اخدت سلف دفنس ف وشييي

**A_H_M_A_D** · 18-01-2012 09:56 AM

بصراحة في وقت زي اللي إحنا فيه دلوقتي , أقدر أقولك إنها معذورة لإنها كانت مذعورة :)

**human** · 18-01-2012 09:59 AM

المشاركة الأصلية كتبت بواسطة surfer3098

أنا مش متضايق خالص بالعكس أنا لموضوع بالنسبالي كوميدي جدا أولا لإن مهما اعدت أوصف حالة لعربية لهي خايفة عليها مستحيل اوفيها حقها حاجة كده طالعة من لخرابة لفة وراجعة تانيام قوي بس اوعي تشمي لورقة نفسها هتزعلي جامد xd

**Dojuar** · 18-01-2012 10:56 AM

يا باشا ده أنا لو مكانك بعد ماخده في وشي و بعد ما الكوتش اتفرتك كنت اتكومت على الأرض من الضحك

تستاهل الصراحة

مش انت طبعا :))))

**Xander2010_Evo** · 18-01-2012 01:37 PM

ههههههه
تعيش وتاخد غيرها والحمد لله علي قد كده وكويس إن مكنش معاها إليكتريك
..........
من 3 أسابيع كنت أنا ووالدي والدتي فالقاهرة وماشيين ف صلاح سالم عادي ورايحين حتة معينة
فالمهم معظم الطريق كانت ماشية قدامنا عربية وتقريبآ عنده زي حالة هلع أو ذعر بس بطريقة غريبة
الراجل ده إفتكرنا ماشيين وراه عاوزين منه حاجة أو بنراقبه :))
يطلع إيده من الشباك وعمال يشاااااور لأااااااا وقعد يزعق "متمشيش وراياااااااااااااااااا إبعد عنييييي"
ولحد دلوقتي معرفش ماله صراحة
وفي نفس اليوم كنا ف زيارة لأقاربنا فالبساتين
ووالدي ركن العربية ونزل يجيب حاجة .. لاقينا صاحب المحل طالع وبيتخانق معانا "أنا قولت محدش يقف هنا وإمشوا من هنا" مع إننا كنا راكنين بعيد عن المحل بتاعه ف حدود 4 متر والعربية دايرة أصلآ ومش هنقف 5 دقايق علي بعض
تقريبآ حالة الذعر دي منتشرة جدآآآآ فالقاهرة بطريقة غريبة

**surfer3098** · 19-01-2012 03:22 PM

هو من ناحية الضحك أنا كنت بموت من الضحك أول مالعجل اتفارتك وأمين الشرطة مات من ضحك فعلا xd أما بالنسبة للذعر فـلأ أنا ماصادفنيش حالات من دي خالص البنت دي كانت حالة شاذة لا تمثل حالة لمجتمع بتفكرني كده بنوعية بنات في الجامعة بيبقوا معتقدين إن لجامعة كلها بتعاكسهم

**bmya** · 19-01-2012 04:59 PM

بص ياباشا انت متعرفش اصلا البنت دي عملت ليه كده مش جايز اتعرضت لموقف قبلل كده خلاها خافت منك
وبعدين معلش يعني هي ولا تعرفك ولا تعرف نيتك واكيد هي بنت وبتسمع عن بلاوي بتحصل اليومين دول فأكيد لازم تخاف ده غير ان في ولاد بيحبوا يستظرفوا (مش قصدي عليك طبعا ) وممكن يقول كده ومفيش حاجه نايمه وانا عن نفسي لما حد بيقولي كده بنفض وبعدين لما امشيب شويه انزل اتأكد وصراحه اليومين دول الواحد معدتش بيطمن
عشان كدها اعذرها وانت نيتك خير وربنا يجازيك على نيتك وياريت ما تضايقش من كلامي بس انا لقيت كله قلب تريقه على البنت دي واحنا منعرفش هي عملت ليه كده او كانت بتفكر في ايه