لمبة الservice نورت والباور فصل وبعدين رجعت اشتغلت لوحدها

**osamasindbad1** · 16-01-2012 10:57 PM

السلام عليكم يا وحوش الميجان
النهارده كنت ماشي بالعربيه وبطلتها شويه ولما رجعت ادورها تاني لقيت الشاشه مش منوره ولمبة ال service هي اللي منوره بس و باور الدركسيون فاصل واشارات الانتظار شغاله لوحدها دليل على الطواريء بطلت العربيه ودورتها نفس المشكله مشيت بيها حوالي 20 متر وبطلتها ودورتها تاني رجعت طبيعيه ولمبة السيرفيس انطفت يا ترى ايه المشكله احسن ممكن تتكرر تاني وعايز الحق المشكله في اولها عشان ما تعملهاش معايا في مكان ولا وقت مش مناسب ارجو الرد من وحوش الميجان واسف للاطاله .

**shawkylotfy** · 17-01-2012 01:24 AM

المشاركة الأصلية كتبت بواسطة osamasindbad1

السلام عليكم يا وحوش الميجان
النهارده كنت ماشي بالعربيه وبطلتها شويه ولما رجعت ادورها تاني لقيت الشاشه مش منوره ولمبة ال service هي اللي منوره بس و باور الدركسيون فاصل واشارات الانتظار شغاله لوحدها دليل على الطواريء بطلت العربيه ودورتها نفس المشكله مشيت بيها حوالي 20 متر وبطلتها ودورتها تاني رجعت طبيعيه ولمبة السيرفيس انطفت يا ترى ايه المشكله احسن ممكن تتكرر تاني وعايز الحق المشكله في اولها عشان ما تعملهاش معايا في مكان ولا وقت مش مناسب ارجو الرد من وحوش الميجان واسف للاطاله .

شوف قاعدة علبة الفيوزات الى فى الكبوت هتلاقيها سايحة او ممكن فيوز لازم تتحل العلبة علشان تكشف عليها ولازمك مركز متخصص علشان دة شغل كهرباء وعايزة واحد فاهم العربية

**ahmed_oth** · 17-01-2012 11:26 AM

لو انت من سكان الجيزه او الهرم اطلع على طول على مركز عثمان للرينو ده مركز معتمد من رينو هيعملك كشف كمبيوتر على المشكله ديه ب 100ج ,,ناس ممتازه عندهم ناس بتفهم ومحترفين وبالذات فى الكهرباء
مكانه فى محطه التعاون فيصل قبل الطوابق
ورقمه 0101516528

**midohits** · 17-01-2012 06:16 PM

شف علبة الفيوزات هاتلاقي فيه فيوزات بايظه او سايحه واكشف عليها في التوكيل اضمن

**osamasindbad1** · 17-01-2012 07:24 PM

المشكله دي ظهرت شويه ورجعت اختفت تاني والعربيه ماشيه كويس دلوقتي لكن واضح اني لازم اكشف عليها في مركز صيانه . وشايف من الردود ان مركز عثمان ده كويس بس عايز اعرف المركز ده احسن ولا صقر قريش لاني لسه مش خبره في موضوع الصيانه ياريت حد يفيدني فين افضل مكان مع العلم اني من سكان المريوطيه ولكم الشكر .

**ahmed_oth** · 18-01-2012 12:15 PM

بص عندك مركز عثمان معتمد من رينو فى فيصل
وعندك احسن ورشه للرينو فى صقر قريش اسمه عادل زوايا هو ارخص من مركز عثمان وعنده كشف كمبيوتر بس مش معتمد وانا بصراحه مجربتش اروحله قبل كده اما عثمان اتعاملت معاهم وشفت شغلهم ناس كويسه جدا
ولك حريه الاختيار

**osamasindbad1** · 18-01-2012 07:43 PM

شكرا لردك يا استاذ احمد مش مشكله يكون اغلى شويه المهم انه يكون مركز مضمون والخدمه فيه كويسه وربنا ما يحرمنا من وحوش الميجان اللي دايما عند حسن الظن والله بجد انا حبيت الميجان لما دخلت الموقع هنا وشوفت تعاون الناس وده اللي شجعني اكتر اني اشتريها شكرا يا شباب

**ahmed_oth** · 19-01-2012 12:15 PM

لما تخلص وتحل المشكله ابقى اكتبلنا ايه الاخبار

**osamasindbad1** · 20-01-2012 06:41 PM

والله يا استاذ احمد انا مسافر بعد يومين وها اغيب اكتر من شهر فاجلت مشوار عثمان ده لما ارجع ان شاء الله هي العربيه ماشيه دلوقتي كويس واللمبه طفت في ساعتها بس مؤشر البنزين هو اللي مش شغال حاليا مش عارف هل هو ده سبب المشكله ولا ايه عموما لما ارجع ها اخدها مركز عثمان واكشف واشوف ايه المشكله اشوفكم على خير

الموضوع: لمبة الservice نورت والباور فصل وبعدين رجعت اشتغلت لوحدها

LinkBack

أدوات الموضوع

عرض

لمبة الservice نورت والباور فصل وبعدين رجعت اشتغلت لوحدها - انشر الموضوع فى :

-

-

-

-

-

-

-

المواضيع المتشابهه

ازاى فية عربيات بتدور من اول تكة مرش وبتزود rpm لوحدها وبعدين يرجع زى مكان

O-D off في الماتريكس اوتوماتيك نورت لوحدها و مش عارف اطفيها

لمبة التشيك نورت

وبعدين بقى مع لمبة Check

لمبة ال epc نورت...

الكلمات الدلالية لهذا الموضوع

المفضلات

المفضلات

ضوابط المشاركة