+111111
فيه مناطق حرة فى دبى و الشارقة و رأس الخيمة و تقريباً فى عجمان كمان.
مش محتاج شريك مواطن بس الدنيا مش وردى قوى برده.
على حسب ما سمعت من واحد صاحبى كان بيحاول يفتح شركة أن مش كل المجالات مسموح بيها فى المناطق الحرة.
و بالنسبة لموضوع الكفالة فهو نصيب............طلع نصيبك مع واحد ابن حلال مفيهاش مشكلة
طلع نصيبك مع واحد طماع هيوريك الويل.
فى قطر مفيش مناطق حرة خالص يعنى لازم كفيل.
و بالنسبة لل virtual office
ده عبارة عن مكتب أفتراضى.........بيكون ليك مكتب فى مكان محدد ضمن شركات تانية فاتحة بنفس الطريقة......و ليك رقم تليفون و فاكس بتوعك و نت بتشاركو فيه كلكم ( أنت و المكاتب اللى فاتحة حواليك) يعنى المكان اللى أنت قاعد فيه مش بيبقى مكتب مقفول لشركتك و لكن بيكون أشبه بمكان معمول بارتشنز كل بارتشن فيه شركة.
أهم حاجة غير التسويق و إيجاد عملاء ليك هو أنك تشوف المجال اللى هتشتغل فيه و يكون مجال مفيهوش دفع أجل............يكون كاش.............الناس اللى أعرفهم هنا شغالين خاص نوعين
نوع بيشتغل فى حاجات أجلة........و ده بيعانى......و ميقدرش يبيع كاش بسهولة علشان الحاجة اللى بيشتغل فيها كل الناس اللى شغالة فيها شغالة أجل
و نوع بيشتغل فى حاجات كاش و دول حالهم ماشى شوية.