السلام عليكم
امامى عربية اونو 2006 - فابريكة جوه و رشه برة
20 الف كيلو - تكييف و سنتر
مطلوب 40 الف جنيه
افيدونى جزاكم الله خيرا
عرض للطباعة
السلام عليكم
امامى عربية اونو 2006 - فابريكة جوه و رشه برة
20 الف كيلو - تكييف و سنتر
مطلوب 40 الف جنيه
افيدونى جزاكم الله خيرا
الاونو كانت معايا 2007 قعدت معايا سنة بالضبط
بالنسبة للموتور تحفة بمعني الكلمة هي 1300 سي سي بس مش هتحس بكده طالما حالتها ممتازة
بالنسبة لأستهلاك البنزين مبعرفش احسبها خالص بس بمقارنتها بالماتريكس و الكروز اللي كانوا معايا هي حاجة تانية خالص و اكيد ده علشان هي 1300 يعني كنت بفول من اول الصحراوي اسكندرية و بطلع القاهرة و ارجع تاني بالتفويلة كانت بتاخد ب 75 جنيه بنزين 90 رايح جاي
بالنسبة لقطع غيارها كانت غالية يعني كنت سائل علي المراية بتاعتها ب 450 جنيه معرفش فيه منها استيراد ولا لأ بس فيه كذا عضو هنا قالي حاجتها موجودة استيراد
اسعار الحاجات اللي كنت سائل عليها في التوكيل و برة هديلك مثال المساعدسن الامامي ب 1500 جنيه برة التوكيل و المساعدين الخلفي ب 600 علي ما اتذكر لو عايز تتأكد ادخل رابطة مالكي الاونو هتلاقي مشاركاتي هناك و فيها الاسعار سعر طقم الدبرياج و المقصات و المساعدين امامي و خلفي و دراع الاسكاترا و البيضات
بس مجمل العربية حلوة لكن يعيبها اسعار قطع غيارها الغالية جدا بمقارنتها بأسعار الاونو العادية و انها عربية صغيرة المفروض تكون اقتصادية
انا بعت بتاعتي ب 33,000 جم 2007 فابريكة دواخل بس كان فيها عيوب كتير و قلتها للراجل اللي اشتراها الحمدلله
لو فيه اي سؤال تاني انا تحت امرك و يارب اكون افدتك
اسف علي تأخري في الرد علي حضرتك علشان لسه نازل اجازة امبارح من مركز التدريب والله (الجيش) :(
ادخل علي قسم الفيات و هتلاقي رابطة مالكي الاونو ادخل عليه و عيش بقي :) هتلاقي كل حاجة عايز تعرفها عن العربية ديه بس خلي بالك فيه فرق بين الفاير و العادي متتخدعش زي ما انا اتخدعت :)
انا مش هقدر اقارن لحضرتك بينهم علشان مركبتش الاونو العادية لكن الفرق بينهم ان الاونو العادية حاجتها رخيصة جدا بمقارنتها بالفاير و غير متوفرة عند اي حد
قطع الغيار مختلفة يعني الاونو العادي فيه حاجات كتير متركبش علي الفاير و كده
موتور الفاير انا مجربه ممتاز علي سعته اللترية لكن الاونو العادي معرفهوش بصراحة