عرض للطباعة
السلام عليكم ورحمه الله و بركاته
كل العربيات بتغير زيت و فلاتر و كاوتش و خلافة يا ترى البطاريات اخبارها اى
هل بتغيير البطارية كل سنه ولا اتنين ولا تلات سنين ولا بتقعد معاك اكتر؟
هل هية بطارية حمضية ولا جافة ؟ و ضمانها كام سنه؟ و هل بتروح الصيانه الدورية بتاعتها ولا مش بتهتم ؟
مصرية ولا مستوردة ؟
و هل اضطريت تحط بطارية امبيرها اقل توفيرا للثمنها المرتفع حاليا ؟ و هل العربية اشتغلت كويس ولا حسيت انك ندمان على الموضوع دا؟
وعليكم السلام ورحمة الله وبركاته..اقتباس:
المشاركة الأصلية كتبت بواسطة atamim
البطارية الواحد بيغيرها لما بتضرب..
زمان كان الواحد بيغير كل 3 سنين و 4 سنين و حاجات كده..
دلوقتي الوضع مختلف. بتاع البطاريات اللي بتشتري منه بيقولك البطارية اخرها معاك سنتين.. لو كملتهم.. الجودة معادتش زي زمان..
توضيح:::
البطاريات الجافة حمضية برضه بس مش بتتزود مية و الكلام ده.. لكن برضه لو ضعفت بتتشحن عادي جدا زي العادية..
المستورد اكيد احسن بس يكون مضمون.. بس عشان المشكلة ان الصناعه المصري تقريبا بقت منعدمة الضمير الا من انواع محددة و قليلة قوي.. و متقوليش كلورايد.. ماشتريهاش لو ببلاش من اللي شوفته منها.. يمكن انضفهم فارتا..
ابعد عن موضوع تنزيل الامبير ده خالص.. عشان هيلخبط العربية علي الفاضي.. كل ده عشان فرق 50 جنيه ولا 100 جنيه حتي.
دي سلعة عمرة يعني لو قسمت المبلغ ده علي كام سنة اللي البطارية هتقعد معاك فيهم.. يبقي فرق بسيط جدا..
اسف علي الاطالة..
يا فندم الاستطلاع بتاع حضرتك اعتقد انه محتاج اعادة نظر
لأنه مش متعلق بحاجة واحدة يعني فيه الوقت و النوع و الصناعة و كل حاجة
يعني أنا لو بغير البطارية كل سنة و بطارية مستوردة و 55 امبير و جافة
احط علامة على اي ايكون ؟؟؟؟؟؟؟؟؟؟؟؟؟
الاستطلاع كلما كان مختصر كلما كانت النتائج أوضح
و تقبل تحياتي و برجاء تقبل النصيحة أخوك المتواضعة
انا اشتريت عربية هيونداى فرنا موديل 2008 بطاريتها كلورايداقتباس:
المشاركة الأصلية كتبت بواسطة Ahmad Allawy
رحت التوكيل فاضى خالص يعنى غبور اشترى ارخص بطارية موجودة و انا مشغل الراديو و بدور العربية حسيت انها محتاجة طاقة اكبر شوية
انا قصدى البطاريات الى مش محتاجة صيانه و البطاريات الى بتزودها حامضاقتباس:
المشاركة الأصلية كتبت بواسطة Ahmad Allawy
السلام عليكم يا احمداقتباس:
المشاركة الأصلية كتبت بواسطة Ahmed Samy
المنتدى معمول علشان نتعرف فيما بيننا و نقل لبعض خبراتنا و تسائلاتنا كلها و نتعلم من بعض
لو على كلامك انا محتاج 100 خانه لاستطلاع الرئي مش 10 بس فاختصرت بقدر ما يمكننى و خليت خاصية ان اسمك يظهر جمب الاستطلاع
علشان اعرف كل واحد كل اختياراته كانت اى بكدة اتغلبت على قلة خانات الاختيارات
فهمت دلوقتى يا باشا الاستطلاع معمول ازاى؟
السلام عليكم
انا بغير البطارية حوالى كل 3 سنين وبجيب بطارية كلورايد 70 عادية مش جافة لانى كل 3 شهور بزود الحامض بنفسى مش مستهاله انى اجيب واحدة جافة
كدة عندنا اختلافين فى الرأى بين بطارية الكلورايد واحد شغالة معاة زى الفل 3 سنين وواحد طلعت عينيهاقتباس:
المشاركة الأصلية كتبت بواسطة mrghost
يعنى لحد دلوقتى طالما فية بطارية اشتغلت 3 سنين من غير مشاكل يبقى اكيد البطارية التانية احتمال حصل شحن زائد او ربع ضرب فيها او كانت نقصة حامض الاحتمالات كتيرة
مستنين منكم مشاركاتكم
طيب يا جماعة انا سمعت قبل كدة عن بطاريات فيها فايز (خرطوم) بينزل الحامض الزيادة على الارض مش على جسم العربية
لانى قبل كدة البطارية الحامض دوب القاعدة بتاعتها و مرة دوست فرامل جامدة فالبطارية طارت جوة الكبوت و كسرت الدنيا
و سمعت ان فية بطاريات فيها مؤشر لحالتها و حالة الشحن
حد جربهم او يعرف ثمنهم او بيتباعوا فين ؟؟؟؟؟؟؟؟؟؟؟؟؟؟
انا سمعت عنهم من 5 سنين فاتوا و الحقيقة بغير البطارية كل 3 سنين او لما تموت خالص و اقعد ازق فيها
وجدت موضوع جيد عن البطاريات فى منتدى اخر فحبيت انشر المعلومات للتعلم
السلام عليكم ورحمة الله وبركاته
ارجو من ان تكون المعلومه مفيدة ويستفيد القارى منها وانا ارحب اى تعليق على هذا الموضوع ولكم خالص الشكر والتقدير
البطارية هى أهم أجزاء السيارة لحظة إدارة المحرك فهى تمد المحرك الكهربى بالتيار الكافى لإدارته عند بدء إدارة محرك السيارة وكذلك فإنها تمد المصابيح والأحمال الكهربائية الأخرى بما تحتاجه من تيار أثناء توقف المحرك أو أثناء دورانه بسرعات منخفضة وبعد أن يدور المحرك يحل المولد (الدينامو) محل البطارية فى امداد مجموعة الاشعال والأحمال الكهربائية بالتيار المطلوب.
ولأن البطارية لها المكان الأول فى الدورة الكهربية للسيارة فمن الواجب علينا أن نعرف شيئا عنها حتى نستطيع ان نتعرف بعد ذلك على عيوبها واعطالها..
تتركب البطارية فى ابسط صورها من مجموعة من الألواح الموجبة وعدد من الألواح السالبة تغمر هذه الألواح في محلول الكتروليتى مكون من حامض كبريتيك مركز (ماء النار) وماء مقطر. فمثلا البطارية ذات الستة فولت تتكون من ثلاثة أعمدة جهد كل منها=2فولت.. توصل هذه الاعمدة مع بعضها على التوإلى فيكون الجهد الكلى للبطارية=6فولت.
وكذلك البطارية ذات 12فولت تتكون من 6أعمدة جهد كل منها 2فولت توصل على التوإلى فيكون جهد البطارية 12فولت.
ويتكون كل عمود من أعمدة البطارية من عدد من الألواح الموجبة والألواح السالبة، تغمر الألواح جميعها فى المحلول الألكتروليتى وتوضع الألواح والمحلول فى وعاء لا يتأثر بالأحماض يكون عادة من الزجاج أو الكاوتشوك المجفف، ويغطى هذا الوعاء بغطاء من نفس المادة المصنوع منها.
سعة البطارية:-
تختلف كمية الكهرباء التى يمكن تخزينها فى البطاريات باختلاف أسطح الألواح المتكونة منها والوحدة العملية والوحدة العملية لقياس قدرة البطارية على التخزين تسمى (السعة).. وهى عبارة عن حاصل ضرب شدة التيار الذى يمكن أخذه من البطارية x مقدار الزمن الذى يمكن أن تفرغ فيه تفريغا قانونيا قبل أن يصل الجهد بين اقطاب أعمدتها إلى 1,8 فولت فاذا فرضنا أن بطارية أعطت 87 أمبيرا لمدة 10 ساعات. فان سعة البطارية=87 x 10=870 أمبير.ساعة.
ولنحذر إذا هبط جهد العمود إلى 1,8 فولت أن تحاول تفريغها بأي حال من الاحوال.. وكل تيار يصرف من البطارية عند هذا الجهد يؤدى إلى تراكم أملاح كبريتات الرصاص التى يصعب تحليلها لنزعها من الألواح بعد أن تتراكم عليها.. أى أن ذلك يؤدى إلى فساد البطارية وهو ما يطلق عليه (التملح).
شحن البطارية:-
المولد الكهربى الذى يغذى البطارية بالتيار الكهربى طوال مدة دوران المحرك قد لا يعوضها ما تفقد فيما يطلب منها لإدارة المحرك أو الراديو وآلة التنبيه والإنارة وغير ذلك.. لذلك لابد من إعادة شحنها باستخدام جهاز الشحن الخاص لتصبح قادرة على القيام بوظيفتها خير قيام.
وهناك الكثير من أصحاب السيارات يقومون بشحن البطاريات بالمنزل وذلك باستعمال الشاحن المنزلى وهنا يجب أن نتحقق من أن سالب الشاحن موصول بسالب البطارية وموجب الشاحن بموجب البطارية.
وهناك طريقة سهلة وطريقة لمعرفة القطب السالب من القطب الموجب (إذا كانا مجهولين).. خذ سلكين موصلين بقطبى التيار واغمسهما فى قطعه من البطاطس على مسافة صغيرة.. نجد أن قطعة البطاطس قد تعير لونها إلى اللون الأخضر حول طرف القطب الموجب.
صيانة البطارية:-
تتأثر البطارية كثيرا بالعناية التى تبذل فى صيانتها، فكلما كثرت العناية بها طال عمرها. وصيانة البطارية إما أن تكون وهى مركبة فى مكانها بالسيارة أو بعد رفعها من السيارة أما صيانتها وهى مركبة فى مكانها فانما يكون باختبار كثافة السائل كالاتى:- تقاس كثافة سائل البطارية باستخدام ميزان الكثافة (الهيدرومتر)، ونقرأ الكثافة على عوامة الهيدرومتر..
والجدول الآتى يبين قراءة الكثافة وحالة البطارية فى أحوال مختلفة:-
حالة البطارية الكثافة
بطارية كاملة الشحن 1,265 - 1,290
بطارية نصف شحن 1,205 - 1,230
بطارية مفرغة الشحنة 1,110 - 1,165
وتكون الصيانة أيضا باختبار الضغط بين أعمدة البطارية باستخدام الفولتميتر.. كما تشمل أضافة الماء المقطر للسائل وتنظيف الأقطاب والأسلاك وتغيير التالف منها.
وتشمل صيانتها بعد رفعها من مكانها: شحنها وتغيير سائلها وتجديد الواحها عند الضرورة وعموما عند صيانة البطارية يجب مراعاة الآتى:-
-يجب الكشف الدورى على منسوب السائل فى البطارية بحيث يغمر السائل حافة الألواح ويعلوها بحوإلى 1-2بوصة.
-لا يستعمل الماء العادى فى تحضير الحامض ولنحذر من صب الماء على الحامض عند تحضير السائل.
-يجب غسل البطارية على فترات ثم اعادة تزويدها بالحامض وشحنها.. ويكون الغسل بفصل البطارية من الدائرة الكهربية ونزعها من مكانها بالسيارة وتفريغها مما تحويه من حامض ووضع ماء مقطر بدلا منه عدة مرات حتى نرى الماء خاليا من الرواسب، بعد ذلك تملأ البطارية بالحمض من جديد مع مراعاة ان تكون كثافته فى حدود 1,265-1,290 ثم نشحن البطارية بعد ذلك.
-يجب ابعاد البطارية تماما عن مصادر اللهب خاصة فى مراحل الشحن النهائية.. نظرا لخروج غازات الهيدروجين والآكسوجين قرب نهاية عملية الشحن.. مما يؤدى إلى عملية الانفجار.
-يجب ألا تترك البطارية غير مستعملة بدون شحن.. بل تشحن قبل تخزينها.. ويعاد ذلك على فترات أثناء تخزينها..
-يجب ألا يزيد ارتفاع السائل عن - بوصة فوق الألواح منها لفيضان السائل مع اهتزاز السيارة مما يؤدى إلى تآكل أجزاء التوصيل وتعرض البطارية لدوائر قصد (دوائر القصد هى دوائر صغيرة تحدث داخل البطارية تعمل على مرور التيار بين الأقطاب داخلها مما يضعف تيار الحمل الخارجى).
-يجب فحص تيار المولد لأن التيار العإلى أو المنخفض يتلف البطارية عند الشحن.
-يجب ربط قطب البطارية السالب ربطا محكما بهيكل السيارة وكذا توصيل الأقطاب السالبة بجميع الاحمال الكهربية بهيكل السيارة حتى تتم الدائرة الكهربية.
-يجب ان تعلم أن استخدام مبدئ الحركة بكثرة يسبب ضياع جهد البطارية لأنه يستهلك حوإلى 250 أمبير فى الدقيقة.. فاذا استخدمناه لبدء ادارة المحرك ولم يدر فيجب عدم الاستمرار فى هذه العملية حفاظا على تيار البطارية. فقد يكون السبب فى ذلك سببا لا دخل للبطارية به.
-عند اعادة تركيب البطارية مكانها بعد عملية الشحن يجب التأكد من أن طرفى البطارية السالب والموجب قد احكم وضعها وربطهما.
إصلاح البطارية:-
وهنا ندرس أهم ما يصيب البطارية وكيفية التغلب على هذا العطب:-
(أ)تملح الألواح:-
والسبب فى ذلك هو التفريغ السريع أو تركها غير مشحونة بدون استخدام فترة طويلة..
وتملح الألواح يعنى تكون طبقة صلبة من الكبريتات تمنع أتمام التفاعل الكيماوى.. وإذا كان التملح بسيطا فمن الممكن علاجه بشحن البطارية بتيار ضعيف يصل إلى عشر تيار الشحن العادى ثم تفريغها أيضا بنفس المعدل.. أما حالات التملح الشديد فلا علاج لها.
(ب)حدوث دوائر قصر بين الألواح:-
ويحدث ذلك نتيجة للاتصال الداخلى بين الألواح الموجبة والسالبة، وعلاج ذلك يكون بغسل البطارية ثم شحنها، فاذا بقى القصر كما هو وجب تغيير الألواح. ويعرف وجود دوائر القصر بين الألواح بأن ينعدم جهد أحد الأعمدة، ولا يمكن لأى شحنة أن تبقى على هذه الأعمدة.
(ج)الشحن الزائد للبطارية:-
وهو متلف للبطارية ويعرف ذلك بالآتى:-
-زيادة كبيرة فى كمية الماء المستهلكة فى البطارية.. لأن الشحن الزائد يؤدى إلى زيادة درجة حرارة السائل وبالتإلى إلى سرعة تبخره.
-زيادة التأكسد فى الألواح الموجبة مما يؤدى إلى تمدد هذه الألواح.
-تملح الأطراف العلوية لألواح البطارية.
مجموعة الشحن:-
سبق أن ذكرنا ان الشحنة الكهربية المخزونة فى البطارية تتناقص عند سحب التيار الكهربى لتشغيل المبدئ وغيره من الأحمال الكهربية فى السيارة.. لذلك يجب تعويض البطارية عن هذه الشحنة حتى تظل دائما تؤدى عملها كما يجب.. وهذا ما يعرف بالشحن. ويقوم بعملية الشحن: المولد (الدينامو).. والمنظم (الكتاوت).
أما المولد فينتج عند دورانه تيارا كهربيا مستمرا يستخدم فى الشحن البطارية وتشغيل بقية الأحمال الكهربائية.
أما المنظم فانه يمنع زيادة جهد وتيار المولد عن قيمتين مأمونتين بالاضافة إلى أنه يمنع مرور التيار من البطارية إلى المولد فالأرضى عندما يكون الجهد الناتج من المولد أقل من جهد البطارية وذلك عند توقف المحرك أو المولد عن الدوران أو عند عطل المولد.
__________________
فى العربيه الشاهين كنت بغير البطاريه كل 4 سنين وكنت دايما بجيب فارتا الجافه (لونها ازرق) بطاريه ممتازه جداااااااااااااااا وطبعا مبتحتاجش لاى صيانه وقوتها 55 امبير واخر بطاريه منها قعدت معايا قبل ما ابيع العربيه 4 سنين ونصف بالظبط اما فى الانسر فبفضل الله لسه ماغيرتش البطاريه
اول مرة اعرف ان فية فارتا جافة لونها ازرق حبقى اسئل عليهااقتباس:
المشاركة الأصلية كتبت بواسطة mada121977
انا كنت بحط فى البيجو ال 504 فارتا لونها اسود 70 امبير
و فى ال127 فارتا لونها ابيض
طيب لما كنت بتزودها حامض بنفسك هل فى فترة الضمان ولا مكانش يهمك طالما اشتغلت معاك كويس من الاول؟اقتباس:
المشاركة الأصلية كتبت بواسطة mrghost
اقتباس:
المشاركة الأصلية كتبت بواسطة atamim
بصراحة ..........لأ
انا مش بهاجمك و الله بس انا مش عارف اشارك فين في الاستطلاع .بس
اسهلها عليك اكتر الاستطلاع دا متععد الاختيارات يعنى ممكن تختار كل الى انت عايزةاقتباس:
المشاركة الأصلية كتبت بواسطة Ahmed Samy
انا حطيت مجموعة اختيارات بتتناول مواضيع (مدة استهلاك البطارية- نوع البطارية - صناعتها -الامبير بتاعها )
و دا طبيعى هوة بيانات اى بطارية هية كدة
يبقى لو بتغير البطارية فى متوسط سنتين طبيعى حتختار خانه السنتين
لو بطاريتك جافة اكيد حتختار خانه البطارية الجافة
لو البطارية صناعة مصرية حتختار انها صناعة محلية
و اخيرا عربيتك مثلا 55 امبير اكيد حتختار الاختيار الى فية ال 55 امبير
يعنى الموضوع سهل جدا جدا جدا
على فكرة يا جماعة لحد دلوقتى فية اتنين من الاعضاء(dr_abooody, Salah_sr) قالوا بيغيروا بطاريتهم كل سنتين و لما حبيت اشوف قدرة البطارية لقيت الاتنين عندهم بطاريات فوق ال 65 امبير و كمان الاتين بطاريات جافة
فدى حاجة غريب هل فعلا بطاريات الاكتر من 65 امبير و جافة الى ما بتحتجش صيانه مبتكملش سنتين؟؟؟؟؟؟؟؟؟؟؟؟؟؟؟؟؟
البطاريه و الحمد لله بتقعد معايا فترات طويله اوي و مره فضلت خمس سنين
بس انا كل شهر بروح للكهربائي اطمن علي الميه بتاعها و علي طول متابعها
و دايما اقيس شحن الدينامو و مش بشغل لا انوار ولا كاسيت و العربيه مش دايره.
يعني بحافظ عليها و بكده بتعيش كتير :)
شكرا يا حازم على المشاركةاقتباس:
المشاركة الأصلية كتبت بواسطة hazem_khidr
طيب مقولتلنا ش انت عربيتك فيها عداد لمستوى الشحن ولا لقى؟
انا عربيتى القديمة كان فيها الجديدة مفيهاش فازاى اعرف انها بتشحن كويس؟
يعنى ولا شحن عالى و لا شحن ضعيف
بغير البطارية علي حسب اخر بطارية كانت كولورايد لعدت معايا 3 سنين و من غير صيانة و نيست الميه بتاعتها لحد ما نشفت و ضرب فيها ربعين و دلوقتي جبت هانكوك جافة
كل شهر و انا عند الكهربائي اقيس المياه اخليه يقيس شحن الدينامو بالمره :)اقتباس:
شكرا يا حازم على المشاركة
طيب مقولتلنا ش انت عربيتك فيها عداد لمستوى الشحن ولا لقى؟
انا عربيتى القديمة كان فيها الجديدة مفيهاش فازاى اعرف انها بتشحن كويس؟
يعنى ولا شحن عالى و لا شحن ضعيف
علي فكره دايما بستعمل النسر فارتا و مستريح معاها من زمان اوي
انا لسة مغيرها بعد مكملت 3 سنين
انا كنت باستخدم البطارية النسرالسوداء ولماسمعت عن الجافة واستعملتها ... اؤكد لكم انى نسيت ان فى بطارية فى العربية !! وعاشت اربع سنين لحد ماغيرت الى لادا 2004 وكانت فيها بطاريتها الروسى السائلة فغيرتها بأخرى جافة من سنتين ( قبل تضاعف الاسعار ) .. وعندى مؤشر للبطارية ولكنة الوحيد الذى اكاد لا استعملة !!!!! ( البطارية الفارتا المستوردة لا يعلى عليها ) :Lighten:
طيب يا مجدى مقولتلناش هل انت كنت بتختار بطارية النسر السوداء لسبب معين ولا مجرد بطارية نسر و خلاص؟اقتباس:
المشاركة الأصلية كتبت بواسطة magdi mina
علشان انا سمعت ان بطارية النسر السوداء اقوى و تستحمل اكتر من بطارية النسر البيضاء
فعلا كانت السوداء أحسن وبتعيش .. مش اقل ابدا من اربع سنين .. لكن مع العناية وايدى فى العربية باستمرار .. لكن اسمع ان المسائل اتغيرت الآن .. فانا لم اعد استعملها منذ سبع سنوات .. من ساعة ماحربت الجافة !!اقتباس:
المشاركة الأصلية كتبت بواسطة atamim
بغير البطارية كل 3 سنين
السلام عليكم و رحمة الله و بركاتة أخوانى الكرام
أسمحوا لى أشارك معكم فى هذا المنتدى الجميل
ما شاء الله منتدى جميل و فية مجهود رائع و الحمد لله الكل مش بيبخل بأى معلومة تفيد الأعضاء
بصراحة جربت كذا بطارية و بعض البطاريات قاعدت معايا سنة و شهرين فقط
افضل بطارية استخدامتها هى بطارية acdelco
قاعدت معايا 3 سنوات و نصف
هى بطارية جافة لا تحتاج الى صيانة و فيها مؤشر بيوضح حالة البطارية اذا كانت مشحونة او محتاجة شحن او محتاجة تتغير و بتأخذ معاها ضمان لاستبتال البطارية بالكامل لمدة سنة لو حصل فيها اى مشاكل
دة موقع البطارية فية كل المعلومات اللى ممكن تهمك عن البطارية
http://www.acdelco.com/parts/battery/
تحياتى و أحترامى لجميع الأعضاء
بطاريتي باظت النهاردة
بعد سنة و 6 شهور فقط !!!!!!!!!! واستعمالي خفيف كمان
يا جماعه بطارية Mirage الحمرا دي اي كلاااام
اقتباس:
المشاركة الأصلية كتبت بواسطة night_whisper
شكرا على المعلومات الطيبة دية
فعلا البطاريات الى فيها مؤشر بتسهل جدا تعرف حالتها اى
:oops:اقتباس:
المشاركة الأصلية كتبت بواسطة Dr_Smart
اخى الكريم
منقدرش نحكم على البطارية غير لما نشوف مستوى شحن الدينامو عالى ولا واطى
لو عالى الشحن الزيادة حيبوظ البطارية بسرعة:no:
كمان قبل ما ترمى البطارية هل كشفت انها كانت ناقصة مياة ولا لقى ؟
ممكن جدا البطارية تكون المياة فيها نشفت فربع ضرب و الباقى كمل معاة
يعنى لازم تشوف الوضع الحالى اى علشان لو الشحن زيادة و جبت بطارية جديدة
هية كمان حتبوظ زى الى قبليها فى وقت قصير
لسه مغير بطاريه ال131 من اسبوعين ..
البطاريه بغيرها لما تبوظ خالص.. اخر بطاريه الحمد لله كلمت معايا خمس سنين و نص و كانت فارتا المانى " مستورده " سايله مش جافه ... بجد فعلا بطاريه محترمه جدا جدا جدا ... و مكونتش لا بعملها صيانه ولا حاجه .
حاليا جبت نسر فارتا المصرى .. و هى برده كويسه و كنا بنجيبها من زمان و كانت بتعيش على الاقل 3 او اربع سنين و سعات اكتر .
الكلورايد و الميراج ماشوفتش اى حد شكر فيهم نهائى .. خصوصا الميراج
سؤال هوا لازم افك البطارية كل مدة و اغير المية الي فيها و اشحنها؟
يعين انا مثلا معاي فارتا 55 سايلة باعملها صيانة كل 3 اسبيع او شهر تقريبا و اروح اقيس المية و ازودها لو محتاجة ( و دا شيء نادر جدا) و اشوف الكثافة بتاعتها عند بتوع البطاريات فيالابراهيمية هنا في اسكندرية و بقالي علي كدا سنة و نص و البطارية زي الفل لازم بقي اعمل حوار الفك و الشحن الخ ؟و لو حاعملة يبقي كل قد اية و ازاي بقي بالتفصيل علشان نا اول مره اسمع عنة في بطاريه جديدة و مفهاش مشاكل لاني دايما اعرف حل البطارية و تغييير المية و الشحن بتعمل للبطاريات الي بتطلع في الروح
ياجماعه انا كان نفسى اشترى بطاريه جديدة و مش عارف اسعار البطاريات ال 70 امبير كام اليومين دول ممكن حد يدلنى ؟؟؟؟؟؟؟
الكلورايد اعدت معايا حوالى سنة و8 شهور
ةهغيرها الاسبوع ده ان شاء الله
احتمال اجيب النسر فارتا
بغير البطارية لما بتجيب اخر ومتوسطها 3 سنين
وبحب البطاريه السائلة اكتر من الجافة وبسئل على النوع المتوفر فى السوق سواء مصرى ولا مستورد وانها ارخص من الجافة وكل اللى بتحتاجه انك تكشف عليها كل فترة زى الميه والزيت
ودايما بجيب 70 امبير
Varta الماني جافة ، و التغيير كل سنتين تقريبا .
من اول ماعرفت البطارية الجافة ( 15 سنة ) وانا مش باجيب غيرها - فارتا المانى - والحقيقة عمرى ماغيرتها قبل أربع سنين ومرة بعد الخمس سنوات .... عمرى ماعرفت حد يغير البطارية كل سنة .. الا بطاريات النسر و الكلورايد !!!!!!!!!!!!!!
Dry German Varta is the best
كل سنتين او سنتين وكام شهر لا اكثر ...... جافه ديلكو acd 75 .
شكرا