محصور بين منصور وغبور

**Nile_Storm** · 28-05-2008 11:30 AM

الموضوع ده عالي اوي اوي اوي
ايه الحلاوه دي يادكتور

**SEATLOVER** · 28-05-2008 11:58 AM

موضوع جميل يا د.احمد
بس عايز اقولك حاجة ...داخل دهاليز التوكيلات نفسها
لا يتم التفكير بهذا المستوى العالى من البحث و الدراسة و وضع خطط تنافسية

الموضوع عندهم بسيط للغاية ...
((( فى عربية عملوها جديد عندنا فى الشركة ... تفتكر نجيبها ولا فُكك منها
يا عم لا ماهو اسمة اية منزلها بتراب الفلوس ..كبر

او

اقولك ... هاتها يومين على سعر (كذا ) و يقوم ضارب رقم ... و اللى عايز يبقى يدفع فلوسها الاول على الترابيزة ... مشيت سلانسية نجيب كام حتة .. مامشيتش

خلاص هانعملهم اية ... شعب مش عارف مصلحتة فين !!!)))

احنا بندرس و نحلل اكتر منهم

**Nile_Storm** · 28-05-2008 01:03 PM

المشاركة الأصلية كتبت بواسطة SEATLOVER

موضوع جميل يا د.احمد
بس عايز اقولك حاجة ...داخل دهاليز التوكيلات نفسها
لا يتم التفكير بهذا المستوى العالى من البحث و الدراسة و وضع خطط تنافسية

الموضوع عندهم بسيط للغاية ...
((( فى عربية عملوها جديد عندنا فى الشركة ... تفتكر نجيبها ولا فُكك منها
يا عم لا ماهو اسمة اية منزلها بتراب الفلوس ..كبر

او

اقولك ... هاتها يومين على سعر (كذا ) و يقوم ضارب رقم ... و اللى عايز يبقى يدفع فلوسها الاول على الترابيزة ... مشيت سلانسية نجيب كام حتة .. مامشيتش

خلاص هانعملهم اية ... شعب مش عارف مصلحتة فين !!!

)))

احنا بندرس و نحلل اكتر منهم

ههههههههههههه محسسني انك كنت بتخطط معاهم
بس اللي اظنه بيفكر كده فعلا
معارض السيارات

**د.أحمد سمير** · 28-05-2008 01:24 PM

خالص شكري وتحياتي لكم جميعاً أولاً ..
ثانياً : السوق المصري يعاني بالفعل من التخبط في تحقيق رغبات المستهلك ، والتركيز على سيارات تناسب البيئة المصرية ...الخ
ولكن بالفعل يظل العائق الأكبر هو تحديد السعر بناء على ضرورة البعد عن السياسة التسعيرية لمنصور وغبور اللذان يمثلان القوى الاحتكارية الأكبر في السوق المصري .

المسألة ببساطة أن حجم الإنتاج والتسهيلات البنكية والسيولة المادية والارتباط بالسلطة يسمح لهما بتفادي أي اهتزازات يشهدها السوق فهما الأكثر قدرة على احتواء وتوجيه هذه الاهتزازات بينما لا تتوافر هذه القدرة لدى أغلب التوكيلات الأخرى .
وطول ما هذا الواقع مستمر سيظل سوق السيارات المصري في هذه الحالة غير المتزنة التي نعاني منها جميعاً .

تقبلوا خالص شكري لكم جميعاً

**Ghamrawy** · 28-05-2008 02:08 PM

بكره نشوف لما نصير يجيب الفاروميو على اخر السنة دى منصور حايعمل ايه فى الاسترا اللى حايبقى قدامها ال 147 و الفكترا اللى حايبقى قدامها 159 و كمان الMi.To

**ahmed1981** · 28-05-2008 07:28 PM

حياك الله
بالفعل حياك الله
وضحت لنا صراع الحيتان

**som3aa** · 28-05-2008 08:45 PM

فعلا كلام يستحق التقدير
ملاحظات صغيرة

أن المنافسة التي احتدمت طيلة عامين بين الشاريد الجميلية (نسبة إلى عبد اللطيف جميل ) والبيكانتو النصيرية . لم ترق للرجلين فقرر منصور دخول المنافسة الشرسة بالسبارك ، ولم يلبث غبور أن سعى لنزول سيارته الآي تن ..

غبور كان موجود اساسا بالاتوس و بعدين وقفها و بعدين نزلها تانى و لسه موجودة دلوقتى بس شكلها مش حلو و قان منزل عليها الi10

بعد صعود أسعار الياباني لمستويات الأوربي

معلش انا بسميها تصعيد مش صعود

ويستعد منصور لمجابهة سيارات غبور الجديدة السوناتا والإلنترا والآي 30 بنزول موديلات الإيبكيا واللينيا إلى السوق المصرية ليستعر الوطيس في الحرب بين الرجلين على السيطرة على السوق المصري

الصراحة صعب اوى بسبب غلو الجمارك على العربيات دى و علشان ينزلهم عنده حل من الاتنين
1- يجمعهم فى مصر
2-ينزلهم 1600cc
و صعب على الepica تنزل 1600 خالص و لو نزلت هتنافس الفكترا يعنى هياكل من نفسه
و بعدين المصريين مبيحبوش العربيات الامريكانى بعكس الخليجيين (يعنى شكلا العربيتين مش هيعجبوا المصريين و معتقدش انهم هينجحوا).

طبعاَ منصور لما نزل الفيكترا كان فكره أنه شايف المصريين عايزين حاجات فخمة بسعر معقول فنزلها علشان يضرب الباسات ..

معلش انا مختلف قليلا هو مش منزلها تضرب الباسات لانها اساسا لا تقارن بالباسات فى السعر و لا الفئة و لا اى حاجة.
دى بتبدا من 162 و تنتهى 218 و الباسات بتبدا من 230 و تنتهى 285 يعنى مش بتنافسها و لا تضربها خالص الفكرة انه لما لقى الباسات نجحت النجاح الرهيب اوى دى مع انها ضعيفة جدا (1600) فهم ان المصريين ملهمش فى قوة الموتور و اخرهم الشكل و خلاص (يعنى من الاخر العربيات عندهم شكل ) فلعب على موضوع الشكل و الالمانى و عملت اعلان بتحلم بالالمانى؟؟ ايوه ؟ طب اشترى بقا يا زبون!!