سؤال صعب ممكن حد ينصحني ؟؟؟؟؟

**member86128** · 16-01-2012 07:00 AM

ممكن حد يشرحلي لية السيراتو الهاتش باك محدش بيشتريها و لية مش منتشرة في السوق ؟؟؟؟؟

انا عجباني جداا و عايز اجبها بس خايف يكون فيها مشكلة عشان مشوفتهاش في الشارع خالص

يا ريت اي حد يعرف حاجة عنها ينصحني

شكراااا

**SAMEH_FOUAD** · 16-01-2012 10:02 AM

اعتقد لانها ببساطة نازلة فى وقت الشكل الجديد نازل فاكيد المبيعات مش هتعمل المطلوب منها

**Formulator** · 16-01-2012 11:37 AM

بص ياباشا, من الآخر:
الكورى عربيات اتعملت عشان تنافس فـ فئات السيدان المتوسطة والكبيرة.. (سواء فـ مصر أو فـ أوروبا)..
وتحديدا, أحد اقوى النقاط اللى بتساعدها فـ المنافسة.. انها Full Size, Fully-Loaded; Cheap Korean Cars..؟؟!!!

لكن...
تنافس فـ فئة الهاتشباك الأوروبية.. أو الـC-Segment Hatchback, صعبة أوى عليهم الفئة دى..؟؟؟!!
لأن المنافسة فيها شرسة, والأوروبيين متفوقين فيها, وقدام أوى فـ صناعة الفئة دى (لأنها الأكثر مبيعا عندهم)..

يعنى قوللى انت.. مين هيروح يشترى سيراتو هاتشباك ويسيب (مثلا):
- فورد فوكس
- رينو ميجان هاتش
- فيات برافو تربو
- ستروين C4
- بيجو 308

وياعم مش هقول جولف6 ولا أوبل أسترا.. عشان ماتقوليش سعرهم بيبدأ من 170-180 ألف.
وبرضه العربيات اللى فاتت (ولو فاضية) أغلى من السيراتو الـFull-Option.. بس بفرق مش كبير..!!

أصلا الفئة دى (C-Segment هاتش) اللى بيركبها بيبقى غاوى, واحد عايز عربية هاتشباك Fun-to-Drive ومش فارق معاه الشنطة, وعارف ان قطع غيارها قليلة, وتوكيلاتها مش قد كده.. واعادة بيعها سيئة.
يعنى عربيات غالية وصغيرة ومكلفة ومش بياعة فـ مصر..؟؟!!!

اللى زى كده.. مستحيل يفكر فـ عربية كورى؟؟؟!! هاتشباك = أوروبى (ألمانى, ايطالى, فرنساوى)
عشان كده بقولك: المنافسة فـ الفئة دى صعبة أوى عـ الكوريين, لأن الـCustomer بتاعها غير..!!

**love_life** · 17-01-2012 03:45 AM

رد شافي ووافي ومفصل
حياك الله مستر formulator

**moha4tec** · 19-01-2012 03:30 AM

بكل بساطه
1- نزلت متاخر
2- فئاتها قليله جدا
3- سعرها غالى
4- السوق كان اتملى سيراتو كوبيه و سيدان اصلا قبل ما تنزل الهاتش باك
5- يفضل اكثر المستهلكين السيارات زوى الحجم الاكبر فى التخزين .مثل السيراتو السيدان
6- حتى فى الشكل الاقدم منها الهاتش باك قليله اوى فى الشارع و السيدان هى اللى اكلت الجو .
7- زى ما فورميوليتور قال .فى عربيات اوروبى هاتش باك افضل من السيراتو الهاتش باك و قريبه جدا فى السعر .و مستهلك اللى بيشترى الهاتش باك غالبا بيبقى ركيب عربيات و فاهم جدا و مش بيدور على عربيه رخيصه و قطع غيار متوفره و كده .لا بيدور على عربيه ثباتها و موتورها و قيمتها اعلى زى الجولف 6 مثلا .