الموضوع: اكتر حاجة مضايقاك فى الهوندا ؟؟؟؟؟؟؟

المشاركة الأصلية كتبت بواسطة semsem kane

طبعا الموضوع دة انا عاملة عشان لو واحد مضايق من حاجة نقدر نوصل ليها لحل مع بعضنا لو مثلا المشكلة دية معاة بقالها فترة ومش عارف يحلها احنا هنا نقدر نجتمع ونحلها ان شاء الله ومش لازم مشكلة ميكانكية لأ لو مثلا مشكلة فى كماليات , عايز تعديل لحاجة نقدر نقولة على افضل حاجة

وبعدين عشان الاقسام التانية مايضايقوش ونقول بنبالغ اية العربية اللى مافيهاش عيوب دية

ياراجل بيعها وهات rb
انا جاى ارمى السلام عليكم
الموضوع الى عملته فى هيونداى
كان تقريبا بحبر خفى محدش شافه غيرى
قسم هيونداى فى الترواة خالص ده ملوش منسق من الاساس بس احنا بنحاول نظبطه ان شاء الله
وهيبقى فيه مقابلة لقريب بخصوص الموضوع ده
وهيبقى اجمدد قسسسسسسسم وبعدين احنا واحد فرق ال ى بس

المشاركة الأصلية كتبت بواسطة mohannd

اول استفسار علشان ننفع الموضوع ههههههه

عربيتى 91 الشكل القديم طبعا وانا ماشى على اسفلت زى الفل اول لما امشى فى حتة مكسرة شوية احس انى عندى ملاهى فى العفشة الامامية وتخبيط واصوات غريبة دة ممكن يكون من اية.... والعفشة كلها بتحتاج اية لصيانتها وممكن مين يشتغل فيها ويكون محترم ومش حراق لحسن انا من ساعة ماجبت الهوندا وانا بتلسع كل لسعة ولسعة زى الفل

بتسمع صوت واصوات غريبة يبقى حضرتك تبقى عارف انك اساسى هتغير الاتى

1- جلب مقصات امامية هتجيب 4 جلب * 50 ودول الاصلى بتوع هوندا من مجدى الدسوقى

2- مسمارين ميزان سعرهم 75 جنية

3- ودية هتشوفها الاول ( بارات داخلية وخارجية )

اللى يشتغل فى العربية دية هيكون لائما جاسم او عصام بس لو روحت جاسم قولة انك من طرفى هيقوم معاك بالواجب او كلمنى 01003088605

المشاركة الأصلية كتبت بواسطة el_nahal2004

ياراجل بيعها وهات rb
انا جاى ارمى السلام عليكم
الموضوع الى عملته فى هيونداى
كان تقريبا بحبر خفى محدش شافه غيرى
قسم هيونداى فى الترواة خالص ده ملوش منسق من الاساس بس احنا بنحاول نظبطه ان شاء الله
وهيبقى فيه مقابلة لقريب بخصوص الموضوع ده
وهيبقى اجمدد قسسسسسسسم وبعدين احنا واحد فرق ال ى بس

انت جاى تقطع على شركة هوندا بقى وعايز تاخد منها الزباين

وربنا يتمملكوا المقابلة على خير وتكونوا اجمد قسم بعد قسم الهوندا

بس انا اللى بستغربلة انى تقريبا دلوقتى مبيعات هيونداى فى مصر مغرقها عربيات من كل الانواع والقسم بردة عندكوا نايم

المشاركة الأصلية كتبت بواسطة wellfine

تحياتي للفكره ديه فعلآ جميله, فعلآ في حاجات مضيقاني من العربيه زاي
1) الاسكتره او علبه الدريكسيون
2) التكييف

الاسكاترا لو فيها مشكلة هتتغير وتتجاب استيراد نظيفة ب1100 جنية وبردة قول بتحس بأية

* التكييف ياريت تقول مشكلتة وان شاء الله تتحل

واخيرا ظهرت ياامين

المشاركة الأصلية كتبت بواسطة wildwest100

الايدل سينسسسسسسسسسسسسسسسسسسسسسس سسسسسور

ياحبيبى انت مشكلتك بعيدة عن الايدل وزى ماقولتلك حطها على كاشف الاعطال وشوف هتديك قراية اية

المشاركة الأصلية كتبت بواسطة VTEC

رجرجه مع التكييف اول لما الكمبريسور يبدأ يشتغل - سيفيك 2008
الكلام ده لما العربيه كانت معايا دلوقتى الحمدلله Total Loss

بس بصراحه فى اواخر ايامها كانت بتتهان اهانه مش طبيعيه و ماكانتش بتشتكى

ربنا يعوض عليك بأحسن منها

وعموما مشكلة رجرجة التكييف دية بتبقى موجودة فقط مع فصل وتشغيل التكييف ودة ناتج عن وجود ضعف فى كهرباء السيارة او بمعنى اصح لازم البطارية تكون اقوى + الكتاوت تبقى اقوى + الارضى يتقوى اعتقد هتحل المشكلة بنسبة كبيرة