الموضوع: يا رجالة فى حد اتعامل مع شركات الحاق العمالة للخارج ؟؟

حضرتك ايه ظروف التعاقد؟؟؟

اتأكد من المكان و قلهم عايز سكن عائلي عشان اهلي هيقولولك تيجي لوحدك الاول وبعد كده نجبلك سكن عائلي
متوفقش عشان مش هيجبولك لكن اشرط الاول انك تقعد لوحدك في السكن العائلي عشان متقعدش مع حد

و اتأكد من المكان يعني انا كنت روحت قالولي تبوك طلعت تبوك نفسها المحافظة يعني ناس تانية قالولهم تبوك لكن ودوهم حتة اسمها حقل بعيده عنها و طبعا ريف و بدو و حاجة وحشة جدا

العمولة بئا هيوقولك مرتب شهر هناك قلهم طبعا لا و اتقل و اديهم الفين 3 و اتقل عليهم بس كده و ربنا يوفقك

السلام عليكم ورحمة الله وبركاته
أنا أعمل كطبيب وسافرت عدة مرات للعمل بالسعودية وجايز بالنسبة لى يكون الموضوع أسهل لأنى لا أسافر إلا عن طريق شركة أكون عرفت تاريخها كويس وأيضا يجب أن يكون العقد واضحا فى بنوده ويتاح لك قرائته بتمعن ويجب أن تستشير شخص أخر سافر قبلك. هذه الشركة التى ذكرتها لا أعرفها إسأل عنها وادخل على النت لترى أى تعليقات عليها. أخيرا: هناك فعلا عمولة رسمية معترف بها من حكومتنا لشركات التوظيف وهى 2% من مرتب سنة

جرب بس حاول ما تقعلهمش بفلوس كتيير يعنى ممكن الف او الف و نص بالكتيير لتخليص الاوراق

الموضوع ده مراحل
انت بسال على اول مرحلة وهي مكاتب السفريات
مفيش اي مشكلة فيها ياباشا
العمولة الرسمية 2% من أجر سنة شاملة كل الرسوم (يعني انت بتسلمهم الشهادات والباسبور وتمضي على العقد وترجع تاني تستلمهم متوثقيق والباسبور عليه التأشير والعقد موثق من القنصلية السعودية ومكتب العمل المصري)
لو عايز تطمئن من جهة مكتب السفريات طبعا بعد ما تعمل المقابلة تروح مكتب العمل اللي في صلاح سالم بجوار بنك القاهرة (مش فاكر بالظبط اسم الشارع هو آخر النفق اللي واخد من صلاح سالم من امام عمارات العبور لمدينة نصر طريق الاوتوستراد عند المخرج بتاع مدينة نصر)

دي اول مرحلة لما ربنا يتتمها بخير وتعمل المقابلة وتقبل وتاخد عرضهم قولهم هفكر وارد عليكم وتعالى ياباشا نتناقش في المرحلة التانية