مساعدة لمعرفة راتب مناسب بالسعودية لمهندس خريج 2002
وخبره 13 سنه فى الاى تى
1- مدير مشروعات سوفتوير خبره خمس سنين مدير مشروعات
2- تيكنيكال بروجكت مانجر خبره 6 سنين
3- sql dba خبره 8 سنين
مرتبات الوظايف اللى فوق فى السعودية تبقى كام؟
عرض للطباعة
مساعدة لمعرفة راتب مناسب بالسعودية لمهندس خريج 2002
وخبره 13 سنه فى الاى تى
1- مدير مشروعات سوفتوير خبره خمس سنين مدير مشروعات
2- تيكنيكال بروجكت مانجر خبره 6 سنين
3- sql dba خبره 8 سنين
مرتبات الوظايف اللى فوق فى السعودية تبقى كام؟
انا لما كنت سينيور كان المفروض المرتبات في حدود 12
اعتقد بالخبرات دي مش اقل من 20 غير سكن وعربيه وتامين
مافيش حد تانى؟؟
كنت حابب افيدك ، بس انا معرفش حاجة عن السعودية
بس نصيحة أخوية
طالما عندك خبرة فوق ال 10 سنين
لا تقبل باقل من 30 الف فى الخليج عموما
لان تكلفة المعيشة غاليه على جميع المستويات
سواء التعليم ، السكن ، السفر والهدايا ، المصاريف الشخصية
ودايما خلى بالك من النقاط الاتية
الضمان الصحى يجب ان يكون شامل ليك وللعائلة وده امر ضرورى ومهم جدا
هل فيه تذاكر سفر سنوية ؟ وهل تشمل العائلة؟
الراتب الاساسى لازم يكون معتبر ولا يقل على تلت المرتب علشان مكافاة نهاية الخدمة
اما فى الخليج لاما تشتغل فى شركة اجنبية وذات ادارة اجنبية او فى جهة حكومية
وكده تضمن المعاملة الممتازة والادمية وعدم ضياع حقوقك ونزول المرتب فى ميعاده والخ من المميزات
ويوجد حاجة مهمة
عدد ايام الاجازة السنوية وهل هى بعدد ايام العمل ولا ايام ميلادية شاملة الاجازات وايام الجمعه والسبت بافتراض ان السبت اجازة
اخيرا وليس اخرا
لو انت وضعك المادى كويس فى مصر ، لا تسافر وتتغرب لان فيه حاجات معنوية واسرية هتفقدها من غير ما تحس
بص حضرتك نصيحة مني ليك إحسب الموضوع بالراجع , إزاي يعني ؟؟!!
يعني شوف انت هتكون فين في السعودية و السكن بكام في السنة , يعني مثلا في مناطق ممكن تسكن فيها بـ 18000 ريال في السنة و في مناطق ممكن يكون السكن فيها بـ 35000 أو 40000
مدارس الولاد , في هناك كل مستويات المدارس من أول الحكومية و دي ببلاش تقريبا و فيه المدارس الخاصة و منها بـ 5000 و 10000 و في كمان المدارس الدولية بـ 25000 و 30000 و حاجات زي كده
المستوي المعيشي اللي انت تحب تعيش فيه هناك , يعني انت بتحب تصرف و كده علشان ده يحدد مصاريفك الشهرية
تذاكر السفر ذهابا و إيابا كل سنة
مصاريف الانتقالات هناك , يعني لو هتشتري عربية و مصاريفها شهريا و لا الشغل هيوفرلك عربية
التأمين الصحي , هل فيه تأمين ليك و للأسرة و لا لأ ؟؟ , و خلي بالك العلاج غالي جدا في السعودية
و بعد ما تحسب كل ده شوف أنت عايز تحوش كام كل شهر علشان يكون مقابل مجزي للسفر و الغربة
إحسب كل ده و شوف هيعمل كام كل شهر و إعمل حسابك انت تطلع على المبلغ ده أو أكتر منه
لأ مش قصدي كده تحديدا
بس أصل فيه ناس أما بتلاقي ان الرقم المعروض عليها في رينج المرتبات الموجود في السوق بتوافق و تطلع على المبلغ ده و بعدين أما يسافر هناك و يحتك بالوقع هناك يحس ان السفر مش جايب همه
بس برضه لازم تكون عارف المرتبات حواليك عامله إزاي علشان متطلبش أقل منها
و خلي بالك أن الموضوع فيه مفاوضات كتير حول الراتب و المميزات الأخري , يعني لو أنت عايز فعلا الشغلانه و شايف ان خبراتك كبيرة في المجال ده و هما مصريين عليك , إضغط علشان تاخد أكبر مميزات ممكنة
والله انا من خلال تجربه والدي هو اي حاجه برا مصر احسن بكتير من مصر
اضف الى ذالك العيشه المحترمه عدم الازدحام عموما المعيشه مش اغلى خالص خصوصا في السعوديه واسعار البنزين والسيارات والالكترونيات وكل حاجه ارخص الا في حاجه وحده وهي الايجارات
ف انت اكتر حاجه تحاول تضمنها شقه على حسابهم وتامين صحي واحيانا بيبقى فيه تعليم الولاد د تبقى ميزه في الجون تعلم ولادك في انضف اماكن
بس طبعا اعمل حسابك ان الشغل شغل مفيهوش تهريج بس هتتعب وهتلاقي قصاد تعبك فلوس وفرص احسن
من 25 الى 30 الف
و برده بيختلف حسب المكان اللى انت رايحه
و طبعا باقي الباكج معروف لان شركه هاتدي رواتب كده مش هاتبقى تعبانه