الافيو و الشتاء

**AROR** · 17-01-2012 12:23 PM

بعد عمل صيانة الافيو 50000ك فى منصور تم تغيير (طقم السيور) سير الدينمو و شداد الدينمو وسير الكاتينة وشداد سير الكاتينة وطلمبة المياة ظهر صوت احتكاك فى الصباح من عند السيور ويختفي بعد 5 دقائق لما العربية تسخن وهذا الصوت لم يكن موجود قبل تغيير طقم السيور واستمر الصوت لمدة شهرين ولما رجعنا لمنصور تانى بعد شهرين وبعد الفحص والمحص تم تغيير الطقم تانى ( تغيير سير الدينمو و شداد الدينمو وسير الكاتينة وشداد سير الكاتينة وطلمبة المياة) فى الضمان علشان قالوا ممكن البلى خشن وفيه عيب صناعة وضبطوا تركيب الوش الفيبر اللى مغطي سير الكاتينة علشان لو بيحك فى السير وبرضة استمر الصوت فى الصباح او عند برودة العربية ارجو هل حد يعرف هذا العيب من اية

**أشرف العدوي** · 17-01-2012 01:32 PM

هو صوت زي ونة كدة
بتحصل و العربية باردة و لما بتسخن بتروح

**ahmedaglan** · 17-01-2012 02:31 PM

هو الطبيعى لان العربية ف البرد بتبقي خشنة اول مدورها الصبح واول متعمل مشوار محترم كل حاجة بتتظبط لان العربية بتكون سخنة
بس انصحك انك ترجع ليهم تانى
وانصحك بفرع التجمع
وبالتوفيق

**AROR** · 17-01-2012 03:53 PM

هو مش صوت الخشونة العادي بتاع الماتور الصبح وهو بارد
لا ده صوت خشونة من عند السيور وبعدين الصوت ده حصل بعد تغيير السيور ماكنش موجود قبل التغيير رغم ان التغيير مرتين للشك فى ان البلى يكون خشن

**أشرف العدوي** · 17-01-2012 03:58 PM

لاء مش حقدر افتي
انا ما اعرفش

**HeMa_LanCeR** · 17-01-2012 04:49 PM

علي حسب اعتقدادي انه ممكن يكون من طرمبة الباور
قريب شوية وحاول تعرف الصوت منين بالظبط

**drmagieed** · 19-01-2012 12:03 AM

المشكلة دي كانت عندي في ال 28 صوت خشانه والعربية باردة في أي وقت صبح بالليل يختفي بعد 5 دقائق مشي وكان من طرمبة الميه

**mmtronic** · 19-01-2012 04:19 PM

المشاركة الأصلية كتبت بواسطة AROR

بعد عمل صيانة الافيو 50000ك فى منصور تم تغيير (طقم السيور) سير الدينمو و شداد الدينمو وسير الكاتينة وشداد سير الكاتينة وطلمبة المياة ظهر صوت احتكاك فى الصباح من عند السيور ويختفي بعد 5 دقائق لما العربية تسخن وهذا الصوت لم يكن موجود قبل تغيير طقم السيور واستمر الصوت لمدة شهرين ولما رجعنا لمنصور تانى بعد شهرين وبعد الفحص والمحص تم تغيير الطقم تانى ( تغيير سير الدينمو و شداد الدينمو وسير الكاتينة وشداد سير الكاتينة وطلمبة المياة) فى الضمان علشان قالوا ممكن البلى خشن وفيه عيب صناعة وضبطوا تركيب الوش الفيبر اللى مغطي سير الكاتينة علشان لو بيحك فى السير وبرضة استمر الصوت فى الصباح او عند برودة العربية ارجو هل حد يعرف هذا العيب من اية

انا عملت نفس الصيانة و غبرت الى انت غيرتة كلة بس الى عندى انى حسيت ان الموتور صوتة اخشن شوية بس

الحاجة الغريبة ان السيور الى شالها من العربية عليها علامة دايو اما الى ركبها فهى سيور بدون ماركة مجرد مطبوع عليها
made in USA
بس بشكل معفن معتقدش انها امريكى ابدا اما سير الدينامو فكان بلجيكى او بلغارى مش فاكر و البلى و اشداد من غير علب( همة جداد و شكلهم باين انهم جداد ) و كنت مستغرب جدا و خصوصا الفينش بتاعهم مكنش ممتاززى ما بتشترى قطعة غيار اصلية و من الوكيل
شيىء غريب