السلام عليكم ورحمة الله وبركاته

نويت اني اركب فلتر سبور للياريس

واكتشفت انه فيه مشاكل عشان يركب الفلتر عليها بطريقة صحيحة

وتكملة للاستفسارات في الموضوع التالي

الياريس مش بيركبلها فلاتر اسبور ! ! ايه الحل ؟ ؟

المهم كلمت عادل وجدي صاحب TPS Garage اللى هو ماسك توكيل K&N وقالي اديني رقم الفلتر اديتله رقم الفلتر المناسب للعربية وقالي هشفهولك رجعت اتصلت بيه تاني قالي مش موجود بس عندي فلاتر تانية تركب للياريس

قلتله خلاص انا جيلك وطخيت مشوار محترم جدا جدا جدا للحرفيين

وبعد ماوصلت وبص في الكبوت قالي انت عندك Air Mass مش هينفع نركب فلتر

قلتله يعني ايه ؟ قالي ده سينسور هوا وعشان نركب لازم نقطع العمة من بعد السينسور ونركب الفلتر مكانها

قلتله لاء مش عايز اقطع لان سعتها لو حبيت ارجع تاني للاستوك لازم اشتري العمة بالماسورة بتاعتها

ودي صورة لحوض العربية موضح فيها مكان السينسور والقطع اللى هو كان عايز يعمله



قلتله مافيش حل تاني ؟ قالي الحل التاني انك تركب Filter Replacement بيركب جوة العمة اللى موجودة عندك



اللى هو موضح بالصورة ده

قلتله بكام قالي 405 بس قالي بيحسن الاداء بشكل نسبي زي الفلتر المخروطي واقل منه بحجات بسيطة ! قلتله طيب هاته وامري لله ماهو مافيش حل غيره ولو انه ماكنش عاجبني بس قلت مش معقول هضرب المشوار ده كله على الفاضي

المهم قعد يدور عليه قالي مش موجود لعربيتك

قلتله طيب انا عايز الفلتر المخروطي قالي مش هيركب بسبب الحساس والا لازم تجيب ال Kit بتاعها كامل

اللى هو ده



قلتله ده بكام ؟ قالي ده مش موجود بس هنبعت نجيبه اوردر من برة وهيكلف 1900 جنيه وهيجيلك بعد 30-45 يوم !

قلتله 1900 جنيه ؟ ؟ قالي ده الحل الوحيد بالنسبة ليك

------

طبعا مش معقول هدفع 2000 جنيه في فلتر هواء

واكيد مش هتعامل مع عادل وجدي تاني لانه خلاني ضربت مشوار محترم على الفاضي وكان المفروض يكون عارف موضوع السينسور ده من قبل ماروحله ويكون معرفني الدنيا فيها ايه لكني رحت على اساس انه قالي عنده فلاتر تركب للياريس


نرجع لموضوعنا

--

موضوع السينسور ده ملوش اي حل ؟ لاني افتكر اني شفت موضوع لواحد برضو عربيته فيها نفس المشكلة وكان فيه في احد الردود طريقة لتجاوز المشكلة دي بس مش فاكر

فايه الحل يا جماعة ؟ ؟ ؟