الموضوع: تغير زيت فتيس اوتوماتيك لنيسان صنى مع فالفولين مدعوم بالصور

احبائى الصقور
من كام يوم كنت سالت هل حد غير زيت الفتيس الاوتوماتيك خارج التوكيل؟
وبعد رد الاعضاء الاعزاء عليا وتقديم النصيحه قررت انى اغير لزيت فالفولين وفعلا اتصلت وحجزت يوم الاحد الى فات
جالى مندوب الشركه ( أ / عاطف ) لحد البيت وهوه انسان زوق جدا و محترم

راح مطلع استاند وحطه قدام العربيه علشان يحط جهاز الشفط عليه

وبعدين حدد كميه الزيت المراد تغيرها ووضع خرطوم الشفط فى مكان مقياس الزيت وبدء شفط الزيت

والحمد لله طلع ان الزيت مازال لونه احمر وهذا يعنى نظافته و نظافه الفلتر لكن طبعا لزوجته قلت
المهم بداء بتجهيز جراكن الزيت وهو max life ATF هولندى الصنع
وعددها اربع جراكن كل جركن واحد لتر ومكتوب على الجركن انه ينصح باستخدام هذا النوع لسيارات قطعت اكثر من 100000 كيلو ميتر

لمهم انه بداء يفتح جركن جركن ويحط من مقياس الزيت برضه ودى احسن حاجه لانه متطرش لفك الطبه بتاعت الكرتيره ولا حتى جه جنبها ودى ميزه

وعلى فكره الجركن فيه خرطوم داخلى محكم الغلق بيتسحب لما تجى تفتح ويقى عامل زى الشليموه فى ازازه ببس

وبعد محط ثلاث لترات بدء بقياس الزيت بعد محركت زراع الفتيس على جميع الاوضاع
وبعد كده راح ضايف نصف لتر وقايس تانى بعد تحريك زراع الفتيس مره اخرى وتاكدنا من وصول الزيت للمنسوب المصرح به كما فى الكتالوج

ثم دفعت تمن الزيت فقط وبالفيزا كارد بمنتهى السهوله
واخذت منه:-
1- فاتوره الشراء
2- اشعار سحب الفيزا والحساب كان 70*4=280 جنيه بس للاسف ورق الفيزا خلص ولكن تم التاكد بتمام سحب المبلغ تانى يوم من خلال اتصالهم بى وهذه النقطه احب اشكرهم عليها واشيد بيها لان الندوب مشى بدون التاكد من سحب الفيزا او اخذ اى مبلغ على ان لو الفيزا مسحبتش هجيلى تانى يحصل المبلغ من البيت
الف شكر مره تانيه لشركه فالفولين لتقديمهم خدمه ممتازه و مندوبين محترمين ومتابعه للعميل
3- اعطونى كارت العضويه الى هيخلينى اخد تخفيضات بعد كده
وانتهت المهمه
نيجى لانطباعى بعد التغير
فى الاول مكنش الفرق واضح اول 20 كيلو متر لكن بعد كده حسيت بفرق واضح فالسحب بقى انعم واسرع وحساسيه الاستجابه عند دوسه البنزين زادت
يعنى تغير الزيت ضرورى مش لاطاله عمر الفتيس بس لاء وكمان تحسين الاداء زى الاول ويمكن اكتر حسب نوع الزيت ..
ارجو ان اكون قد وفقت فى تقديم معلومه مفيده وتجربه جيده وخاصتا اننى حرصت ان تكون مدعومه بالصور
تقبلو تحياتى
عمرو منير

--------

تم تنسيق الموضوع بناء على طلب منسق القسم
مشرف القسم
1ب