تحذير للاخوه الاعضاء من بتوع الكاوتش

**memo_hefnawy** · 28-05-2008 08:10 AM

صباح الخير يا خالُود فداك يا عم الكاوتش و الحمد لله على كده و إنها ماعملتش معاك حركة تحت البيت أو الشغل

شوف الموضوع مش مستاهل إنت تروح للواد بتاع الكاوتش ده و معاك واحد صاحبك حلو كده شكله يدى على ظابط و قوله فين تراخيص المحل و البطاقة الضريبية و إنت عملتلى إمبارح 6 إخرام يا حرامى طلع بطاقتك و إدخل فيه شمال من غير ما تعلى صوتك بس بحزم و كلام ناشف و قوله أنا هاشمعلك المحل ده و شوف هاتلاقيه فى ثوانى بقى ذى الكتكوت المبلول إعمل فيه إللى يريح ضميرك و ظبطه و إمشى

**sab3aawy** · 28-05-2008 08:18 AM

نصيحة احتفظ معاك بمنفاخ من اللى بيشتغل على الولاعة

تمنه كله 50-60 جنيه ، وهيرحمك من التعامل مع الأشكال الغير محترمة دى تماما، مش هتضطر للذهاب لورشة الكاوتش غير لو مخروم ، وحتى فى هذة الحالة انت ممكن تنفخ الكاوتش وهو مخروم وتمشى بيه لحد مركز خدمة الكواتش اللى يعجبك وتكون واثق فيه على غرار برديجسوتون مثلا

**khalid_adel** · 28-05-2008 08:40 AM

انا فعلا عندي الكمبروسر بتاع الهوا ده واستخدمته كذا مره بس المشكله انه بطئ شويه وعايز صبر يعني مينفعش لو مستعجل زي ما حصل معايا كده
بجد انا مش عارف اعمل ايه في الراجل ده انا خلاص مش حاعمل فيه حاجه وربنا يعوضني بس انا عايز اوقفه عن الموضوع ده لان المره الجايه ممكن يعملها تاني وتالت في ابويا ولا اخويا ولا اي حد تاني فحرام بجد
ازاي اوقف الراجل ده مش عارف !!!؟