مشكلة فى كيا سول فيس ليفت الجديدة 2012

السلام عليكم

انا معايا كيا سول 2012 فيس لفت (الموتور الجديد والفتيس 6 سرعات)
عامل 1500 كم
العربيه اول ما استلمتها كانت 100 100 وفوق ما كنت متوقع. لكن تقريبا اول ما كملت 1000 كم العربيه بقت بتعمل معايا حركات غريبه جدا
1. السحب بقى بحالات مره تسحب ومره الار بى ام يعلى وصوت العربيه يعلى ومتسحبش عن 80 غير لما تحرق فيها واخرها تجيب 110
2. بتاكل بنزين بدرجة كبيره جدا تقريبا فى الالف كيلو فولت 4 مرات.

رحت توكيل ابو رواش 3 مرات
1. اول مره عملت صيانة الالف وكانت قبلها العربيه معقولها وبعدها بقت بتعمل الحركات اللى فوق.
2. تانى مره غيرولى البوجيهات العربيه بقت تمام يوم واحد بس ورجعت اوحش من الاول وبقت بحالات.
3. تالت مره جربتها مع مدير الصيانه وطلعنا اسكندرية الصحراوى ومشى بيها 180 وقالى العربييه مفيهاش حاجه وكشف عليها على الجهاز وقالى مفيهاش اى عيب

انا بصراحة مش عارف انا مش مستريح من الحالات اللى بتحصلها دى واستلاك البنزين العالى قوى ده

لو حد بيحصل معاه كده او ممكن يكون عارف السبب ياريت تفدنى

وعلى فكره دى او لمشاركه ليها

هو فى سؤال العربية بتعمل الحركات دى لما تمشى بيها فى الزحمة ولا الطرق الطوالى

وسط زحمة على طوالى
يعنى مثلا اكون ماشى عالى الدائرى او المحور

بص حضرتك انا عندى اقتراح روح لمركز صيانة محترم خارج التوكيل و خلليه يكشف على العربية من غير ما يمد ايده فيها و بعد ماتشوف ايه المشكلة روح على التوكيل قوله فيها كذا و كذا

ممكن تجرب تروح فرع تانى للتوكيل و تقولهم على الاعراض و تسمع رايهم لان اكيد الفرع اللى حضرتك رحتلو جرب كل حاجه و معرفش العيب جى منين و أنا بس ليا سؤال . ازاى مهندس الصيانه اللى تبع التوكيل يجرى بالعربيه على ١٨٠ و هى عامله ١٥٠٠ كيلو بس و المفروض لسه بتلين ؟؟؟ عمرى ما شفتها قبل كده دى فى اى عربيه قبل كده. :(

جرب تحط بنزين 95 من بنزينة محترمة تفويلتين على بعض

اقتباس:

---

المشاركة الأصلية كتبت بواسطة wshawky

ممكن تجرب تروح فرع تانى للتوكيل و تقولهم على الاعراض و تسمع رايهم لان اكيد الفرع اللى حضرتك رحتلو جرب كل حاجه و معرفش العيب جى منين و أنا بس ليا سؤال . ازاى مهندس الصيانه اللى تبع التوكيل يجرى بالعربيه على ١٨٠ و هى عامله ١٥٠٠ كيلو بس و المفروض لسه بتلين ؟؟؟ عمرى ما شفتها قبل كده دى فى اى عربيه قبل كده. :(

---

طب دى عاملة 1500 كيلو يعنى يعتبر عدة 1000 كيلو و ممكن يبتدى يفتح فيها من دلوقتى
امال لو شفت العربيات الزيرو اللى بتمشى 180 و 200 على الصحراوى هتقول ايه بس

اقتباس:

---

المشاركة الأصلية كتبت بواسطة hmatchy

طب دى عاملة 1500 كيلو يعنى يعتبر عدة 1000 كيلو و ممكن يبتدى يفتح فيها من دلوقتى
امال لو شفت العربيات الزيرو اللى بتمشى 180 و 200 على الصحراوى هتقول ايه بس

---

يفتح ايه بس حضرتك؟ حد يجيب ١٨٠ بعربيه عامله ١٥٠٠ كيلومتر بس؟ و بعدين اللى سايقين العربيات على ٢٠٠ دول بيبقوا غالبا سواقين جايبينها من الميناء و المعرض مش عايز ينقل على عربيات كبيره علشان يوفر او مثلا هو جايب عربيه او عربيتين و السواقين اللى بيجيبهم بيجروا علشان دى مش عربياتهم و ساعات كمان بيخبطوها فمعروف انهم سواقين يعنى من الميناء للمعرض لكن احنا بنتكلم عن مهندس من توكيل العربيه المفروض يبقى قلبه عليها و يلتزم بتعليمات التشغيل اللى فى الكتالوج بتاع الشركه اللى بيشتغل فيها

اقتباس:

---

المشاركة الأصلية كتبت بواسطة wshawky

يفتح ايه بس حضرتك؟ حد يجيب ١٨٠ بعربيه عامله ١٥٠٠ كيلومتر بس؟ و بعدين اللى سايقين العربيات على ٢٠٠ دول بيبقوا غالبا سواقين جايبينها من الميناء و المعرض مش عايز ينقل على عربيات كبيره علشان يوفر او مثلا هو جايب عربيه او عربيتين و السواقين اللى بيجيبهم بيجروا علشان دى مش عربياتهم و ساعات كمان بيخبطوها فمعروف انهم سواقين يعنى من الميناء للمعرض لكن احنا بنتكلم عن مهندس من توكيل العربيه المفروض يبقى قلبه عليها و يلتزم بتعليمات التشغيل اللى فى الكتالوج بتاع الشركه اللى بيشتغل فيها

---

فترة التلين لحد 1000 كم ياباشا زى ما الكتالوج كاتب

اقتباس:

---

المشاركة الأصلية كتبت بواسطة wshawky

يفتح ايه بس حضرتك؟ حد يجيب ١٨٠ بعربيه عامله ١٥٠٠ كيلومتر بس؟ و بعدين اللى سايقين العربيات على ٢٠٠ دول بيبقوا غالبا سواقين جايبينها من الميناء و المعرض مش عايز ينقل على عربيات كبيره علشان يوفر او مثلا هو جايب عربيه او عربيتين و السواقين اللى بيجيبهم بيجروا علشان دى مش عربياتهم و ساعات كمان بيخبطوها فمعروف انهم سواقين يعنى من الميناء للمعرض لكن احنا بنتكلم عن مهندس من توكيل العربيه المفروض يبقى قلبه عليها و يلتزم بتعليمات التشغيل اللى فى الكتالوج بتاع الشركه اللى بيشتغل فيها

---

التليين أول 1000 كم بس
وبعض العربيات زي عربيتي بتنزل متلينه ومتفتحة أول ما إستلمتها جبت 140 على الرابع :O_stupid[1]:

المشكلة دة عند واحد صاحبى ومش عارف يعمل اية وتوكيل بيقوقلة انها سليمة

متشكر على ردودكم يا جماعه
انا على فكره حطيت بنزين 95 يوم الخميس اللى فات لما مكنش فى بنزين فى البلد بس 10 ليتر بس والعربيه مكنش فيها بنزين تقريباز ويار تنى ما حطيته العربيه اتلخبطتت اكتر لحد ما فولت من امارات مصر اللى جمب داندى مرتين بدأ تبقى كويسه بس برضه صوتها عالى والسحب بحالات

ولاحظت لما بنقل من الاوتوماتيك للاستيب ترونيك وانا على سرعه عاليه ساعات بلاقى الغيار رقم 5 مش 6 وساعات تانى بيبقى 6

اقتباس:

---

المشاركة الأصلية كتبت بواسطة yoko

التليين أول 1000 كم بس
وبعض العربيات زي عربيتي بتنزل متلينه ومتفتحة أول ما إستلمتها جبت 140 على الرابع :o_stupid[1]:

---

ههههههههههههههههههههههههه هههه
انت غاوى تعقدنا يا عم انت موتور تيربو يعنى سبنا احنا الغلابة مع نفسنا
بس بصراحة يا يوكو مش قادر انسى تجربة سواقة عربيتك
ربنا يباركلك فيها

اقتباس:

---

المشاركة الأصلية كتبت بواسطة hmatchy

ههههههههههههههههههههههههه هههه
انت غاوى تعقدنا يا عم انت موتور تيربو يعنى سبنا احنا الغلابة مع نفسنا
بس بصراحة يا يوكو مش قادر انسى تجربة سواقة عربيتك
ربنا يباركلك فيها

---

الله يخليك وهيا تحتك في اي وقت (عملت فيها شويه تعديلات)
والله ما قصدي أنا أصلا أول يوم إتفاجئت إني ماشي كده في الميريلاند ووالدتي كانت جمبي كانت رجلي تقيله متعوده على الأفيو

ولصاحب الموضوع العربيه لازم يتعملها سوفت وير لو مكنش يبقى الفتيس فيه سينسور بيعلق

انا صاحب الموضوع . ممكن توضيح اكتر على موضوع السوفت ووير او السينسور اللى بيعلق

اقتباس:

---

المشاركة الأصلية كتبت بواسطة shawkat2005

انا صاحب الموضوع . ممكن توضيح اكتر على موضوع السوفت ووير او السينسور اللى بيعلق

---

الموضوع ده حصل غند خالي في الميجان وتقريبا شبه الي حصل عند ابو ليلى
يا بيبقى كنترول الفتيس السوفت مهيس وده بيتعمل في 5 دقائق في التوكيل يا بيبقى سينسور أو فالف معلق فمبيديش النقه الصح يعني يبقى المفروض ينقل 4 وهو مصر إنه يفضل على ال3 ومينقلش أو العربيه واقفة المفروض يجيب أول وهو حاطت تالت وعامل نفسه من الهند
قولهم في التوكيل ينزلولك سوفت ول مظبطش حد يطلع معاك تسوق العربيه وهو موصل الdiagnosis ويشوف القرايات والنقلات وإنت ماشي (بس لازم المهندس الي طالع معاك يكون فاهم قوي)

أعتقد أن عادى أن العربية تبقى ساعات على ال5 و ساعات على ال 6 حسب سرعة العربية ساعة ما بتنقل للستب

يعنى لو أنت بتنقل للستب على سرعة 100 غير لما تنقل على سرعة 150 مثلاً.

الميجان كده........بتشوف النقلة المناسبة و تروحلها..........

لكن لو بتروح ساعات على ال5 و ساعات على 6 على نفس السرعة يبقى فيها إن.

اقتباس:

---

المشاركة الأصلية كتبت بواسطة yoko

الله يخليك وهيا تحتك في اي وقت (عملت فيها شويه تعديلات)
والله ما قصدي أنا أصلا أول يوم إتفاجئت إني ماشي كده في الميريلاند ووالدتي كانت جمبي كانت رجلي تقيله متعوده على الأفيو

---

الله يخليك يا احمد
انا كمان عملت فيها تعديلات بس بسبب عوامل التعرية الطبيعة للطرق المصرية

انا عايزك تروح للمهندس خالد بالأسم مدير فرع ابو رواش و قولة ان انت من نايل موتورز بس يا ريت تشتري الاستيكر بتاع المنتدى و تلزقة على السيارة بس مش شرط يعنى المهم تقولة على كل مشاكلك دية و هو راجل متفهم جدا و فاهم و إن شاء الله خير و موضوع سوفت وير الفيتيس دة اللى الاخوة قالولك علية شكلة منطقى جدا

متشكر على الردود بس على فكرة انا مش عايز اروح التوكيل ابورواش تانى زهقوا منى وحسسونى انى مبعرفش اسوق والعربيه مفيهاش حاجة وانا بتبلى عليهم والمهندس يقولى انت سوقت اوتوماتيك قبل كده

انا بفكر اروح فرع روكسى يمكن الاقى حد بيفهم او اروح مركز بره لو حد يعرف حد يدلنى

أنا معايا السول ال 4 غيار و بردو بحس ساعات بتقل فى العربية بس لما بجيب الأستبترونك بلاقيها على الغيار الرابع عند 80 فأستنتجت أنها بتنقل بدرى علشان التوفير فى البنزين لكن لما بعمل كيك دون بتسقط نقلة و بتشد كويس جدا

انا كنت حاسس بنفس المشاكل ومعايا سول 4 غيار بس بنسبة اقل العربية قبل ما تروح الصيانة كانت فوق الممتازة والان حاسس انها عادية جدا واليوم عملت اختبار باستخدام نقل الفتيس الى المانيول لاقيت حاجة غريبة جدا العربية على الغيار الرابع والسرعة لسه 40 واقلل السرعه حتى 20 الاقيها على الغيار الثالث

انا العربيه حالتها ازدادت سوءا ووديتها التوكيل بابورواش النهارضه وكلمت المهندس خالد راجل محترم جدا ومستنى ردهم

ربنا يكرمك بحد فاهم وتتحل المشكله ان شاء الله

ربنا يكرمك وتتحل المشكله ان شاء الله ويا ريت تبلغنا بالنتيجة علشان اعمل زيك

السلام عليكم

للأسف يا جماعة بعد ما العربيه باتت يومين فى التوكيل واشتغل فيها الخبير الكورى بنفسه
قالولى العربيه طبيعية ومفيهاش مشكلة وكل اللى اتعملها ابديت للسوفت وير بتاعها وشوية تشكينج على الاجهزة
وطلع معايا مدير الصيانه نجربها على اسكندرية الصحراوى بس للاسف الجو كان سئ جدا امبارح وطبعا حاول يقنعنى ان العربيه عادى لما تسقط غيارات من السادس للخامس او الرابع وانى ممكن امشى بالخامس لحد 180 وكلام كتير انا مش مصدق انى راكب عربيه ب130 الف وبندم على كل مليم ادفع فيها
والفيرنا اللى كانت معايا كانت برقبتاه

يا ريت اللى عاوز يشترى الموديل الجديد اللى معايا يسال كويس لاحسن تكون فى مشكله فى الفتيس الجديد ال6 سرعات

وياريت لو حد حصل معاه اللى بيحصل معايا واتحل يارايت يقولى عشان انا مش طايق نفسى

انا ملخص تقييمى عن العربيه اناه مبتفهمش انت عاوز منها ايه والمفروض تمشى ازاى

لو حد يعرف مكان بيتعمل فيه تست دريف للكيا الجديده الفيس لفت يقولى لانى ضرورى عاوز اعرف العيب اللى عندى ده عندى بس ولا عيب فى العربيه عموما ونبدأ نكلم شركة كيا انترناشيونال ولا هيطلع فى الاخر انى بعد 15 سنه سواقة انى مبعرفش اسوق

انا كنت حاسس بنفس المشاكل ومعايا سول 4 غيار بس بنسبة اقل العربية قبل ما تروح الصيانة كانت فوق الممتازة والان حاسس انها عادية جدا واليوم عملت اختبار باستخدام نقل الفتيس الى المانيول لاقيت حاجة غريبة جدا العربية على الغيار الرابع والسرعة لسه 40 واقلل السرعه حتى 20 الاقيها على الغيار الثالث

الصراحة انا اللى كنت غلطان واحد صديق ركب جانبى لاقانى باجيب الفتيس على الn كثيرا وانا ماشى وقال لى ان كده غير طبيعى ومن وقتها اسبوعين حتى الان بطلت امسك الفتيس طالما انا ماشى مع الوقت السحب رجع جميل زى الاول واستهلاك البنزين اتحسن جدا

اخى الكريم انا كانت عربيتى تمام وزى الفل لغاية ما فى يوم لاقيت البطارية نايمة ولما عملت وصلة وكدا لاقيت العربية مخرفة جدا وعملت على حاجات كتير وكشفت على حاجات كتير وغيرت حاجات كتير والعربية زى ما هى لغاية ما واحد كهربائى قالى اسمع نصيحتى وامشى بيها فترة على عيبها لأن العربية بتبرمج نفسها بنفسها من خلال نمط السواقة اليومى
بصراحى انا سمعت كلامة وبعد فترة فعلا المشاكل راحت بالاضافة انى اتعودت عليها بحلوها بوحشها
انت ما شاء الله معاك عربية زى الفل وفى منتهى الشياكة حاول تتعود عليها بحلوها ووحشها لفترة ويا اما هاتصلح نفسها بنفسها يا اما الحاجة اللى معلقة فيها هاتقف خالص
وان شاء الله ربنا يديك خيرها ويكفيك شرها

فيه مركز اسمه امير وجوزيف فى مدينه نصر مركز ممتاز جدا وعندهم احدث الاجهزه هما ناس محترمين جداا
روح خليه يبص عليها وده الموقع بتاعهم وعليه تليفوناتهم كلمهم وهما هيساعدوك ان شاءالله
http://www.aj-autoservice.com/........html

Log In | Facebook

حضرتك لو اول مره تشتري اوتوماتيك فعلا هتحس ان الدنيا ملخبطه
انا كان معاي باسات تربو كان بييجي السابع على سرعة 55 كم
وبعدين زي ما قالوا الجماعه فعلا الاوتوماتيك بيحتاج من 5000 -8000 كم لحد الفتيس ما يحفظ فبتحس بسلاسه و لاحظ ان السته غيار بيحتاج لدوسه معينه هتوصلها بالوقت عشان ساعات الفتيس يهنج و بيبقى مش عارف يكمل على النقله ولا يسقط غيار
وده نفس اللي حصل معاي لما جبت السيفيك زيرو حسيت انها مكتومه بس دلوقتي سحب قوي

والله يا شوكت مش عارف أقولك إيه :(

أنا جبت لواحد صاحبي هنا تويوتا ترسل 1997 أتوماتيك منقيهاله على إيدي
أنا بجيب بيها 140 وبشد بيها مع كامري وألتيما.. هو مش بشد بالمعنى الحرفي أنا بقفل عليهم وأخليهم ورايا وأخنقهم
ولما بعمل كيك داون بترعب من العربية مش التسارع اللي بتعمله لما بتسقط وتحرق

ماعلينا
ربنا يهون عليك لحد ماتعرف تعمل إيه

ملحوظه: عارف في الفور باي فور..مش بتغير غير لما تقف خالص وتنقل بين الأنظمة..
جرب كده ماتنقلش بين الستب والأتوماتيك غير لما تقف وقول لنا النتيجة..

انا ناوي اشتري السول الجديدة ان شاء الله
وقلقت من موضوع الفتيس ده
حد يفهمني ايه المشكلة
وهل هي مشكلة عربية واحدة ولا عيب في الفتيس الجديد؟؟؟
وشكرا

؟؟؟؟؟؟
فين السولاوية......................
انا عايز انزل اشتري بس مستني الردووووووووووووووووووووو ووود

ماعتقدش في حد اشتكى من الموضوع دا في السول قبل كدا و ممكن تكون المشكلة خاصة بعربية حضرتك فقط و مش عامة في كل العربيات السول ولا حاجة

اقتباس:

---

المشاركة الأصلية كتبت بواسطة donzi

ماعتقدش في حد اشتكى من الموضوع دا في السول قبل كدا و ممكن تكون المشكلة خاصة بعربية حضرتك فقط و مش عامة في كل العربيات السول ولا حاجة

---

كلام حضرتكمش مظبوط لأن ما حدش اشتكى قبل كدة عشان الموديل السابق 2011 كان الفيتيس 4 غيار بس انما بداية من 2012 نزل فيس ليفت للسيارة بفتيس جديد 6 سرعات استب ترونك فا الموضوع مش موضوع ان العربية دية بذات فيها مشكلة و زاى ما صاحب المشكلة حكالى ان من 140 ل 160 الغيار السادس بيجي عادى بعد كدة عشان يزود السرعة العربية بتروح مسقطة نقلة و يفضل يحرق على الخامس و طبعا صوت الماتور بيعلى جدا و تاكل بنزيين.

على فكره كل اللى اشترى السول الجديده محدش لسه جرب السرعات العاليه كلله لسه بيلين وانا مستنى حد يقولى عشان احدد اذا كان عيب فى عربيتى او عيب فى سول الجديده عموما او هو ده الطبيعى والعيب فينا احنا

انا خلصت كل تجاربى مع التوكيل لحد الخبير الكورى وبيقولوا ان ده الطبيعى عشان العربيه موتورا الاصلى 2000 وفى مصر بتنزل بماتور 1600 وده اخر الماتور 140 وانها تجيب 160 ده كده كويس على العربيه (ده كلام الخبير الكورى بنفسه)

يا ريت لو حد جرب العربيه فى السرعات او يعرف حد جرب يقول ايه الاخبار

ممكن حد يقولى رأيه فى الفيديو ده

شوف الار بى ام بيعمل ايه والسرعه سابته طريق مستوى ولوحد فى العربيه

11022012008.mp4 - 4shared.com - online file sharing and storage - download

جرب بنزين 95 ياباشا