الموضوع: اسالونى عن الويرا مشوار من زيروا الى 105 ألف !!

فعلا الويرا مع واحد صاحبى وهيه الحقيقه عربيه ممتازه بالنسبه لسعرها ...افضل من الانوس والفيرنا بمراحل .
وهيه الى عرفتنى بماركه بروتون عموما

ربنا يباركلك فيها وعقبال ال500,000 كيلو ان شاء الله

المشاركة الأصلية كتبت بواسطة TAG_Turbo0

انا كنت عايز أسئل سؤال صغير هل الموتور سحبة فرق بعد 100 ألف ولا لسه زى ما هو
انا هلى فكرة برده معايا ويرا 2008 مانيوال 1300

وتعديل ايه الى انت بتقول عليه؟

موتور الويرا ممتاز وسحبه زى ماهو بشرطين..

1- تستخدم بانتظام زيت موبيل1 + تغير الفلتر كل 10000 كم. انا جربت زيت شل لكن صوت الموتور ارتفع وسحبها معجبنيش
2-تستخدم بوجيهات اصليه. عن نفسى باجيب NJK وهى اللى نازله بيها

بالنسبه للتعديلات ...

1-الاكصدام الخلفى غير محمى (وراه فاضى). ممكن تعمل بار حمايه وتركبه علشان لاقدرالله لو اتخبطت مايبقاش الخبطه فى الشنطه. وده بيبقى بالتنسيق بين حداد نظيف وسمكرى شاطر.
2-تعديل مكلف شويه لوعايز وهو تشيل عداد الحراره وعداد البنزين وتركب عدادات الويرا 1500 الاوتوماتيك. هتسال ايه الفرق؟ بص يا باشا مكان عداد الحراره بيركب عدادين للحراره والبنزين ومكان عداد البنزين بيركب عداد RPM
3-تركب 2 مرايه كهرباء بدل المانيوال وممكن تركب اليمين فقط
4-تزود قوة الاناره للفوانيس الاماميه عند كهربائى وطبعا تجيب كتاوت ونصيحه اللمبات تكون المانى (تحفه ومش غاليه) - الشغلانه على بعضها مش غاليه فى حدود 200جم. خلى الكهربائى يثبت الكتاوت تحت البطاريه هتلاقى مكان له

اتمنى اكون افدتك

وبعدين انت جبت منين الويرا دى 2008؟ انا كنت عاوز اجدد ويرا تانى بس 1500 . سالت عز العرب قالى بطلوا ينتجوها !!!!!!!!!

المشاركة الأصلية كتبت بواسطة MohabSaeed

فعلا الويرا مع واحد صاحبى وهيه الحقيقه عربيه ممتازه بالنسبه لسعرها ...افضل من الانوس والفيرنا بمراحل .
وهيه الى عرفتنى بماركه بروتون عموما

ربنا يباركلك فيها وعقبال ال500,000 كيلو ان شاء الله

تسلم يا باشا وشكرا لمرورك وردك الجميل

استاذ Dandana

انا معيا ويرا موديل 2004
ماشى بيها لحد دلوقتى 50000
المهم يا سيدى العربية ما شاء الله ممتازة بس فيه شوية عيوب مضيقانى يمكن حضرتك يكون عندك حل ليها
اول موضوع استهلاك البنزين تقريبا بتعمل 11 كيلو فى اللتر (مع العلم انها 1300)
العيب التانى انها فيه حدفة يمين محدش عارف يصلحها و اخر حاجة بيقولوا اروح عند حداد يظبط القنطرة و بعدين اظبط زوايا
لو ميضايقش حضرتك تغششنا عملت موضوع الاكصدام الخلفى فين؟ و موضوع عداد الRPM عملته فين؟ لانى نفسى اعلهم بصراحة.

المشاركة الأصلية كتبت بواسطة Karim Salem

استاذ Dandana

انا معيا ويرا موديل 2004
ماشى بيها لحد دلوقتى 50000
المهم يا سيدى العربية ما شاء الله ممتازة بس فيه شوية عيوب مضيقانى يمكن حضرتك يكون عندك حل ليها
اول موضوع استهلاك البنزين تقريبا بتعمل 11 كيلو فى اللتر (مع العلم انها 1300)
العيب التانى انها فيه حدفة يمين محدش عارف يصلحها و اخر حاجة بيقولوا اروح عند حداد يظبط القنطرة و بعدين اظبط زوايا
لو ميضايقش حضرتك تغششنا عملت موضوع الاكصدام الخلفى فين؟ و موضوع عداد الRPM عملته فين؟ لانى نفسى اعلهم بصراحة.

أولا اسف على التأخير فى الرد

ثانيا موضوع استهلاك البنزين ده له كذا سبب..
1-تشغيل التكييف
2-حرق على الغيارات (بالعربى بتشد مع عربيات)
3-بوجيهات محتاجه تغيير
4-الموتور محتاج تظبيط (بجهاز موجود عند اميروجوزيف خلف حديقة الطفل او الوكيل)
اخيرا لازم تكون بتحط 92 (طبعا انا باشك اصلا يكون 80)لان حسب توصيات الكتالوج لازم تستخدم بنزين اوكتين 91 او اعلى

على فكره اول 3000 كم كنت باستخدم 90 وكانت العربيه مخنوووووووووووقه. لما غيرت الى 92 فاقت. نفسى اجرب 95 بس خايف العربيه يعجبها :)

موضوع الحدفه
بافتراض انك معملتش حوادث مؤثره او اخدت خبطه فى المقص او القنطره زى ما بتقول
1-الجنوط الاسبور سهل انها تتعوج من الحديد وده ممكن يحصل فى بلدنا بسهوله من مطب او حفره او حتى غطى بلاعه خصوصا لو على سرعه. لو مريت بحاجه من دول لازم لازم لازم تروح ترصص وتقف على دماغ اللى شغال وتشوف بعينك لو فيه رفه فى الجنوط ساعتها لازم تستعدلها ومش مانيوال (مطرقه عند بتاع الكاوتش) لازم عن طريق واحد بيستخدم مكبس. بتطلع فله.
2-لو ماكنتش غيرت الكاوتش لازم تغيره (كفايه قوى 50000) خصوصا لو لسه فيها الاصلى بريدج ستون لانه بيبقى ناشف وبيحدف.

من الاخر ترصيص وزوايا للكشف على الجنوط وتغيير الكاوتش وانسى فتوى القنطره لو سليمه

معلش مرهق النهارده وتعبت من الكتابه. بكره ان شاء الله نكمل

تسلم با باشا على الرد هو انا فعلا غيرت الكاوتش اللى قدام بفردتين جداد
و مستنى كده اى فلوس تيجى اضافية و اغير اللى ورا كمان
انا الحمد لله العربية مخبطش بيها اى خبطات غير العادى الحفر و المطبات اللى فى كل حته فى مصر.
كنت عاوز اعرف منك موضوع الاكصدام ده ايه اللى ممكن يتعمل فيه ، لاته كل شوية الكلبسات اللى شيلاه تتكسر و العربية مركونة (حد يريح زياده عن اللزوم مثلا) .