الموضوع: نكت متنوعه - اضحك شويه

السلام عليكم
صديق ليا باعتلى كام نكته
قلت افرفش زملائى بالمنتدى شويه
بس النكته اللى متعجبكمبش متعلقوش عليها - و لا كانكم قريتوها
واحد وخطيبته ماشيين طلع عليهم ناس من تجار الأعضاء عاوزين يخطفوهم
البنت قعدت تعيط وتقولهم : حرام عليكو
ده انا زارعه قلب...وكبد..وكلية
وبنقل دم كل اسبوع
سابوها وبصوا للولد
راح رمي نفسه علي الأرض وقعد يقول :
ياريتني ماديتهوملك..ياريتني ماديتهوملك!
===============================
إرهابي بيقول لإرهابية
تتجوزيني ؟
قالتله اديني فرصة افجر .

===============================

اب بيقول لابنه : انا ناويت اخطب لك
الابن : لا يا بابا ..مش موافق
انا شوفت امى وعارف ذوقك .
=======================
واحد مابيصومش
قال لـمراته: فين السحور يا ولية
قالتله أنت مش بتصوم عاوز ايه من السحور؟
راح قال لها:الله هو يعني لا صيام ولا سحور
خلاص بقينا كفار للدرجة دي
==============================
المحاكمات على التلفزيون
هنلاقي القاضى يطلع يقول الحكم بعد الفاصل،
وبعدين نلاقى هذه المحاكمة برعايه بيبسى،
وتتذاع حصريا لرعاية السجين المصري !
ولأن المحاكمات كتير هتتفتح قنوات : مودرن محكمة ، و بانوراما قضية، والنيل للمحاكمات .
===================================

يحكى ان ليلى رأت الذئب وراء الشجرة فقالت انت الذئب ؟
قال :نعم
فهربت
ثم رأته وراء الصخرة فقالت انت الذئب
فقال :نعم
فهربت
ثم رأته فى الكهف فقالت :انت الذئب
قال :انا الزفت انا النيله انا القطران

سيبينى اعمل حمام بقى
============================
رجل طلع عليه أسد
فركع الرجل على ركبتيه كى ينجيه الله من اﻷسد
و إذا باﻷسد يأتى بجواره ويركع هواﻵخر
فتعجب الرجل و قال للأسد :
طيب أنا بأصلى عشان ما تكلنيش ، انت بتصلى ليه ؟
فقال له اﻷسد : أنا بأحب أصلى ركعتين قبل اﻷكل ..