-
صور لجنوط التويوتا اليارس ss
-
-
-
جنوط شكلها حلو جدا على العربية
ووطى العربية على الارض شكلها تحفة على الياريس
بس للاسف مينفعش معانا فى مصر الكلام ده
للاسف شووارعنا مابتخلناش نتمتع بعربيتنا عموما
لما بتبقى عربيات اصلا واطية نسبية زى السيفيك مثلا
بنستعيبها عندنا هنا هتقول دى وحشة عشان هترزع من تحت فى المطبات
كان فيه استطلاع راى على المنتدى العام للسيارات
كروس اوفر ولا سيدان لو هتشترى
الناس كلها مختارة كروس اوفر فقط لعلوها مع ان الوطو للعربية بيديها منظر احلى وثبات اعلى وامان اكتر
-
بص ياباشا ...
انا جربت مره وسئلت من الشباب ... واحد عندو هوندا سيفيك ومزبطها والتاني بي ام دبليو وكمان واطية على الارض وقلتلو انتا بتعمل ايه في المطبات وبالذات ان جمهورية مصر العربية هيا أشهر بلد في المطبات والبلعات لدرجة اني نفسي مصر تخوش الموسوعه بتاعت جينس للأرقام القياسية ... وزي ما مصر بلد المليون مأزنة ... فهيا أيضا بلد المليون بلاعة ومليون مطب ومليون حفرة هههههههههههههههههه ده بالعكس ده أحنا زي ما بنينا الاهرمات كمان بنينا أعلى مطب في العالم ... عمرك ياراجل شفت مطب أرتفاعو متر في اي دولة في العالم أهو أحنا بأه المصرين عملنا المطب ده وأول مطب هتلاقيها وانتا خارج من مطار القاهرة ... وعلى فكرة ده مريح جداً لأن العربية بتطلع كلها فوق المطب وتنزل تاني يعني بتتسلق المطب كده ههههههههههههههه
المهم انا سئلت الشباب دي بتعملو أيه في المطبات والحفر والبلعات الي تلاقي البلاعة طالعه فوق الاسفلت مسافت شبر ولا شبرين ويقولك لا أصلوو لسه هيسفلتو الشارع فالاسفلت هيعلى وفضلنا على كلمة أصل هيسفلتو الشارع لحد ماهو كبرت وتجوزت وخلفت وبنتي كلها كم سنة وتخش الجامعه ولسه البلاعة مرتفعه فوق الشارع ... حتى مره كنت في الزمالك واحد بيسئلني عن ساقية الصاوي قلتلو خليك ماشي على طول لغاية مطلع الكبري وأول مطلع الكبري هتلاقي في بلاعة مشهورة هناك أهو ساقية الصاوي الباب بتعها على شمال البلاعة على طول ...
ولأني مصري صميم وحافظ البلد فأي حد يسئلني بقلوو بص ياباشا بعد خامس مطب خش يمين عاشر بلاعه على ايدك اليمين هتلاقي حفرة كبيرة كده ومليانة ميه أهو البيت الي على شمالها هو ده العنوان الي بتسئل عنو ... لأن مع الاسف الشوارع مش مكتوب عليها اسامي والبيوت مش محطوط عليها نمر فهو ده الوضع في بلدنا .
المهم ردو عليا الشباب وقالولي ايه مش مهم المطبات ولا الحفر ولا البلعات المهم تكون عربيتك مميزة وأحساسك أنك صنعت شيء من لاشيء وكأنك عملت العربية على أيديك ده شعور تاني خالص ... وبيخليك فخور بمركبتك وبعربيتك ...
ده حتى الي أستغربتلو أن الناس أحياناً مبتفتكرش أسامي أو وشوش الناس بس لمن يجي يفتكرك ويقولك أأأأأأأأأأأه مش أنتا بتاع اليارس ولا يجي يقولك أأأأأأأأأأأأأأأه مش أنتا بتاع الكرولة هههههههههههههههه
-
اقتباس:
المشاركة الأصلية كتبت بواسطة me_medoo
بص ياباشا ...
انا جربت مره وسئلت من الشباب ... واحد عندو هوندا سيفيك ومزبطها والتاني بي ام دبليو وكمان واطية على الارض وقلتلو انتا بتعمل ايه في المطبات وبالذات ان جمهورية مصر العربية هيا أشهر بلد في المطبات والبلعات لدرجة اني نفسي مصر تخوش الموسوعه بتاعت جينس للأرقام القياسية ... وزي ما مصر بلد المليون مأزنة ... فهيا أيضا بلد المليون بلاعة ومليون مطب ومليون حفرة هههههههههههههههههه ده بالعكس ده أحنا زي ما بنينا الاهرمات كمان بنينا أعلى مطب في العالم ... عمرك ياراجل شفت مطب أرتفاعو متر في اي دولة في العالم أهو أحنا بأه المصرين عملنا المطب ده وأول مطب هتلاقيها وانتا خارج من مطار القاهرة ... وعلى فكرة ده مريح جداً لأن العربية بتطلع كلها فوق المطب وتنزل تاني يعني بتتسلق المطب كده ههههههههههههههه
المهم انا سئلت الشباب دي بتعملو أيه في المطبات والحفر والبلعات الي تلاقي البلاعة طالعه فوق الاسفلت مسافت شبر ولا شبرين ويقولك لا أصلوو لسه هيسفلتو الشارع فالاسفلت هيعلى وفضلنا على كلمة أصل هيسفلتو الشارع لحد ماهو كبرت وتجوزت وخلفت وبنتي كلها كم سنة وتخش الجامعه ولسه البلاعة مرتفعه فوق الشارع ... حتى مره كنت في الزمالك واحد بيسئلني عن ساقية الصاوي قلتلو خليك ماشي على طول لغاية مطلع الكبري وأول مطلع الكبري هتلاقي في بلاعة مشهورة هناك أهو ساقية الصاوي الباب بتعها على شمال البلاعة على طول ...
ولأني مصري صميم وحافظ البلد فأي حد يسئلني بقلوو بص ياباشا بعد خامس مطب خش يمين عاشر بلاعه على ايدك اليمين هتلاقي حفرة كبيرة كده ومليانة ميه أهو البيت الي على شمالها هو ده العنوان الي بتسئل عنو ... لأن مع الاسف الشوارع مش مكتوب عليها اسامي والبيوت مش محطوط عليها نمر فهو ده الوضع في بلدنا .
المهم ردو عليا الشباب وقالولي ايه مش مهم المطبات ولا الحفر ولا البلعات المهم تكون عربيتك مميزة وأحساسك أنك صنعت شيء من لاشيء وكأنك عملت العربية على أيديك ده شعور تاني خالص ... وبيخليك فخور بمركبتك وبعربيتك ...
ده حتى الي أستغربتلو أن الناس أحياناً مبتفتكرش أسامي أو وشوش الناس بس لمن يجي يفتكرك ويقولك أأأأأأأأأأأه مش أنتا بتاع اليارس ولا يجي يقولك أأأأأأأأأأأأأأأه مش أنتا بتاع الكرولة هههههههههههههههه
عندك حق فى كل كلمة وواقعى جدا
-
وفوق ده كلو النظرة السطحية لبعض الناس ... بمعنى ؟
أن تصور لمن تيجي وتتقدم لبنت ناس علشان تطلب ايديها ... وتيجي البت رفضاك فتقعد أمها معاها وتقولها يابت وافقي ده معاه حتت دين عربية أيه زيرووو ... وفي بنات كتير تبقى رفضى العريس مش علشان شخصيتو مع انو ممكن وظيفتو محترمه وهو محترم جداً بس تيجي البت تقول لا يماما مش عوزها ده ركب 128 عاوزاني انا أجوز واحد عندو عربية 128 ياماما ههههههههههههههههه .
ومرات تقعد الحمى كده تتفشخر وتقولك ده كان متقدملها واحد عندو عربية بحرف (البي ) عربية بحرف البي ؟ مش فاكرة أسمها ؟ أصل أسمها غريب كده شوية .. فقلتها تكونش بلونيز راحت قايلالي لأ، قلتلها يمكن بروتن قالتي لأ قلتها بولو قالتي لأ قلتها بياكنتو برضو لأ المهم قلتها بي أم قالتي أأأأأأأأأأأأأأأأأه هيا دي هههههههههههههههههه
بس الحلو لمن تكون مزبط عربيتك تلاقي عند أي تقاطع ببص أتفاجء الناس نزلت عليها الاخلاق مره وحده... كلو واحد يوقف ويشورلك ويقولك اتفضل ياباشا عدي ... علشان يتفرج انتا عامل في العربية أيه ؟ ده اذا كانت عربيتك مميزة ، في حين بعديها بشوية كنت راكب عربيت أختي سوزوكي مروتي الصغيرة دي أن حد يرضى يديني فرصة أعدي لدرجة قلت أكبس كده وأخوش علشان أنجز بصيت لقيت واحد بيقولي راح طالع قدامي وداخل غصب عني وبيقولي متصربع على ايه ياحماااااااااار ... ياسبحان الله ... على طبع البشر .
ده حتى لمن وديتها عن الميكانيكي وبقولوا بس عاوزك تغيرلها بوجهات وكده ونروقها ... لقيتوو بيكلمني وهو مش باصصلي أصلاً وبيقولي خلاص أكرنها عندك هنا ، وحسيتو أنو كأنو بيقولي أرميها أو لقحها عندك هناك وسبحان الله تاني يوم رجعتلو بعربيتي وفتحت الباب ويادوبك بسلم عليه لقيتو بيقول سعاااااااااااااااادت الباشا ... أيه ياباشا أتأخرت علينا كده ليه أتفضل أتفضل أقعد ، وبصيتو لقيتو بينادي على الواد وبيقولي شاي ولا حاجة ساقعة ههههههههههههههههههههههههه سبحان الله ... وسبحان مغير الأحوال .
ومرة تانية في الجرشات ... وطالع بالعربية لقيت السايس بيوقفني ومصررررر أني أقف ليه علشان مرسيدس عيون طالعه وأتفضل ياباشا أتفضل ياباشا ... والي راكب العيون ده مجرد سواق عليها ... ولا عسكري المرور الي اشارتي والاشارة خضرة وراح رمى نفسو وضحى بحياتووووووو وكل ده ليه علشان يعدي قدام مني همرررر جمرك نوبيع هههههههههههههههه واللهي كان نفسي يكون معايا كميرة وأصورو وهو بينط قدام العربية ولا عصام الحضري وهو واقف في الجون وكل ده علشان يوقفني لأن في همر طالعه ولازم يوسعلو السكة ...
كل دي من نظرة سطحية في مجتمعنا مع الاسف مبتهمنيش ، لأن كرامتي وشخصيتي ملهاش علاقه أبداً بنوع عربيتي ... والعربيات زي الفلوس بتروح وبتيجي ... لكن الانسان بأخلاقو وسمعتو ودينو وحسبو ونسبو ... مش بهو راكب أيه ...
والغريب على فكرة ألي أدعك صح في مجال العمل هيكتشف أن في بهوات وبشاااااااااااوات راكبين عربية عادية جداً جداً جداً ... لأنو مستخسر يجيب عربية غاليه ويرميها في الشارع ... أو أنو مش عاوز يلفت الانظار لي ولثروتو ... والنق والحسد يشتغل .
بس طبعاً رغم كل شيء انا مبيهمنيش لا النق ولا الحسد ولا النظرة السطحية للناس كل الي يهمني أن أعتززززززززز بسيارة جميلة أكون مقتنيها ... وزي مالستات بتحب تقتني الذهب والالماس والاساور والغوايش ، فمتعت الرجل أو بعض الرجال علشان منعمش هو أقتناء السيارة ويدلعها ويزبطها ... ويحس انو صنع شيء من لاشيء .
يأم الفشخرة الكدابة ... حتى الستات أبتدو يتفشخرو بالعربيات ...
-
-
بس مش حرام تنزل العربية 2012 بالشكل القديم وكمان ب 133000 جنية ... وكمان شايلين منها حبت الافشخنات دي ...
صحيح محدش يعرف حد في الحرفين ولا في وكالة البلح او بور سعيد عندو مراكت ViOS دي الي هيا يارس بس فل فل أوبشن علشان ناخود منها حبت حجات نزود بيها عربيتنا ...
وبعدين هيا تويوتا بتبيع ماركت VIOS دي فأنهي دولة في العالم ياترى ؟؟؟ يمكن نعرف حد هناك نوصيه على شوية حجات ؟؟؟
-
عزيزي ميدو
برجاء تغيير لفظ معبودة لان العبادة لله سبحانة و تعالي ارجو ان تتقبل النصيحة و شكرا على الموضوع