الموضوع: كل اللي بيحب مجلة ميكي يتفضل معايا :)

السلام عليكم

اعتقد مفيش حد فينا ماقراش ميكي ولا بيحبها من هوا قااااااااااااد كدا و انا عن نفسي مازلت بحبها جدااااا و بجيبها علطول و حتى و انا في الشغل كنت لما اجيبها مديري يقعد يطلب مني شغل و اقوله لما اخلص ميكي الاول يقوللي يا بنتي حرام عليكي عاوزين نطل عالاوردر اقوله طيب اخلص اول حدوتة و اعمل الاوردر و كنا بنجيبها لبعض انا و اتنين زاميلاتي كل اسبوع واحدة فينا تجيب التلات مجلات ليها و للاتنين التانين

و حاليا بما اني قاعدة في البيت و مابنزلش فا ماما لما بتزل تجيب الجرايد ( المصري اليوم و الدستور و اليوم السابع ) جندتها تجيبلي ميكي معاها و هي تقعد تقرا الجرايد و انا اقعد اقرا ميكي و هي تقوللي متاكدة انك خدتي الابتدائية ؟؟ و بخبيها من العيال ولاد اختي لحد ما اخلصها و اقراها مرتين تلاتة و بعدين اديهلهم

المرة دي قلت اشارككم باخر عدد وصلني من ميكي للي يحب يقراها زيي و لو عجبتكم الفكرة هاكملكم باقي العدد و كل ما تجيلي هانزلهلكم لو تحبوا

ها مين قال جي ؟؟