المشاركة الأصلية كتبت بواسطة zizo50001
انا فى مرور السلام و انا بعمل الرخصة الخاصة طلعت على 3 ايام
اول يوم روحت الساعة 10 لقيت طابور طويل لتقديم الاوراق و الموظفة مش عايز تاخد ورق تانى
روحت تانى يوم الساعة 7 لقيت كنت تانى واحد على الشباك لما دخلت المهم الست اللى فى الشباك بتقول كل واحد يطل 5 جنية علشان نمشى بسرعة (للعلم الكلام دة قبل الثورة ب 4 سنين تقريبا) مشيت اليوم دة بعد الاختبارات على الساعة 2
اخر يوم للتصوير روحت قعدت من الساعة 8 لحد الساعة 3 علشان ادخل اتصور و تلاقى وانت قاعد الوسايط على شغالة الله ينور ومشيت اليوم دة تقريبا الساعة 6 بليل (مع العلم كان عندى وسطة و كان هيخلص الكلام دة كلة فى ساعة بس انا اللى رفضت )
و اللى عايز اقولة ان احنا بعد الثورة ولسة النظام قائم زى ما هو و سائط بالهبل و شغل الباشا لازم يخلص الاول
للاسف لسة قدامنا كتير