اريد نصيحه من ركاب السيينا

**kareem_ayman** · 17-01-2012 04:09 PM

نصيحه من ركاب السيينا اصحاب الخبرة رجاء افادتى من ركاب السيينا اريد ان اشتريها فهل تنصحونى بها ام الشاهين وهل قطع الغيار اسعارها مناسبه مقارنه بالشاهين وهل مشاكلها كتير وشكرا

**samyyousef** · 17-01-2012 04:57 PM

السلام عليكم
عند المقارنة بين السيارات المستعملة
تكون اهم نقطة هي حالة السيارة..............فلو أن سيارة فئة عالية و بها عيب خفي و سيارة فئة اقل لكن حالتها جيدة تكون الأفضلية للأخيرة....فالمعيار في اي سيارة مستعملة هو الحالة ثم الحالة ثم الحالة
هذا بالنسبة للسيارات المستعملة بصفة عامة ...و للسيينا بصفة خاصة
السيينا سيارة اكثر من رائعة - من وجهة نظري افضل من الشاهين - لكن بشرط ان تكون حالتها جيدة
كانت لدي من الزيرو و ظلت معي تسع سنوات لم تحتاج لأي شيئ...و غلطت غلطة عمري عندما ذهبت بها لميكانيكي منه لله بوظها
معظم الميكانيكية لا يجيدون التعامل معها نظرا لضيق الحوض
هناك سيارة من نفس العائلة لكن افضل منها هي الفيات برافا ايطالي 100% و حوضها واسع لكن يشترط حالتها ايضا

**misoalex** · 18-01-2012 07:17 AM

زى موضح samyyousef اهم حاجه الحاله الكويسه اولا

بس الشاهين عيبها فى شكلها من الداخل والخارج ميحسسش الواحد ان دى عربيه حديثه خااااالص وغير كده الكرونه ومشاكل الكرونه وعمود الكردان وغيره
لكن السيينا عربيه حديثه وقطع غيارها نفس اسعار قطع غيار الشاهين مع اختلاف حجات بسيطه جدا
والموتور السيينا ال 1400 نفس قطع غيار الشاهين ال 1400 برضه مفيش فرق
لكن السينا ال 1600 هى اللى فيها بعض الاختلافات فى الموتور عشان اقوى وفى الجنوط عشان 14 وفيها مفتاح مشفر وكام حاجه تانيه مختلفه بسيط
شنطه السيينا واااااااااسعه جدا اوسع من الشاهين وصالون السيينا اوسع بسيط من الشاهين لكن الشاهين اعرض فتحس انها اكبر وحوض الشاهين اوسع واكبر من حوض السيينا
الميزه الوحييييييده فى الشاهين انها منتشره لانها من التسعينات وهى بتتصنع وتتباع لكن اول انتاج للسيينا كان فى 2000 فعشان كده الشاهين تلاقى الصنايعيه فاهمين فيها اكتر لانها بقالها كتييير وغير كده فيه منها تاكسى كتير

**ZALABANY** · 18-01-2012 08:29 AM

السيينا كويسه زي ما الأخوه قالولك بشر الحاله ورأيي لو يتفكر في الشاهين يبقى التمبرا احسن منها كتير شكل احلي وأوسع وتكييف وكماليات اكتر وقطع غيار رخيصه

**kareem_ayman** · 18-01-2012 12:16 PM

مشكورررر يا رجال على المعلومات القيمه دى

**elshaeer2012** · 18-01-2012 02:47 PM

هل الكلام اللي فوق ده يمشي مع السيينا ال 2002 ؟؟

**misoalex** · 18-01-2012 09:34 PM

المشاركة الأصلية كتبت بواسطة elshaeer2012

هل الكلام اللي فوق ده يمشي مع السيينا ال 2002 ؟؟

ايوه طبعا نفس الكلام

**freedam** · 26-01-2012 10:17 PM

السيينا افضل لو حالتها كويسة هي سيارة متينة وعفشة قوية وكمان شكل شيك والصالون واسع وقطع الغيار متوفرة واسعارة في المتناول توكل علي الله وخليك مع السيينا عن تجربة بجد وربنا يبارك لك فيها