كيا ريو2012 هاتش باك...تقرير كامل مصور!
بسم الله الرحمن الرحيم
الاول نبدا باول تقرير اعمله فى حياتى وفاعذرونى لو فيه اى اخطاء
نبدا على بركه الله
العربيه كيا ريو هاتشباك 1400 سى سى
الفئه اللى معمول عليها التقرير اول فئه اتوماتيك خليجى
سعرها فى المعارض حاليا 102.000 جنيه وبحكم شغلى ونايل موتور قدرت اجيب للاعضاء خصم خاص للاعضاء 1000 جنيه او اكتر ان شاء الله عند التنفيذ
السياره من الخارج
السياره ملامحها هجوميه بعض الشئ لا تشبه باقى العائله من سيارات كيا السياره تندرج تحت فئه الهاتش باك
الشكل جيد جدا
http://img708.imageshack.us/img708/9987/16012012070.jpg
http://img860.imageshack.us/img860/1215/16012012066.jpg
http://img28.imageshack.us/img28/193/16012012067.jpg
من الخلف ويوجد مساحه للزجاج الخلفى
http://img267.imageshack.us/img267/1103/16012012068.jpg
جنوط حديد 4 مسمار بطاسات طبعا علشان دى الفئه الاول فى الفئات الاعلى فيه بتزيد بجنط
http://img855.imageshack.us/img855/9766/16012012065.jpg
السياره من الداخل
مجرد ما تدخل العربيه تحس انك فى عالم كيا وانك رجعت للعائله وده بتشوفه كويس بتصميم التاره والفتيس وشكل الكاسيت اللى متقارب مع السيراتو والسول وحتى الكارينز والبيكانتو
http://img600.imageshack.us/img600/9971/16012012056.jpg
التاره ملمسها مريح ومن الجلد بالنسبه للفئه الاولى زى دى كويس جدا وفيها 1 ايرباج فى التاره
http://img703.imageshack.us/img703/9409/16012012057.jpg
التاره مفهاش ملتى فاكشن مجرد 2 زرار واحد trip لوظائف الكمبيوتر
والتانى ل reset الصراحه شكلهم حلو
http://img822.imageshack.us/img822/6441/16012012053.jpg
وده الكاسيت البلتى ان وهو تقرييا او فيه شبه كبير جدا بينه وبين كاسيت البيكانتو الشكل الجديد
وفيه مخرجين usb و aux
http://img855.imageshack.us/img855/8791/16012012075.jpg
وبرضوا فيها مخرج ل 12 فولت وولاعه
http://img861.imageshack.us/img861/2448/16012012054.jpg
التكيف بكر فى الفئه دى والصراحه منظم وسهل فى الاستخدام وفيه كام زرار من كيا كده شكلهم جداد بس معجبونيش اوى
http://img14.imageshack.us/img14/4964/16012012055.jpg
الفتيس وده الفتيس الجديد ال 6 سرعات بالستيب ترونك + و - فيه
http://img848.imageshack.us/img848/1738/16012012073.jpg
المخدع اللى فى النص ده مريح جدا فى السواقه و برضوا فيه اماكن تخزين جواه
http://img806.imageshack.us/img806/6828/16012012074.jpg
شكل الكونتاكت :O_stupid[1]:
http://img221.imageshack.us/img221/4537/16012012071.jpg
لمبه الصالون ومفيس غير لمبه الصالون واحده بس فى وسط العربيه ومفيش حامل نظارات فى العربيه
http://img594.imageshack.us/img594/6102/16012012063.jpg
شكل المفتاح المطواه :verygood: بس حسيت ان هو ضعيف جدا وانا بدور العربيه او بتطلعه من الكونتاكت حسيت ان هو هيتكسر بس شكله تحفه وفيه زرار تفتحه من الشنطه
http://img576.imageshack.us/img576/5620/16012012064.jpg
العربيه فيها درج تخزين كبير و فيه لمبه
http://img855.imageshack.us/img855/3362/16012012061.jpg
للاسف العربيه مفهاش غير 2 زجاج كهرباء بس فيها مريات تحكم بالكهرباء وسنتر للعربيه كلها بابالشنطه
http://img267.imageshack.us/img267/1184/16012012062.jpg
نيجى بقى لعدادت العربيه واللى صراحها شكلها وتصميمها ممتازه من وجهه نظرى
http://img202.imageshack.us/img202/9705/16012012052.jpg
العربيه فيها كمبيوتر بيعرض النقله بتاعت العربيه و عدادين trip و البنزين يمشيك كام كيلو ومتوسط الاستهلاك كام
http://img836.imageshack.us/img836/8537/16012012058.jpg
http://img69.imageshack.us/img69/7124/16012012059.jpg
ودلوقتى مع المفاجاه الاولى اللى كانت ليا خالى بالكم فى مفاجاه تانيه فى اخر التقرير مش هتصدقوها بس دى فى الاخر خالص المهم المفاجاه الاولى ان العربيه دى فيه حاجه اسماها eco وطبعا زى ما انتم عارفين eco دى اختصار ل economy يعنى اقتصادى او القياده فى الظروف الاقتصاديه اللى بتخليك تستخدم العربيه باقل تكاليف تشغيل تقريبا حسب فهمى للموضوع لو حد عنده شرح اكتر يبقى يقوله ومن الملاحظ ان ده نهج الشركات حاليا بتبعه زى الالنترا الجديده والسيفك الجديده برضوا فيها الحكايه دى وده شكله فى العربيه الريو
http://img850.imageshack.us/img850/9533/16012012060.jpg
دى شكل شنطه العربيه والشنطه الصراحه واسعه بالنسبه لعربيه هاتش باك والكراسى بتقفل 1/3 و 2/3 وتزيد طبعا مساحه التخزين
http://img546.imageshack.us/img546/7632/16012012069.jpg
ده شكل العربيه من وراء وهو منور النور والفوانيس فى الفئه دى عاديه مش ليدت
http://img577.imageshack.us/img577/6684/16012012076.jpg
ودى صور لحوض العربيه والموتور ال 1400 سى سى الصراحه معنديش معلومات عنه اوى عن جهل منى مش اكتر اكيد الاعضاء هيفيدكم اكتر فى الجزئيه دى
http://img163.imageshack.us/img163/4182/16012012077.jpg
http://img827.imageshack.us/img827/1023/16012012078.jpg
وهنا بنكون وصلنا تقريبا لنهايه التقرير مفضلش غير فيديو صغير بيترفع وانا بكتبلكم التقرير
تقيم شخصى للعربيه من غير سواقه مجربتهاش سواقه
العربيه شكلها رائع واسعه من جوه على عكس اللى بتشوفه من بره العربيه فيها كماليات حلو اوى مقابل سعرها اللى هو 102 الف يعبيها انها مش 4 زجاج كهرباء
كنت مواعدكم بمفاجاه فى اخر التقرير صح متخفوش انا منستش
العربيه اللى امامكم دى واللى انا مصورها بايدى دى ايوه الكيا ريو دى نازله بدون باور ايوه العربيه مفهاش باور للاسف فى الفئه دى انا مش عارف ازاى وليه وفين وامتى هل الباور اصبح كماليات ولا ايه ؟ !!
العربيه دى لو كان نازله بباور على نفس الوضع الحالى ده كانت هتبقى صفقه رابحه جدا لاى حد بيفكر يشتريها لكن عربيه 2012 ونازله بدون باور معتقدكش هبقى مبسوط وانا راكبها ده انا كنت فاكر بس ان الادا هى اللى عامله الباور ده اوبشن طلعت كمان كيا هى كمان كده
الموضوع من تصميمى وكتابتى ويرجى عدم نقله لاى موقع اخر خاص وحصرى لنايل موتورز
http://imageshack.us/photo/my-images...6012012070.jpg