عيب رجة الجمل في نواقل الحركة الحديثة mmt ,dsg , easy tronic مطلوب تفسير

**محمد محمد** · 15-01-2012 11:08 PM

المتابع لأعطال نواقل الحركة الجديدة سواء الmmt بتاع الكورولا الجنوب افريقي او الdsg بتاع الفولكس او ال easy tronic بتاع الأوبل...هيلاقي الناس بتشتكي من عيب موحد رزعة في النقلات علي السرعات البطيئة والزحام ورجة علي الغيار الأول لما بتدوس شعرة بنزين انا بسميها رجة الجمل لأنك بتحس انك بتاخد حركة الجمل كرد فعل عند حدوث النقلة ...يا تري العيب ده من طبيعة عمل الفتيسات دي وكل فترة لازم تعمل برمجة للفتيس زي ما بتعمل رجلاش للفرامل لما التيل يتاكل ولا ايه ؟ اللى عنده اي معلومة يقولها ونتناقش في الموضوع سوا .
http://www.nilemotors.net/Nile/187792-dsg.html
http://www.nilemotors.net/Nile/179681-dsg.html
http://www.nilemotors.net/Nile/266366-mmt-rpm.html

**Veroman** · 16-01-2012 12:42 AM

لا اللى اعرفة ان الفتيس فى الكرولا لما بيبقى مظبوط مش بيبقى فى اى رزع خالص بتبفى احساس ناعم بالغيار دة لما يبقى مظبوط لان عندى حاليا بيرزع و فى واحد زميل معايا فى الكلية معاة نفس العربية انا جربتها منة و سوقتها و مظبوطة تماما المشكلة ان العربيات اللى مرزعش فيها الغيار قدام شوية هيرزع و لو اتظبط هيرجع يرزع تانى بعد فترة دة بالنسبة للكرولا على حسب ما انا اعرف انة دة عيب صناعة اصلا لا طريقة سواقة ولا برمجة

**Veroman** · 16-01-2012 12:47 AM

و على فكرة انا نازل التوكيل يوم الثلاثاء القادم دة بخصوص الموضوع دة و معايا واحد تانى معاة نفس العربية و نازل معايا

**yoko** · 16-01-2012 04:11 AM

لأ عيوب في فتيس لإن الفتيس ديول لوجيك من فيات (شبه الmmt) مفيهوش المشكله دي
وفتيس فورد باور شيفت او اسم شبه كده (شبه الdsg) ومفيهوش المشكله دي

**Formulator** · 16-01-2012 11:11 AM

المشاركة الأصلية كتبت بواسطة yoko

لأ عيوب في فتيس لإن الفتيس ديول لوجيك من فيات (شبه الmmt) مفيهوش المشكله دي
وفتيس فورد باور شيفت او اسم شبه كده (شبه الdsg) ومفيهوش المشكله دي

+111111111
ماينفعش نقارن فتيس التويوتا MMT الفاشل بالفتيسات دى..؟؟!!!

Whatever سواء بدبرياج واحد أو اثنين (Dual-Clutch)..

تويوتا تقدر تقول عليها "مبتدئة" فـ الفتيسات الـSequential أو Automated Manuals.. يعنى مالهاش فيها.
لأسباب كتيييييير منها ان دى فتيسات أداء رياضى وتويوتا مالهاش فـ السيارات الرياضية,
ان الفتيس نفسه MMT معمول بالهندسة العكسية (زى الصينى), تقليد لفتيسات الـSelespeed بتاع الألفاروميو, أو المخترع الأصلى: شركة Magneti Marelli الأيطالية.

بالنسبة للديوال-كلتش, فعلا زى ماقالك Yoko:
- الـDSG بتاع فولكس, مشاكله معظمها كانت فـ النسخ الأولى, دلوقتى مورد الفتيس (شركة Borg Warner الألمانية غيرت فـ الـSolenoid Valves والـHP Pumps.. اتحسن كتييييييييييييير..

- عندك الـPowre-Shift بتاع فورد-فولفو.. مفيهوش اى مشاكل.
- الـTCT أو الـTwin-Clutch Transmission بتاع ألفاروميو الجديد, واخد ريفيوهات عالية أوى..

- الـDCT بتاع رينو برضه مافيهوش مشاكل, أو على الأقل فـ أوروبا لحد دلوقتى..؟؟!!!

**Formulator** · 17-01-2012 11:43 AM

المشاركة الأصلية كتبت بواسطة sonaserry

انا شايف ان بتاع اليزى ترونيك أقلهم عيوب و ترزيع النقلات نادر يعنى مثلا انا عمرى ما سمعت عن واحد غير فتيس الايزى ترونيك زى ما حصل مع ال dsg اللى ناس كتير غيرته على 10 ألف كم او ال mmt و انا شايف ان الرجة موجودة عندى شوية و بتظهر بس فى الزحمة بس ده عشان انا ماشى 100 ألف كم على طقم الدبرياج مع العلم ان معظم طريقى زحمة و كمان الفتيس ده مفيهوش اى حوارات فتيس مانيوال عادى و كنترول اللى بيحدد العربية تنقل امتى بس , فلو حد جرب يسوق على عربية مانيوال فى زحمة لفترة هيلاقى ان طقم الدبرياج سخن منه و بقيت طلعت العربية اتقل و النقلات و هوه فى الزحمة مش مضبوطه ف الموضوع مش مشكلة

+1
هو مشاكله قليلة فعلا, بس ليـــــــــــه؟؟!!! مع انه نازل قبل الـMMT بتاع الكورولا مثلا بزمن؟؟؟!!
عشان الـSource بتاع التكنولوجى يافندم..

فتيس الـEasytronic بتاع الأوبل من انتاج شركة Magneti Marelli الأيطالية برضه..!!
دى شركة مملوكة لفيات جروب, وكانت بتعمل الفتيسات دى لفيررارى F1 وألفاروميو..
وأيام الشراكة بين GM (مالكة الأوبل) و FIAT كان هناك تبادل للتكنولوجى.

الفتيس كان بينزل على عربيات كتير من الشركتين: أسترا, جراند-بونتو, فكترا.. وحتى موديلات Vauxhall..؟؟!!!

تعالى بقى للـMMT (والكلام ده انا قلته كتييييييييييير فـ المنتدى قبل كده):
الفتيس من تصميم وانتاج شركة Aisin اليابانية.. ودى شركة فتيسات Auto فقط (عادية بـTorque Converter)
ومالهاش فـ الفتيسات الـSequential ولا عمرها عملتها قبل كده, يعنى لا R&D و Prior Art.. ولا Expertise = فشـــــــــــــــــــل, وشكرا
وده اللى حصل فـ الكورولا الجنوب افريقى..!!!

**Formulator** · 17-01-2012 12:07 PM

بالنسبة للـVW ومشاكل فتيس الـDSG.. برضه, عشان الحق يتقال ومايبقاش الكلام قاصر:

- فولكس عندها مصدر التكنولوجيا بالفعل, وهى شركة Porsche صانع السيارات الرياضية الشهير..
- بيقولك: اللى اخترع فتيسات الـDual-Clutch فـ الأصل هى بورشه.. وكانت ومازالت بتنزلها اللى هى PDK أو Porsche DoppelKupplung يعنى 2-دبرياج كهرباء..!!

لكن:
بورشه بتعمل عربيات بمواتير Boxer وتربو.. رياضية بحته, والديوال-كلتش بيبقوا Wet-Clutch يعنى هيدروليك فـ Oil-Bath, مش Dry-Clutch ديسك واسطوانة عاديين زى العربيات الصغيرة..
عشان يستحمل عزوم المواتير, ويقلل الـFriction والحرارة..؟!!

وكان اللى بينتجلهم الفتيس شركة Getrag الألمانية, ودى بتصنع مكونات للعربيات السوبر-سبورت الغالية: فيررارى, بورشه, BMW ///M, وكده..

لما تيجى VW الأم بقى تعمل فتيس ديوال-كلتش لعربيات زى الجولف والأبيزا.. فيه حاجتين:

1- هيبقى Dry-Clutch عشان التكلفة والوزن والحجم وتوفير استهلاك الوقود...etc
2- مش هتخلى شركة زى Getrag توردلها الفتيس, غالية جدا وطاقتها الأنتاجية محدودة..؟!!
فتوجهوا لشركة Borg-Warner الألمانية (عملاق صناعة المكونات), أقل فـ التكلفة.. وهيقدر يغطى انتاجهم..؟؟!!!

اللى حصل, عشان الناس ماتقولش الـDSG فاشل.. لأ لأ لأ..
Borg-Warner غيرت فـ الفتيسات (من 2010) الـHigh-Pressure Pump والـSolenoid Valves اللى هما بيدفعوا الـClutch بدلا من ان السواق يدوس دبرياج..
(طبعا بتاخد الأمر Electro).. وهى دى اللى كان فيها مشكلة.. +تغيير سوفتوير.

دلوقتى اللى يسوق جيتا DSG أو جولف.. هيلاقى النقلات انعم فـ الزحمة, مفيش التردد بتاع الفتيس (ياخد 1st ولا 2nd), وكمان تسقيط النقلات مع الكيك-داون (الـDownshift) مابقاش عنيف زى الأول..!!!

انما التويوتا الـMMT كله على بعضه فاشل, (بصرف النظر عن انه Single Clutch)
الـDesgin والـArchitecture والديسك والأسطوانة, وسوفتوير..!! ضايع ههههههههههه