عرض للطباعة
[FONT="Arial"]اعلم جيدا كم اخذ موضوع المقارنة بين العربيتين دول وقت كبير و لكن اريد من كل ممن جرب البونتو او اللوجان المشاركة فى المقارنة
اهتمامتى : 1- اعتمادية السيارة - تعيش اكبر وقت من غير اعطال
2- مصاريف التشغيل على المدى الطويل
3 - العفشة
4 - ثبات السيارة
و رجاء لكل من يملك البونتو الصربى اعطائى انطباعه عن السيارة و ظروف الصيانة لانى ميال ليها و خايف مما سمعت عنها من اعطال الكهرباء و عدم الاعتمادية .
و شكرا لكم جميعا مقدما.
يا فطاحل المنتدى معقول 30 مشاهدة و محدش قال رأيه ارجوكو حد يكلمنى , يحاورنى ، يقوللى اه لأ اى حاجة كده
خليك في اللوجان لو إنت عايز عربية عائلية فيها كل ده
لوجان
شكلآ البونتو تكسب ....
لكن أى حاجة تانى اللوجان تكسب بالقاضية ....
هو كان المفروض أنك تعمل المقارنة دى ما بين البونتو كلاسيك و ما بين اللوجان الهاتشباك (سانديرو ) ....
مقارنة مفيش فيها حاجة مشتركة إلا الفلوس
اللوجان عربية عائلية واسعة، شنطة كبيرة موتور أكبر وأقوى ثبات أقل من البونتو ومصاريف تشغيل وصيانة أقل بكتير.
البونتو عربية hatch شبابية موفرة في البنزين ضيقة شنطة أصغر وهاندلينج وأمان ممتازين
البونتو الصربي تحديدا محتاجين فيها رأي حد جربها
أما بالنسبة للوجان خلاص بقت واقع فرض نفسه في الفئة دي من كل النواحي
ومشاكلها وعيوبها ومميزاتها اتحفظت واتناقشت كتيييير جدا
بالتوفيق،
شكرا على الافادة و لا اخفيك سرا ان الدافع الوحيد للمقارنه هو السعر زى ما تقول عين فى الجنة و عين فى النار عربية فيات اروربى , و الرينو خايف منها ان مايكنش عمرها الافتراضى طويل و لاقيها بعد 4 - 5 سنين فككت من بعضها
مش للدرجة دي يا باشااقتباس:
المشاركة الأصلية كتبت بواسطة mema81
يعني انت مش شايف عربيات الرينو اللى بقالها زمن ولسه شغالة
يعني اللوجان مش هتيجي على الأقل زي الفيرنا اللى مغرقة الشارع
لو عجباك توكل على الله وهاتها وسيبك من الحيرة دي عشان كده مش هتعرف تشتري حاجة :)
احنا فيها يا باشا قارن براحتك
شوف الرينو السانديرو
انا هكلمك بكل صراحة فى اللوجان لانى هيا اللى معايا هقولك مميزاتها وعيوبها واللى بكتبها لكل حد بيقارنها بينها وبين عربية تانية
ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
من ضمن العربيات القليلة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *
العيوب ( ومش هنسميهاعيوب ) هنسيمها حركات غلسة بس هتتعود عليها
الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
مسالة قطع الغيار
* قطع الغيار بدات فى الانتشار الفانوس الامامى ب 200 جنية والخلفى ب 150
وجوز المقصات ب 400 جنية وبكدة مسالة تفاضل الانوس بسبب قطع الغيار اصبح مالهاش لزمة
ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك
ودا المصدر
Dacia Logan : Informatii Dacia Logan
نوع العربية
Preference 1.6 MPI 90 CP
بعشقها عشق لولو حبيبتى
وبس يا سيدى وان شاء الله ربنا يوفقك فى اختيار العربية المناسبة لك
-----------------
العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية
تقرير مفصل عن العربية بالشرح والصور بواسطة الاستاذ نادر نبيل
http://www.nilemotors.net/Nile/90472-2010.html
بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم
دى فيدوهات ليا بالعربية
Logan 180 km/h with 6 Passenger [1] - YouTube
180 و 6 راكب
وغرز بيها على الطريق الصحرواى - مصر اسكندرية
ودا لما عديت الـ 180
Logan 180 km/h with 6 Passenger [2] - YouTube
واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/
ارجو تقبل رايى انا مستحيل اشترى اى حاجة صربى او اسرائيلى حتى لو ببلاش اكيد فى بدائل افضل.