عملت خبطة في الباب وطيرت الاكورة...محتاج نصيحتكم
سمعت في الراديو وانا سايق ان فيه حادثة حصلت علي الدائري
واحد راكب هو وزوجته وابنه في العربية وفجأه العربية ولعت، نزل يطفي فيها عربية نقل خبطته فمات
والناس زادت في العربية واهله اتصابوا
الكلام ده لسه حاصل دلوقتي لاني كنت ماشي علي الدائري والطريق كان زحمة-اكيد الناس كانت واقفة تصور وتتفرج-
الفكرة اني اتاخدت وسرحت شوية، كان مخضوض، سبحان الله تبقي ماشي عادي فجأه عربيتك تولع وعربية تخطبك واهلك يتصابوا، كل ده في نو تايم
لدرجة اني فوت اليوتيرن
وركنت اشتري حاجه من محل وانا طالع معرفش ازاي خطبت في عربية نقل كبيرة واقفه قدامي
الجزء المعدني البارز من العربية حك في الباب اللي ورا يمين
طير الاكورة وطبق الصاج مكانها، وعمل خط طولي بطول الباب
اعمل ايه
كنت خايف الباب ميقفلش لكن الحمد لله قفل واتاكدت انه قفل بعد لما كان معصلج شوية
انتظر رأيكم يا جماعة
صحيح الواحد يقول الحمد لله، دي اهون من حاجات كتير
بارك الله فيكم