بسم الله الرحمن الرحيم
ازيكم يا رجالة عاملين اية
الحمد الله وبعد جهد وتعب وتفكير قررت شراء فانتازيا اوكتافيا اوتوماتك
بعد ما كنت هجيب السيراتو كوبية خوفت بسبب مشاكلها وقولت اركب الماني
ياريت الناس الي ركباها تديني شوية نصائح بخصوصها واية المشاكل الثابتة فيها
واساسيات الاستخدام وهكذا
وهل فعلا اول صيانة 15 الف ك؟ مفيش صيانة 1000 او 5000 ؟؟
ألف مبروك يا باشا وربنا يباركلك فيها. العربية فعلا أكثر من ممتازة وممتعة وعملية. مفيش نصايح أكتر من حافظ عليها و ربنا يحميهالك من الحوادث والحسد وخلافه. و مفيش مشاكل برضه بس ملاحظات خفيفة زي ان عفشتها ناشفة شوية وكمبريسور التكييف ضعيف شوية بس ضعف في قراءة الكومبيوتر لكن غير محسوس على الإطلاق عند الإستعمال والتكييف قوي وممتاز. والعربية مراياتها الأصلية غالية أوي عشان كده كفوف المرايات عليها إقبال كبير من الحرامية ربنا يحرقهم وربنا يحميلنا مراياتنا منهم. بالنسبة لأول صيانة معنديش فكرة الصراحة عشان أنا مش شاري عربيتي من الزيرو.
الف مبروك يا ياشا...وربنا يباركلك فيها ....
كده عددنا بيزيد ...تمام
اول صيانه إن شأء الله هتكون بعد 10000 كم
هنغير زيت زفلتر بس والمصنعيه عليهم هتدفع بس ثمن الزيت والفلتلر
اهم نصيحه ....بالش فى الغسيل الداخلى مياه كتير كفايه فوطه يدوبك مبلوله علشان تحافظ على الفيوزات ...
واى إستفسار انا تحت امرك
الف مبروك :)
الف مبروك
حافظ على مواعيد الصيانه
اول صيانه 10 الاف كم
بالراحه فى المطبات عشان لو بقيت تاخد المطبات بسرعه هتلاقى صوت العفشه بقى عالى بعد فتره
ربنا يديلك خيرها و يكفيك شرها
السلام عليكم
الف الف مبروك
:verygood:ربنا يباركلك فيها ويديك خيرها ويبعد عنك شرها ويحفظها من الحسد
نصيحه بلاش تزود عن 100 كم/ ساعه اول 1000 كم
وربنا يحفظهالك ويسترها معاك :praying:
شكرا علي الردود والاهتمامات
العربية مكتوب فيها ان الصيانة بعد 15 ك
وكل لما بمشي العدد بيقل
هل فعلا بعد 15 الف ؟؟
:verygood:اقتباس:
المشاركة الأصلية كتبت بواسطة seaman
انا استلمت الفانتازيا اول امبارح وعايز اعرف اول تغيير للزيت الفابريكة امتى؟
1000 مبروك واهم حاجة تجيب غطي ليها اللي هو جلد من برة ومن جوة فيبر علشان تحافظ عليها وربنا يباركلك فيها
الف الف الف الف الف الف الف مبروك ... ربنا يحفظهالك من الحسد والعين يارب
انا عربيتى a5 وكانت اول صيانه على 5000 بس مش عملوا حاجه ربطوا العفشة
الزيت بيتغير على 10000 مع ان الكاتالوج بيقول 15000 وعداد صيانه العربية بيقول 20000 كم بس ما علينا اكيد جوده الزيوت وطبيعة الجو والتراب والطرق المصريه هى السبب
التليين هو اهم فترة فى العربية اول 1000كم الكتالوج بيقول ال rpm مش يعدى 1/3 العداد يعنى تقريبا 3000 - 3200 ل/د وبعد كده ب 500 كم تبدى تزود تدريجى ل 4000 ل/د لحد العربية ما تمشى 1500كم
والف مبرووووووك وعقبال المليون كم
ألف مبروك ويارب يديك خيرها ويكفيك شرها ، العربيه بصراحه أكثر من روعه ، ثبات وأداء وقوه وفخامه ، المهم تحافظ على الصيانه ومواعيدها وعلى فكره أول ميعاد للصيانه 10000كم ، وسيبك من المكتوب فى العربيه ، ولو الجنط بتاع العربيه 17 إنش ، خلي بالك من المطباط والنقر عشان الكوتش ما يخربش منك ، غير كده العربيه ولا أحلى ولا أروع من كده ، ولا تضيف أي إضافات كهربائيه (سنسور أو فوج لايت ) بدون إستشارة خبراء، لكي لا يؤثر ذلك على الكمبيوتر الخاص بالسياره
الف مبروك على العربيه