتير اوي بيفهمو فيها عكس عربيات كتير بتكون معقده وميفهمش فيها غير التوكيل بتاعها...لكن موضوع ابيع عربيه كسر زيرو انا من راي بيكون لسبب من اتنين:
1.يحصلي اي ظرف طارق جدا وبكون محتاج فيه فلوس ومعنديش اي حل تاني غير بيع العربيه .
2.بعد استخدام العربيه احساس وصل ليقين اني مش هرتاح مع العربيه دي مهما حصل
لاسباب كنت مش واخد باللك منها ومظهرتش غير لما ركبتها وحسيت انها مش هتمشي معاك وكل يوم بتحس انك ندمت لشراء العربيه دي ...وفي الحاله دي بتقرر تبيع العربيه وهي عامله كيلوات قليله عشان تكون خساره مش كبيره و عشان تركب حاجه تانيه تكون سعيد بيها ومتاكد انها هتريحك
وعلي فكره الاداء الامثل لاي عربيه مش هيظهر غير بعد 10 الالف كيلو
ياريت تشوف حد في المنتدي يعرف مركز خدمه يكون مجربه وبيشكر فيه
وربنا يهديك للحل الامثل

**liquidator** · 28-05-2008 01:08 AM

المشاركة الأصلية كتبت بواسطة timo_crosswind

مع احترامي لاراء الاخوه الاعزاء عربيه ايه اللي هبيعها وهي لسه عامله 5000 كم عشان التوكيل وحش انا ضد الكلام ده خالص ولو علي الصيانه في اماكن كتير بتعمل الصيانه للعربيات سواء كانت معتمده او غير .وبتكون علي درجه مريحه من الكفائه وخصوصا ان عربيتك هيونداي يعني في كتير اوي بيفهمو فيها عكس عربيات كتير بتكون معقده وميفهمش فيها غير التوكيل بتاعها...لكن موضوع ابيع عربيه كسر زيرو انا من راي بيكون لسبب من اتنين:
1.يحصلي اي ظرف طارق جدا وبكون محتاج فيه فلوس ومعنديش اي حل تاني غير بيع العربيه .
2.بعد استخدام العربيه احساس وصل ليقين اني مش هرتاح مع العربيه دي مهما حصل
لاسباب كنت مش واخد باللك منها ومظهرتش غير لما ركبتها وحسيت انها مش هتمشي معاك وكل يوم بتحس انك ندمت لشراء العربيه دي ...وفي الحاله دي بتقرر تبيع العربيه وهي عامله كيلوات قليله عشان تكون خساره مش كبيره و عشان تركب حاجه تانيه تكون سعيد بيها ومتاكد انها هتريحك
وعلي فكره الاداء الامثل لاي عربيه مش هيظهر غير بعد 10 الالف كيلو
ياريت تشوف حد في المنتدي يعرف مركز خدمه يكون مجربه وبيشكر فيه
وربنا يهديك للحل الامثل

الله ينور يا تامر باشا ... بس اوعي انت بقي من الكلام ده تخاف و تندم انك أصبحت من رواد نادي هيونداي غبور .

**Hossam.Hamdy** · 28-05-2008 01:23 AM

كنت تكلم استاذ عاطف او تطلعلو ....مش تمشى و فى حاجات مش عجباك...والهاند بريك ده عادى جداااا....

**timo_crosswind** · 28-05-2008 01:40 AM

احمد باشا اخبارك ايه ياقائد واحشني والله ....لا متقلقش انت اكتر واحد عارف مدي اقتناعي بالعربيه ولو علي التوكيل إن شاء الله امره سهل والواحد لازم يراجع العربيه كويس اوي قبل مايستلم عشان لو في اي حاجه حتي لو صغيره ميسكتش عليها
والواحد يسئل في كل كبيره وصغيره...