السلام عليكم ورحمة الله وبركاتة
اتمني من اعضاء المنتدي الكرام مساعدتي في المقارنة بين السيارتين ..
بونتو كلاسيك - شيفروليه افيو .. فانا محتار بين العربيتين خاصة انهم تقريبا نفس السعر .. ارجو المساعدة :flower4u:
السلام عليكم ورحمة الله وبركاتة
اتمني من اعضاء المنتدي الكرام مساعدتي في المقارنة بين السيارتين ..
بونتو كلاسيك - شيفروليه افيو .. فانا محتار بين العربيتين خاصة انهم تقريبا نفس السعر .. ارجو المساعدة :flower4u:
بونتو كلاسيك أو أي عربية تانية غير الأفيو
انا ركبت الافيو مع زميل لى فى الشغل لس جايبها مو 2012 عاديه مش كامله بالرغم انه عمال يشكر فيها بس بصراحه ثبات العربيه وحش جدا وهو الى كان سايق ومكانش بيجرى بس انا حسيت ان العربيه مفيهاش اى ثبات ده راى من مره واحده
ياااه ده واضح ان الافيو بقي هتبقي مقلب كبير .. طب الحمد لله اني دخلت وسألت .. شكرا جزيلا علي المساعدة
ايه يا جدعان الافيو وحشة للدرجة دي ؟؟؟؟؟؟؟؟؟؟؟
دي أوحش من كدة بكتيييييييييييييييييييييي يييييير
معايا و مطلعة عيني من ساعة ما جبتها
و في لينكات في توقيعي ياريت تبقى تشوفها
بونتو كلاسيك
بونتو كلاسيك
بونتو كلاسيك
الى الاخوة اللى بيقولو بونتو كلاسيك ...... ليه بونتو كلاسيك و هل البونتو افضل و لا الرينو اللوجان
لوجان تكسب
عيب الفيات دلوقتى أنها مبقتش زى زمان فى السوق المصرى ....
السوق المصرى بيعشق العربيات الكورى واليابانى ....
يعنى سعر أعادة البيع للعربيات الأوروبى مش كويس ....
أشترى عربية ليك وللسوق ....
نقطة سعر أعادة البيع مهمة أوى ولازم تبقى واخد بالك منها ....
شوف لك حاجة كيا أو هيونداى ....
لية مابتفكرش فى كيا بيكانتو الجديدة ؟
لو حاتحط اللوجان في المقارنة تبقى أفضل طبعا
مفيش شك أن العربية الأوروبى أفضل ....
لكن أنا بنتكلم على السوق المصرى النهاردة و سعر أعادة البيع ....
على فكرة أنا كنت من عشاق الفيات و خصوصآ الموديلات الحديثة زى الأيفو و برافو ....
و من كتر ما قريت عن العربيات دى عرفت الأتى :
1. قطع غيار العربيات الفيات الحديثة غالية جدآ و مش متوفرة غير فى التوكيل (فانوس الأيفو ب 1800 جنية) ....
لكن قطع غيار العربيات الكورى أرخص بكتير و متوفرة فى كل حتة ....
2. توكيل أوماترا مفيش حد بيشكر فية ....
وهو يعتبر من أهم أسباب تراجع مبيعات فيات فى مصر ....
3. التكنولوجيا الحديثة فى العربيات الفيات معقدة جدآ ....
و مش أى حد بيفهم فيها حتى الفنيين العاملين فى التوكيل ....
أنا كنت محتار زيك و كنت كمان من أشد المتحمسين للعربيات الأوروبى ....
لكن السلبيات اللى ذكرتها هى اللى خليتنى أغير رأيى و أفكر فى العربية الكورى ....
عارف لو مكناش عايشين فى مصر كنت أكيد هختار العربية الأوروبى ....
قرار شراء عربية جديدة من أصعب القرارات ....
هتلاقى نفسك بتفكر فى كذا عربية لحد ما توصل للقرار السليم ....
نصيحتى الأخيرة أنك تستنى شوية لحد ما أحوال البلد تستقر و ربنا يوفقك ....
لى صديق كان فى نفس الحيرة برضو اليومين دوول و تقريبا اختار الافيو سالت كتير قالولى ان 2012 المشاكل تكاد تكون اتحلت كلها و التوكيل من كلللل اللى سمعته ان اكيييد اى حد احسن من اوماترا و ربنا يوفقك
ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
من ضمن العربيات القليلة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *
العيوب ( ومش هنسميهاعيوب ) هنسيمها حركات غلسة بس هتتعود عليها
الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
مسالة قطع الغيار
* قطع الغيار بدات فى الانتشار الفانوس الامامى ب 200 جنية والخلفى ب 150
وجوز المقصات ب 400 جنية وبكدة مسالة تفاضل الانوس بسبب قطع الغيار اصبح مالهاش لزمة
ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك
ودا المصدر
Dacia Logan : Informatii Dacia Logan
نوع العربية
Preference 1.6 MPI 90 CP
بعشقها عشق لولو حبيبتى
وبس يا سيدى وان شاء الله ربنا يوفقك فى اختيار العربية المناسبة لك
-----------------
العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية
تقرير مفصل عن العربية بالشرح والصور بواسطة الاستاذ نادر نبيل
http://www.nilemotors.net/Nile/90472-2010.html
بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم
دى فيدوهات ليا بالعربية
Logan 180 km/h with 6 Passenger [1] - YouTube
180 و 6 راكب
وغرز بيها على الطريق الصحرواى - مصر اسكندرية
ودا لما عديت الـ 180
Logan 180 km/h with 6 Passenger [2] - YouTube
واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/
الأفيو بلااااااااش كانت معايا
منصور أحسن من اوماترا الكلام ده غلط خاااااااالص أنا إتعاملت مع التوكيلين الإتنين زي الزفت ومنصور مش أحسن
أما بخصوص البونتو فقطع غيارها رخيصة وموجوده (بره التوكيل) ومحدش يقول على قطع غيارها زي بقيت الفيات لإن البونتو من زمان وقطع غيارها منتشره عكس بقيت الفيات وفيه من أول الإيطالي لحد الصيني (وفيه تركي وبرازيلي)
وموتورها كويس جدا عليها عشان هيا صغيره ووزنها خفيف
أما لوجان ولا بونتو فالمقارنه تعتمد إنت عاوز إيه
عربيه صغيره موتور موفر ثبات كويس جدا بالنسبه لفئتها يبقى بونتو
شنطة واسعة مش لازم توفير بنزين (مقارنة بالبونتو) توكيل محترم سنه مع بعض الحاجات الي البعض شايف إنها عيوب من سخونه من عند الدواسات وهزة في الفتيس وكده
ومقارنه قطع غيار اللوجان بالبونتو بره التوكيل يا زي بعض يا البونتو أرخص ومتنساش إن اللوجان أصلا روماني تجميع مغربي والبونتو إيطالي تجميع صربي
البونتو 4 نجوم في إختبار السلامه الأوروبي اللوجان 3